viasna on patreon

ЗША пратэстуюць супраць зьбіцця дэманстрантаў на антыпуцінскай акцыі

2007 2007-12-13T10:05:56+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кангрэсмэн Элсі Гэйстынгс, старшыня Хэльсынскай камісіі ЗША, выступіў з заявай у сувязі з жорсткім зьбіцьцём 19-гадовага Зьмітра Хведарука падчас мірнай дэманстрацыі ў Менску 12 сьнежня. Хведарук быў зьбіты АМОНам да непрытомнасьці.

“Жорсткае зьбіцьцё Зьмітра Хведарука адначасна абуральнае і трагічнае. На мінулым тыдні ён выступаў на паседжаньні Хэльсынскай камісіі ў Вашынгтоне, дзе расказваў пра небясьпеку, зь якой сутыкаюцца актывісты моладзевага руху ў Беларусі. Я ня толькі падтрымліваю змаганьне З.Хведарука за свабоду, але і асуджаю самым рашучым чынам акты жорсткасьці супраць невінаватых грамадзянаў.

Змрочная сытуацыя з правамі чалавека ў Беларусі – ні для кога не сакрэт. На жаль, запалохваньням і злоўжываньням рэжыму А.Лукашэнкі не відаць канца. Мы з калегамі ў Хэльсынскай камісіі рашуча падтрымліваем З.Хведарука і ўсіх у Беларусі – маладых і старых – хто змагаецца за свабоду, дэмакратыю і правы чалавека”, – адзначае ў сваёй заяве кангрэсмэн Элсі Гэйстынгс.

4 сьнежня сёлета Зьміцер Хведарук выступаў са сьведчаньнямі ў Хэльсынскай камісіі на брыфінгу пад назвай “Будучыня Беларусі: ад дыктатуры да дэмакратыі”, нагадвае “Радыё Свабода”

Апошнія навіны

Партнёрства

Сяброўства