Маладафронтаўцаў даставілі ў Дом правасуддзя (адноўлена, фота)

Скончыўся суд над маладафронтаўцамі. Кожны з актывістаў прысуджаны да трох сутак арышту.

Непаўнагадовыя ўдзельнікі антыкамуністычнага пікету Юлія Міхайлава і Аляксандар Рымша, якіх адпусцілі пасля затрымання 7 лістапада, будуць чакаць адміністрацыйнай камісіі.

Маладафронтаўцаў Насту Палажанку, Тацяну Шапуцька, Насту Лойка, Аляксея Янушэўскага і Антона Русіна судзілі ў памяшканні суду Ленінскага раёну, што знаходзіцца ў Доме правасуддзя па вул. Сямашка, 33.

Паплечнікі актывістаў чакалі іх ад 8 раніцы. Перад будынкам суда моладзь трымае расцяжку з надпісам “Свабоду палітвязням!”. Разам з актывістамі вынікаў разгляду справы чакалі і праваабаронцы.