Леанід Кулакоў скардзіцца на ўмовы ўтрымання ў ІЧУ Мінскага раёна
Леанід Кулакоў
Актывіст «Еўрапейскай Беларусі» Леанід Кулакоў адбывае 7 сутак адміністрацыйнага арышту за салідарнасць з палітвязнем Юрыем Рубцовым.
29 ліпеня ён дабраахвотна прыйшоў у Ізалятар часовага ўтрымання Мінскага раёна па вуліцы Скарыны, каб даадсзедзць арышт, у знак салідарнасьці з Рубцовым, у якога тады быў дзень народзінаў.
Нагадаем, яшчэ 19 чэрвеня актывісты «Еўрапейскай Беларусі» Максім Вінярскі, Сяргей Мацкойць і Леанід Кулакоў былі затрыманыя ў Мінску за расцяжку «Свабоду Рубцову!”. Выходныя ўсе трое правялі ў ІЧУ Мінскага раёна, а 22-га чэрвеня ў Мінскім раённым судзе Вінярскага прысудзілі да арышту на 10 сутак, Мацкойця - да 5 сутак за «парушэнне парадку арганізацыі ці правядзення масавага мерапрыемства».
Разгляд адміністрацыйнай справы над Кулаковым, які не ўдзельнічаў у самым вывешванні расцяжкі, адклалі да 23-га чэрвеня пасля хадайніцтва адваката выклікаць у суд сведак. Аднак затым Кулакова прызналі вінаватым у правядзенні несанкцыянаванага пікету і пакаралі арыштам на 10 сутак.
Леанід Кулакоў абскардзіў рашэнне суда,яго скарга была разгледжана 17 ліпеня ў Менскім абласным судзе. Суддзя вырашыў пастанову суддзі суда Мінскага раёна ад 23 чэрвеня ў дачыненні да Кулакова пакінуць без змены, а скаргу - без задавальнення.
Пад час адбыцця арышту, трое сутак у адной камеры з актывістам знаходзіўся ВІЧ-інфекаваны грамадзянін, у якога нават медыцынскія дакументы пры змяшчэнні пад арышт не запыталіся.
Леанід Кулакоў падаў скаргу на умовы ўтрымання ў ізалятары. 3 ліпеня з гэтай нагоды актывіста наведаў супрацоўнік пракуратуры, які правёў апытанне Леаніда Кулакова. Якая будзе рэакцыя пракуратуры пасля праверкі - пакуль невядомая.
