Хведарука гвалтоўна дастаўляюць у ваенкамат

Некалькі хвілінаў таму ў кватэру да моладзевага актывіста Зміцера Хведарука ўварвалася некалькі міліцыянтаў. Яны патлумачылі, што нібыта ёсьць прадпісаньне ў прымусовым парадку даставіць яго ў прызыўную камісію ў ваенкамат.

Цікаўнасьць ваенкамата да прызыўніка выглядае досыць дзіўна, паколькі ён научаецца на дзённым аддзяленьні ў каледжы і мае адтэрміноўку ад службы ў войску. Ізноў палітычная замова?

Аднак, як паведамляе Радыё Свабода, калі дахаты прыйшоў бацька Хведарука, міліцыянт і двое ў цывільным узялі ды сышлі.