Кіраўніка Брэсцкай абласной арганізацыі Свабоднага прафсаюзу Беларускага Валянціна Лазарэнкава 30 сакавіка выклікалі ў Маскоўскі РАУС Брэста.

Cупраць яго па-ранейшаму высунутае абвінавачваньне ў арганізацыі несанкцыянаванага сходу на рэчавым рынку гораду ў часе страйку берасьцейскіх прадпрымальнікаў.

У другой палове дня 30 сакавіка складзены на Валянціна Лазарэнкава адміністрацыйны пратакол трапіў у суд Маскоўскага раёну Берасьця, аднак пасьля доўгіх кансультацыяў разглядаць гэтую справу ўчора суддзя Марыя Леванчук адмовілася. Суд над спадаром Лазарэнкавым можа адбыцца 31 сакавіка, перадае “Радыё Свабода”