Яшчэ аднаго актывіста прымусова вязуць у ваенкамат

У гэтыя хвіліны актывіста Руху "За Свабоду" Алега Пронскага вязуць з Рагозніцы ў Мастоўскі ваенкамат. Пра гэта паведаміў у сваім ЖЖ Алесь Зарэмбюк.

Пасьля заканчэньня Гродзенскага аграрнага ўніверсітэта Алег працуе па размеркаваньню брыгадзірам вытворчай брыгады ў расьлінаводстве ў СВК ім Адама Міцкевіча.
Учора кандыдатура Алега Пронскага была вылучана шляхам сбору подпісаў у склад Гродзенскай абласной выбарчай камісіі, пасьля гэтага Алегу патэлефанаваў ваенком Мастоўскага вайсковага камісарыята спадар Шандэровіч і па тэлефоне запрасіў яго ў ваенкамат на сёньня.
Без афіцыйная позвы, Алег не палічыў патрэбным прагульваць працу і ісьці ў ваенкамат.