Магілёў: за дзеючую дэпутатку подпісы збіраюць без запатрабавання пашпартоў

Збор подпісаў па вылучэнні кандыдата ў дэпутаты па Горацкай выбарчай акрузе № 81, дзеючай дэпутаткі Таццяны Асмалоўскай вядзецца з парушэннямі выбарчага заканадаўства.

Супрацоўнікі райвыканкаму паведамілі, што іх подпісы збіралі проста на працоўных месцах, не правяраючы пашпарты. 

Жыхары дома па вул.Сурганава, 6 распавялі, што да іх у кватэру прыходзілі настаўніцы з суседняй школы № 1 і прапанавалі падпісацца за сп. Асмалоўскую, пры гэтым пашпартоў у гэтых людзей зборшчыцы подпісаў не запатрабавалі, а якія дадзеныя былі прастаўленыя ў падпісным аркушы-- яны ня ведаюць. 

“Праваабаронцы за свабодныя выбары”