Праваабарончы цэнтр «ВЯСНА»

Навіны за 20 ліпеня 2015

20.07.2015 Брэст: у склад абласной выбарчай камісіі трапіў адзін прадстаўнік апазіцыйнай партыі

Упершыню на інтэрнэт-старонцы Брэсцкага аблвыканкама была арганізаваная анлайн-трансляцыя з сумеснага паседжання прэзідыума абласнога савета дэпутатаў і абласнога выканаўчага камітэта, на якім вырашалася пытанне пра стварэнне выбарчай камісіі.

20.07.2015 Ярмошына і Стэфановіч выступілі ў Вене

Старшыня ЦВК Лідзія Ярмошына і праваабаронца Валянцін Стэфановіч выступілі на канфэрэнцыі АБСЭ, прысьвечанай ацэнцы міжнародных стандартаў для правядзеньня свабодных, справядлівых і дэмакратычных выбараў.

20.07.2015 Аналітычная тыднёвая справаздача па выніках назірання: 13-19 ліпеня

Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ "Вясна" ў межах кампаніі "Праваабаронцы за свабодныя выбары».

20.07.2015 Cуды над Юрыем Шульганом і Паўлам Канавальчыкам

Юры Шульган і Павал Канавальчык аштрафаваныя на 30 базавых кожны за "дробнае хуліганства". 21 ліпеня адбудзецца працяг судовага паседжання.

20.07.2015 У Смаргоні з 15 прэтэндэнтаў у склад раённай ТВК персанальна абмеркавалі толькі прадстаўніка “Белай Русі”

20 ліпеня ў Смаргоні 15 хвілін працягвалася сумеснае пасяджэнне райвыканкама і прэзідыума раённага Савета з нагоды фармаванння раённай камісіі па выбарах Прэзідэнта. Усяго было 15 прэтэндэнтаў на 13 месцаў у камісіі.

20.07.2015 Супраць журналістаў-фрылансераў Алеся Дзянісава і Алеся Кіркевіча распачата чарговая адміністрацыйная справа

На гэты раз выклік у аддзяленне міліцыі абумоўлены тым, што журналісты маюць дачыненне да відэасюжэту, знятага ў выставачнай зале па вуліцы Ажэшкі, які пазней быў паказаны праз тэлеканал Белсат.

20.07.2015 Прадстаўнікоў БХК не пускаюць на паседжанні па стварэнні тэрытарыяльных камісій у Віцебску

Трапіць на паседжанні па стварэнні камісій спрабавалі праваабаронцы Павел Левінаў і Леанід Свецік. Абодвум адмовілі, паведаміўшы, што "маніторынг пасяджэнняў не дазволены заканадаўствам".

20.07.2015 Арганізацыя "Станцыя Харкаў" змяняе сваю лакацыю

"Зараз у гэтай няспынна працуючай арганізацыі будзе прасторны офіс, дзе ўзровень камфорта значна вышэй", - паведамляюць беларускія валанцёры.

20.07.2015 Алесь Кіркевіч чакае выкліку ў суд

На сябра Беларускай асацыяцыі журналістаў, Алеся Кіркевіча складзены пратакол адміністрацыйнага правапарушэння за „незаконны выраб і распаўсюд інфармацыі для замежнага сродку масавай інфармацыі”.

20.07.2015 ЦВК Беларусі завяршыла рэгістрацыю ініцыятыўных груп

Цэнтральная камісія Беларусі па выбарах і правядзенні рэспубліканскіх рэферэндумаў завяршыла сёння рэгістрацыю ініцыятыўных груп па вылучэнні кандыдатаў на пасаду Прэзідэнта, перадае карэспандэнт БЕЛТА.

20.07.2015 Заснавальнік "Платформ інавэйшн" Міхаіл Жамчужны рыхтуе скаргу ў Вярхоўны суд, знаходзячыся ў карцэры

Для праваабаронцаў па-ранейшаму застаюцца нявысветленымі абставіны крымінальнага пераследу Міхаіла Жамчужнага. Ён сам не паведамляе ў перапісцы звестак, якія б праяснілі сутнасць справы, спасылаючыся на тое, што ў такім выпадку ягоныя лісты не пройдуць цэнзуру.

20.07.2015 Прадстаўніка БХК не дапусцілі на паседжанне па стварэнні Баранавіцкай раённай камісіі

Па словах праваабаронцы, яго папрасілі пакінуць памяшканне, спаслаўшыся на тое, што арт. 34 ВК не дазваляе прысутнічаць прадстаўнікам грамадскіх арганізацый на пасяджэнні па фарміраванні ТВК, калі яны не вылучылі сваіх прадстаўнікоў у склад выбарчай камісіі.

20.07.2015 Сфармавана Гомельская абласная камісія па выбарах – без апазіцыі

Прадстаўнікоў апазіцыі - АГП (Зінаіда Шуміліна) і партыі левых «Справядлівы свет» (Віктар Хоміч) не ўключылі ў склад Гомельскай абласной камісіі па выбарах прэзідэнта. Сумеснае паседжанне прэзідыума Гомельскага абласнога Савета дэпутатаў і аблвыканкама адбылося 20 ліпеня.

20.07.2015 Гродна: прадстаўнікі апазіцыйных партый у ТВК не ўвайшлі

У склад абласной ТВК было ўключана 13 чалавек, галасавалі за іх персанальна. Вылучана ў склад ТВК было 19 асоб, аднак адміністрацыя не рэкамендавала астатніх 6 чалавек для галасавання.

20.07.2015 Аршанскі райвыканкам – адзіны, які не размясціў да гэтага часу інфармацыю пра месцы, забароненыя для пікетаў

Усе афіцыйныя сайты райвыканкамаў Віцебшчыны надрукавалі інфармацыю пра вызначэнне месцаў, забароненых для арганізацыі пікетаў па зборы подпісаў за вылучэнне кандыдатаў на прэзідэнцкія выбары. Толькі на Аршаншчыне гэта застаецца таямніцай.