Бабруйскія СМІ працягваюць піяр у адзін бок, а незалежныя кандыдаты пішуць скаргі

Пасля таго, як акруговыя выбарчыя камісіі скончылі прымаць дакументы для рэгістрацыі кандыдатамі ў дэпутаты, эстафету піяра праўладных кандыдатаў перахапіла газета “Вечерний Бобруйск”. У матэрыяле пад назвай “Выдвижение кандидатов в Палату представителей закончилось” узгадваюцца толькі чатыры прозвішчы – Уладзіміра Карпяка, Анатоля Глаза, Алены Шамаль і Аляксандра Казлова.

Тым часам незалежныя прэтэндэнты ў ППНС выказваюць сваё незадавальненне такімі паводзінамі  бабруйскіх СМІ. – Я склала і паслала ўжо дзве скаргі, адрасаваныя Лідзіі Ярмошынай і ў Бабруйскі суд Ленінскага раёна, - распавядае Алена Мядзведзева. – Да скарагаў я прыклала асобнікі газет “Бабруйскае жыццё” і “Вечерний Бобруйск”, дзе друкаваліся інтэрв’ю з прэтэндэнтамі ад улады. Зараз чакаю адказ.

Іншыя бабруйскія незалежныя вылучэнцы ў кандыдаты ў дэпутаты вырашылі дачакацца моманту рэгістрацыі, і ўжо потым займацца скаргамі.

“Праваабаронцы за свабодныя выбары”