Учора, 9 сакавіка, у Менску затрыманыя трое актывістаў моладзевага руху супраціву “Зубр”

Трое актывістаў руху “Зубр” былі затрыманыя ўчора, 9 сакавіка, увечары ў Менску, паведамляе прэс-служба руху. Любоў Кучынская, Раман Казакевіч і Наста М. раздавалі газеты “Супраціў” і ўлёткі з інфармацыяй аб падзеях у Баранавічах у галоўным корпусе БДУ. Праз некалькі хвілін яны былі затрыманыя міліцыяй, якую выклікалі супрацоўнікі ўнутраняй аховы вучэбнай установы.
Дзяўчын адпусцілі на месцы, а Раман Казакевіч быў дастаўлены ў апорны пункт на вуліцы Бабруйскай. Ён быў адпушчаны пасля таго, як у яго ўзялі тлумачэнні.