20 сакавіка ў Горадні прыблізна каля паловы 9-й вечара амонаўцы затрымалі трох польскіх журналістаў.

Пра гэта паведаміла радыё Свабода. Сярод заптрыманых -- карэспандэнт і фотакарэспандэнт польскага выданьня часопіса Newsweek Міхал Кацэвіч і Адам Тухліньскі, а таксама карэспандэнт тэлебачаньня Polsat Марцін Сьмялоўскі.

Іх затрымалі на выбарчым участку ў 3-й сярэдняй школе. Спачатку міліцыянты спраўдзілі ў іх акрэдытацыю і прапусьцілі на ўчастак. Аднак неўзабаве зьявіліся амонаўцы і заявілі, што ў польскіх журналістаў нібыта сфальшаваныя акрэдытацыйныя дакумэнты. Затрыманьне журналістаў з Варшавы пацьвердзіла Генэральнае консульства Рэспублікі Польшча ў Горадні.