Праваабарончы цэнтр «ВЯСНА»

Навіны за 29 ліпеня 2015

29.07.2015 У Гомелі ад зборшчыка подпісаў патрабуюць аплаціць месца на рынку

Гэта было 28 ліпеня. Сёньня, 29 ліпеня, Віктар Хоміч стаў тамсама, дзе і ўчора, але адміністрацыя рынку запатрабавала згарнуць пікет і перабрацца ў іншае месца.

29.07.2015 Павел Сапелка: Прычыны, па якіх мне адмовілі ў наведванні месцаў прымусовага ўтрымання, відавочна, выкладзены ў маім звароце ў МУС

Юрыст Павел Сапелка атрымаў адказ з Дэпартаменту выканання пакаранняў МУС на свой зварот, у якім прасіў дазволу на наведванне месцаў прымусовага ўтрымання з мэтаю іх маніторынгу.

29.07.2015 Суд спыніў справу супраць Ігара Барысава

Як і ў выпадку з Алінай Скрэбуновай, прычынай стала заканчэнне тэрмінаў накладання адміністрацыйнага спагнання. Вёў працэс судзьдзя Дзяніс Кічыгін.

29.07.2015 У Гомелі затрыманы жыхары гораду, якія спрабавалі правесці пікет, і незалежныя журналісты

У Гомелі 29 ліпеня міліцыя затрымала Яўгена і Азу Гадараў – мужа і жонку, якія спрабавалі правесці пікет каля ўнівермагу «Гомель». Яны спрабавалі прыцягнуць увагу грамадскасці да праблем, якія існуюць у сістэме будаўніцтва дамоў у складзе жыллёва-будаўнічых кааператываў.

29.07.2015 FIDH і Праваабарончы цэнтр “Вясна” заклікаюць Еўразвяз улічваць умовы для канструктыўнага дыялогу па правах чалавека з Беларуссю

28 ліпеня ў Брусэлі адбыўся першы раўнд дыялогу па правах чалавека паміж Беларуссю і Еўразвязам. Напярэдадні гэтай сустрэчы FIDH і Праваабарончы цэнтр “Вясна” звярнуліся да Еўразвязу з сумеснай заявай.

29.07.2015 Гомельская пракуратура папярэдзіла пастара Нікалаенку

Гомельская гарадзкая пракуратура вынесла афіцыйнае папярэджаньне пастару пратэстанцкай суполкі Царквы Божай «Праабражэньне» Сяргею Нікалаенку. Яго падпісаў пракурор Сяргей Зайцаў.

29.07.2015 У гомельскай школе №27 у працоўны час збіралі подпісы за Аляксандра Лукашэнку

Праваабаронцам і журналістам паступіла інфармацыя, што 29 ліпеня ў 13.00 у кабінеце дырэктара сярэдняй школы №27 будуць збірацца подпісы ў падтрымку Аляксандра Лукашэнкі. Па словах супрацоўнікаў школы, ім было загадана прыйсці ў 13.00 да кабінета дырэктара з пашпартамі.

Уладзімір Лабковіч: Пазбаўленне акрэдытацыі назіральнікаў на выбарах – гэта зброя, якую стварае сабе выбарчая сістэма беларускай улады

29.07.2015 Уладзімір Лабковіч: Пазбаўленне акрэдытацыі назіральнікаў на выбарах – гэта зброя, якую стварае сабе выбарчая сістэма беларускай улады

Беларускі Хельсінкскій камітэт у межах кампаніі «Праваабаронцы за свабодныя выбары» звярнуўся ў Цэнтральную выбарчую камісію (ЦВК) з просьбай патлумачыць ч. 9 арт. 13 Выбарчага кодэксу.

29.07.2015 ЦВК не жадае запрашаць міжнародную арганізацыю ENEMO назіраць за выбарамі

Прадстаўнікі вядомай міжнароднай арганізацыі па назіранню ENEMО накіравалі ў ЦВК, Адміністрацыю прэзідэнта і МЗС лісты з просьбай дапусціць іх да маніторынгу выбарчага працэса ў Беларусі падчас выбараў прэзідэнта.

29.07.2015 “Пасля таго, як я адмовілася паставіць подпіс, прайшла чутка па заводзе, што ў нейкі з дзён я выходзіла з працы ў нецвярозым стане”

“Справа адбываецца ў г. Брэст, ААТ "Брэсцкі электрамеханічны завод". Учора ўсім было абвешчана, што ўсе супрацоўнікі, у якіх ёсць пашпарты, павінны падпісацца за цяперашняга. Ініцыятыўная група размясцілася ў аддзеле кадраў у перыяд з 14:30 да 16 гадзін".

29.07.2015 Transparency International заклікае неадкладна вызваліць Арыф і Лэйла Юнус

Міжнародная арганізацыя па барацьбе супраць карупцыі Transparency International заклікала неадкладна вызваліць вядомых праваабаронцаў Азербайджана - Лэйла Юнус і яе мужа Арыф Юнус.

29.07.2015 Аляксандра Васілевіч патрабуе ад Мікалая Лазавіка прабачэнняў

Старшыня Гродзенскай абласной арганізацыі АГП Аляксандра Васілевіч накіравала ў ЦВК Беларусі скаргу. Падставай для яе напісання стаў выступ сакратара ЦВК Мікалая Лазавіка ў праграме “Контуры”, якая транслявалася 26 ліпеня ў вячэрні эфірны час па беларускім тэлебачанні.

29.07.2015 Па факце флэш-мобу ў Бярозаўцы распачата крымінальная справа

Пакуль вядома, што ў Бярозаўцы ўжо праведзены два ператрусы. Адзін з іх прайшоў у кватэры, дзе пражывае грамадскі актывіст Вітольд Ашурак. З кватэры былі забраныя кампутар, прынтар і флэшка.

29.07.2015 Палітвязня Мікалая Статкевіча падвяргаюць катаванням

Палітвязня Мікалая Статкевіча падвяргаюць катаванням. Пра гэта заявіў сакратар Беларускай сацыял-дэмакратычнай партыі (Народная Грамада) Сяргей Скрабец.