Праваабарончы цэнтр «ВЯСНА»

Навіны за 4 жніўня 2015

04.08.2015 У Баранавічах пададзена заяўка на правядзенне пікету супраць збяднення працоўных і пенсіянераў

Лідар баранавіцкай прафсаюзнай суполкі РЭП Рыгор Грык 3 жніўня падаў заяўку ў гарадскі выканаўчы камітэт аб правядзенні пікету супраць збяднення і пагаршэння матэрыяльнага становішча працоўных і пенсіянераў.

04.08.2015 Баранавічы: акцыя салідарнасці з палітвязнямі

Баранавіцкія праваабаронцы і грамадскія актывісты зладзілі інфармацыйную акцыю з мэтйю інфармавання пра наяўнасць палітычных вязняў у Беларусі і патрабаваннем іх вызвалення.

04.08.2015 Праваабарончая праграма “Вясна” на Беларускім Радыё Рацыя

"Каментар эксперта": намеснік кіраўніка праваабарончай чугуеўскай групы Юры Чумак распавядае пра дзейнасць ініцыятывы і шляхі дапамогі перасяленцам у Харкаўскай вобласці. "Асоба": кіраўніца ініцыятывы дапамогі перасяленцам "Станцыі Вакзал" у Харкаве Ала Фішчанка. Днямі арганізацыя адсвяткавала першы год свайго існавання.

04.08.2015 Кармянская раёнка распавяла, што ў іх за Лукашэнку ўжо агітуюць

Кармянскім уладам закон не пісаны: на этапе збору подпісаў агітацыя забаронена, а між тым раённая газета распавядае чытачам, што на пікетах «горача агітуюць падтрымаць кандыдатуру Аляксандра Рыгоравіча Лукашэнкі».

04.08.2015 Пікет у падтрымку палітвязняў насупраць КДБ

Сёння, у Міжнародны дзень салідарнасці з грамадзянскай супольнасцю Беларусі, у атачэнні міліцэйскай эліты і кадэбоўскіх відэааператараў у цэнтры Менска насупраць будынку КДБ прайшоў пікет салідарнасці з палітвязнямі з патрабаваннем іх вызвалення.

04.08.2015 Віленская акцыя ў падтрымку палітвязняў Беларусі (фота)

У Міжнародны дзень салідарнасці з грамадзянскай супольнасцю Беларусі ў Вільні адбылася акцыя, зладжаная Беларускім домам правоў чалавека і праваабарончай арганізацыяй Freedom House.

04.08.2015 У гомельскай паліклініцы ў працоўны час збіралі подпісы з медыкаў

Па паведамленнях працаўніка сферы аховы здароўя, працаўнікам паліклінікі было загадана прыйсці 4 жніўня з 12.00 да 14.00 з пашпартамі ў актавую залу паліклінікі. У зале прысутнічала жанчына, якая прадставілася сябрам ініцыятыўнай групы па вылучэнню кандыдатам у прэзідэнты Аляксандра Лукашэнкі, і збірала подпісы.

04.08.2015 Сітуацыя з правамі чалавека ў Беларусі. Ліпень 2015

На працягу месяца пазітыўных зменаў у галіне правоў чалавека ў Беларусі не назіралася. Умовы ўтрымання і ўзмацненне ціску на палітвязняў працягваюць выклікаць асаблівую занепакоенасць праваабарончых арганізацый.

04.08.2015 На “Гомелькабель” таксама збіралі подпісы за Лукашэнку

Праваабарончаму цэнтру “Вясна” стала вядома, што на прадпрыемстве “Гомелькабель” 28 ліпеня ў працоўны час ў абавязковым парадку збіралі подпісы за Аляксандра Лукашэнку.

04.08.2015 Леаніду Свеціку забаранілі пікет у Міжнародны Дзень салідарнасці з грамадзянскай супольнасцю Беларусі

"Мне не толькі не паспрыялі – яшчэ і няправільна растумачылі заканадаўства. У адказе за подпісам Наталлі Ляпёшкінай напісана дзіўнае: нібыта ў 6 артыкуле Закона “Аб масавых мерапрыемствах у Рэспубліцы Беларусь” адмыслова згаданы Віцебск і прапісана неабходнасць дамоваў з канкрэтнымі структурамі" (фотадакумент).

04.08.2015 У Магілёве на заводзе “Зеніт” подпісы пачалі збіраць, калі яшчэ не былі зарэгістраваны ініцыятыўныя групы

Грамадскі актывіст паведамляе, што на заводзе такім чынам падпісалася ў падтрымку Лукашэнкі каля 500 чалавек. Усім, хто адмаўляўся падпісвацца – пагражалі скасаваннем працоўных кантрактаў. Займаўся зборам подпісаў аддзел АГЧ (адміністрацыйна-гаспадарчая частка).

04.08.2015 Прызначана дата новага разгляду па справе Вольгі Нікалайчык

Новы разгляд справы Вольгі Нікалайчык за акцыю каля расійскай амбасады прызначаны 12 жніўня ў 14.30.

04.08.2015 Леанід Кулакоў скардзіцца на ўмовы ўтрымання ў ІЧУ Мінскага раёна

Актывіст «Еўрапейскай Беларусі» Леанід Кулакоў адбывае 7 сутак адміністрацыйнага арышту за салідарнасць з палітвязнем Юрыем Рубцовым.

04.08.2015 Раёнкі Магілёўшчыны распавядаюць пра збор подпісаў за вылучэнне толькі Аляксандра Лукашэнкі

Больш за тое, большая частка раёнак Магілёўшчыны, якія далі інфармацыю пра збор подпісаў у падтрымку вылучэння кандыдатаў у прэзідэнты, умудрыліся ў гэтых матэрыялах нават не ўзгадаць прозвішчы іншых прэтэндэнтаў, за выключэннем дзеючага кіраўніка краіны Аляксандра Лукашэнкі.

04.08.2015 Асуджаныя паведамляюць пра пагаршэнне ўмоваў утрымання ў турмах

У прыватнасці, адміністрацыя ўстановаў пенітэнцыярнай сістэмы забараняе атрымліваць ад родных сухое малако, распушчальную каву, вопратку, абутак ды іншыя рэчы.