Праваабарончы цэнтр «ВЯСНА»

Навіны за 14 ліпеня 2015

14.07.2015 Былы генеральны дырэктар “Крычаўцаменташыфера” асуджаны, пытанні засталіся

Суд не зацікавіўся сведчаннямі Леаніда Скоцкага і яго адвакаткі, якія падчас працэсу неаднаразова казалі пра тое, што сабраныя з людзей грошы выкарыстоўваліся для забеспячэння харчавання дэлегацый з міністэрства і іншых уладных структур і для набыцця ім каштоўных падарункаў.

14.07.2015 Гродна: палітычныя партыі завяршаюць вылучэнне ў тэрытарыяльныя камісіі

Гродзенскія аддзяленні дэмакратычных партый, якія вылучаюць сваіх прэтэндэнтаў на выбарах прэзідэнта ці падтрымліваюць вылучэнне, завяршаюць накіраванне сваіх прадстаўнікоў у склад тэрытарыяльных выбарчых камісій.

14.07.2015 Алесь Бяляцкі атрымаў прэмію імя Льва Сапегі ў Варшаве

Як паведамляе Polskie Radio, у Варшаве 13 ліпеня кіраўніку Праваабарончага цэнтру “Вясна” уручылі прэмію імя Льва Сапегі.

14.07.2015 Вярхоўны суд адхіліў касацыйную скаргу абвінавачанага ў забойстве жыхара Рэчыцы

14 ліпеня ў Вярхоўным судзе Беларусі была разгледжаная касацыйная скарга жыхара Рэчыцы Сяргея Іванова. 18 сакавіка 2015 года ён быў прыгавораны Гомельскім абласным судом да выключнай меры пакарання за забойства, здзейсненае з асаблівай жорсткасцю.

14.07.2015 Бялынічы: пакуль актыўнасць праяўляюць толькі прыхільнікі вылучэння Таццяны Караткевіч

Згодна інфармацыі мясцовых дэмакратычных актывістаў, раённыя ўлады ўжо сфармавалі спіс членаў ініцыятыўнай групы ў падтрымку вылучэння Аляксандра Лукашэнкі кандыдатам у прэзідэнты РБ. Традыцыйна аснову спіса склалі члены РГА “Белая Русь”, супрацоўнікі бюджэтных арганізацый.

14.07.2015 Галоўнага рэдактара незалежнай газеты «НАШ Магілёў» будуць судзіць

Пра завядзенне двух новых адміністрацыйных спраў стала вядома ўчора, 13 ліпеня, калі супрацоўнікі міліцыі патэлефанавалі галоўнаму рэдактару «НАШ Магілёў» і прапанавалі забраць кампутары, якія былі раней канфіскаванымі.

14.07.2015 У Магілёве на Ігара Барысава распачалі дзве справы

Яго абвінавачваюць у парушэнні закона "Аб СМІ", а таксама ў атрыманні грашовай дапамогі з-за мяжы.

14.07.2015 Журналістам патлумачылі правы праз 2 тыдні пасля пачатку адміністрацыйнага працэсу

Журналістаў Таццяну Смоткіну ў Зміцера Лупача выклікалі ў міліцыю, каб падпісаць пратакол пра тое, што ім патлумачылі іх правы. "У чым сэнс дакумента, калі пратакол пра правапарушэнне складзены на мяне яшчэ 25 чэрвеня, і тады пра мае правы ніхто не згадваў,"-- дзівіцца Таццяна.

14.07.2015 Выклік у суд праз СМС: толькі пры фіксацыі адпраўлення і дастаўкі паведамлення адрасату

Прэс-служба ГА “Беларуская асацыяцыя журналістаў” разбіралася, ці законна выклікаць людзей у суд праз мабільны тэлефон.

14.07.2015 Праваабарончая праграма “Вясна” на Беларускім Радыё Рацыя

"Падзея": Кампанія "Праваабаронцы за свабодныя выбары" акцэнтуюць увагу на дыскрымінацыйным падыходзе ЦВК. Госць рубрыкі "Асоба" - Юры Чаўсаў, юрыст Асамблеі дэмакратычных няўрадавых арганізацыяў Беларусі.

14.07.2015 Беларускія валанцёры ў Харкаве: колькасць тых, хто прыходзіць па дапамогу ўпершыню, паступова змяншаецца

Праца валанцёраў “Беларускай Праваабарончай Гуманітарнай Місіі ва Украіне” ідзе сваёй чарадою: 13 ліпеня ў новай змены беларусаў прайшоў першы працоўны дзень на “Станцыі Харкаў”.