Актывістаў Партыі БНФ выклікаюць у пракуратуру па пытаньні аўтарэфэрэндуму

Цягам апошніх дзён шэраг актывістаў Партыі БНФ былі выкліканыя ў пракуратуры па месцы жыхарства па пытаньні аўтарэфэрэндуму.

Кіраўнік Магілёўскай абласной арганізацыі Партыі БНФ Зьміцер Салаўёў 29 красавіка наведаў пракуратуру Ленінскага раёну ў Магілёве. Там яму задавалі пытаньні "Ці браў ён удзел у сходзе ініцыятыўнай групы?", "Дзе і калі адбываўся сход ініцыятыўнай групы?", "Колькі людзей брала ўдзел у сходзе ініцыятыўнай групы?", "Хто завяраў згоду аб удзеле ў ініцыятыўнай групе ў натарыюса?".

Таксама ў пракуратуру выкліканыя:

Зьміцер Антончык (Магілёў),

Аляксандр Кузьняцоў (Віцебск),

Сяргей Трафімчык (Бярозаўка, Лідзкі раён),

Яўген Пугач (Смалявічы).

Нагадаем, што Партыя БНФ хоча дамагчыся правядзеньня рэспубліканскага рэфэрэндуму па пытаньні "Ці падтрымліваеце Вы захаваньне памеру мытных пошлін на ўвоз у Рэспубліку Беларусь легкавых аўтамабіляў замежнай вытворчасці на ўзроўні 26 лістапада 2009 года?".

4 траўня Цэнтральная выбарчая камісія павінна даць адказ наконт рэгістрацыі ці нерэгістрацыі ініцыятыўнай групы.