Баранавічы: Сябры акруговых камісіяў ад АГП могуць не пабачыць падвядзення вынікаў выбараў

26 верасня адбыліся паседжанні акруговых камісій Баранавіцкай-Заходняй выбарчай акругі № 5 і  Баранавіцкай сельскай выбарчай акругі № 7, на якіх разглядаліся тэхнічныя пытанні па графіку працы сябраў камісіі ў дзень выбараў. Сябрамі гэтых акруговых камісіяў ад АГП з’яўляюцца Анжэліка Камбалава і Ян Савіцкі адпаведна.

Вельмі цікавы вынік паседжання. Абодва сябры камісіяў ад АГП прызначаны працаваць 28 верасня на першую змену. Гэта значыць, што вечарам, падчас прывозу выніковых пратаколаў і бюлетэняў з выбарчых участкаў, яны не будуць прысутнічаць і не змогуць пабачыць вынікаў выбараў. 

Ян Савіцкі збіраецца прыйсці і ўвечары, але ці будзе ён дапушчаны да працы “не ў свой” час – пытанне.

“Праваабаронцы за свабодныя выбары”