Сёння завяршаецца фармаванне ўчастковых выбарчых камісій
https://spring96.org/be/news/23637
2008
2008-08-13T12:23:50+0300
2008-08-13T12:23:50+0300
1970-01-01T03:00:00+0300
be
Сёння ў Беларусі завяршаецца фармаванне ўчастковых выбарчых камісій. На 6,5 тысяч участкаў прэтэндуюць больш за 73,5 тысячы чалавек.
Паводле звестак Цэнтрвыбаркама, больш за палову прэтэндэнтаў былі вылучаныя грамадзянамі шляхам падачы заяў, больш за 24 тысячы вылучылі працоўныя калектывы. У склад кожнай участковай камісіі можа ўвайсці ад 5 да 19 чалавек.
Як паведамлялася раней, ад апазіцыі было вылучана 1153 чалавекі. Колькі з іх пройдзе ў склад камісій, стане вядома заўтра. Пра гэта Еўрарадыё паведаміў сакратар Цэнтрвыбаркама Мікалай Лазавік.
“13 жніўня — апошні дзень. Паводле графіку падачы інфармацыі, 14 жніўня да 14 гадзінаў выканкамы і адміністрацыі павінны падаць усю інфармацыю пра фармаванне камісій”.
