viasna on patreon

Салігорскіх маладафронтаўцаў зноў аштрафавалі

2008 2008-02-04T16:48:59+0200 1970-01-01T03:00:00+0300 be

Паводле рашэньня камісіі, Самойлава Хрысьціна аштрафавана на 1.5 мільёны рублёў за ўдзел у акцыі "Камунізм пад трыбунал". Паседжаньне цягнулася больш за 2 гадзіны. Іван Шыла атрымаў 700 тысячаў рублёў. Ягоны бацька 350 тысячаў.

Сябры камісіі не зьвярнулі ўвагі на значныя парушэньня падчас складаньня пратаколаў, супярэчлівыя сьведчаньні супрацоўнікаў міліцыі і факты, сьведчаўшыя пра беспадстаўнае ўжываньне фізычнае сілы падчас затрыманьня. Тым ня менш, частка штрафаў была скасавана, бо тэрміны пераглядаў скончаліся, у прыватнасьці не былі разгледжаны 5 пратаколаў за ўдзел маладзёнаў у акцыі Салідарнасьці 16 кастрычніка.
Цікавай асаблівасьцю цяперашняга працэсу было руплівае выкананьне працэдурных нормаў, на якія груба парушаліся ў мінулы раз адміністратыўнай камісіяй. Удзел у паседжаньні прымалі нават сьведкі, абсалютная большасьць зь якіх былі міліцыянты.

Бліжэйшым часам салігорскіх маладафронтаўцаў чакае яшчэ адна камісія па справах непаўнагадовых за ўдзел у акцыі салідарнасьці з арыштаванымі актывістамі дэмакратычнага руху Аляксандрам Цацурам і Ларысай Насановіч. Нагадаем, што пратаколы за ўдзел у несанкцанаваным мерапрыемстве былі складзены ў дачыньні да 6ці актывістаў моладзевага руху.

Апошнія навіны

Партнёрства

Сяброўства