Праваабарончы цэнтр «ВЯСНА»

Навіны за 12 жніўня 2015

12.08.2015 Кіраўніка ініцыятыўнай групы Анатоля Лябедзькі папрасілі не парушаць заканадаўства

Мінская гарадская выбарчая камісія папрасіла кіраўніка ініцыятыўнай групы Анатоля Лябедзькі Віктара Карнеенку не распаўсюджваць агітацыйную інфармацыю і трымацца закона, на што атрымала ад яго адмову і прапанову мяняць недасканалае заканадаўства.

12.08.2015 На пікетах у Бабруйску -- партрэты Мікалая Статкевіча (фота)

У Дзень народзінаў Міколы Статкевіча бабруйскія зборшчыкі подпісаў вырашылі нагадаць пра палітвязня гараджанам. Сябры ініцыятыўных груп Анатоля Лябедзькі і Таццяны Караткевіч апранулі цішоткі з выявай палітыка, а таксама размясцілі яго партрэты на сваіх стэндах.

12.08.2015 Адміністрацыя магілёўскага завода “Зеніт” абяцае кантраляваць галасаванне работнікаў

Прадстаўнікі адміністрацыі забаранілі рабочым падпісвацца ў падтрымку іншых прэтэндэнтаў у прэзідэнты, акрамя Аляксандра Лукашэнкі, а таксама настойваюць, каб галасавалі выключна за яго. Як яны будуць кантраляваць галасы выбаршчыкаў – інфармацыя не раскрываецца.

12.08.2015 Далучайцеся да акцыі да дня народзінаў Мікалая Статкевіча!

Сёння Мікалай Статкевіч адзначае чарговы Дзень Народзінаў у турме, у адзіночнай камеры, дзе не бачыць вольнага неба. З гэтай нагоды недзяржаўныя арганізацыі разам з роднымі палітвязня ладзяць акцыю салідарнасці - #Sky4Statkievich.

12.08.2015 Віцебскі абласны суд перанёс разгляд справы журналіста Зміцера Лупача

Глыбоцкі журналіст Зміцер Лупач збіраўся аспрэчыць рашэнне раённага суду, які аштрафаваў яго за супрацоўніцтва з замежным СМІ без акрэдытацыі. Але прызначаны на 12 жніўня разгляд ягонай скаргі без папярэджання перанеслі, і цяпер спадар панясе выдаткі за безвыніковы візіт у Віцебск ягонага адваката.

12.08.2015 Справу Вольгі Нікалайчык адправілі на дапрацоўку ў другі раз

У судзе Цэнтральнага раёна Менска 12 жніўня паўторна разглядаецца адміністрацыйная справа грамадскай актывісткі і рэжысёра Вольгі Нікалайчык. Суддзя - Т. Рак

12.08.2015 Iгару Аліневічу ізноў пагражае спагнанне ў калоніі

На гэты раз на Ігара Аліневіча склалі рапарт “за хаджэнне не па форме”. Цяпер чакаецца рашэнне аб меры спагнання за гэтае “парушэнне”.

12.08.2015 Таццяна Караткевіч – у Бабруйску (фота)

Ініцыятыўныя групы ў Бабруйску працягваюць ладзіць вулічныя пікеты па зборы подпісаў. Некаторыя з іх наведваюць прэтэндэнты на прэзідэнцтва. На мінулым тыдні ў Бабруйск прыязджаў Анатоль Лябедзька, а 11 жніўня з выбаршчыкамі сустрэлася Таццяна Караткевіч.

12.08.2015 Створаны электронны каталог на рускай мове рашэнняў Камітэтаў ААН па індывідуальных скаргах

“Гэта першы рускамоўны каталог з магчымасцю пошуку неабходных рашэнняў па розных крытэрах. Да гэтага часу такія каталогі былі толькі на англійскай мове", - адзначыў Кісляк.

12.08.2015 Турэмныя цэнзары не дазволілі Яўгену Васьковічу даведацца пра магчымасць навучання

Ліст з правіламі дыстанцыйнага навучання ў ЕГУ не прапусцілі да зняволенага сябра ГА “БАЖ” Яўгена Васьковіча. Канверт вярнуўся заклеены скотчам, з пазнакай “В. не положено. См. в нутри”

12.08.2015 Праваабаронца праз суд спрабуе даведацца, хто цікавіцца яго прыбыткамі

У судзе Савецкага раёну Гомеля адбылося папярэдняе слуханне справы па скарзе праваабаронцы Леаніда Судаленкі супраць падатковай інпекцыі аб рассакрэчванні інфармацыі адносна прадастаўлення дэкларацыі аб прыбытках і маёмасці.

12.08.2015 У Брэсцкім раёне падчас пікетаў за вылучэнне Аляксандра Лукашэнкі адмыслова ладзяць канцэрты творчых калектываў

Пра гэта распавядаецца ў нататцы “Подпіс – яшчэ не голас, але пазіцыя ўжо бачна”, змешчанай у дзяржаўнай раённай газетай “Зара над Бугам”.

12.08.2015 Парламент лічыць, што моўнае пытанне ў заканадаўстве ўрэгулявана выдатна

Пастаянная камісія Палаты прадстаўнікоў па адукацыі, культуры і навуцы разгледзела заяву схода Салігорскай арганізацыі ТБМ аб неабходнасці надання беларускай мове не дэкларатыўнага, а сапраднага дзяржаўнага статусу ды забеспячэння рэальнай роўнасці дзьвюх дзяржаўных моваў ва ўсіх сферах жыцця.