Праваабарончы цэнтр «ВЯСНА»

Навіны за Красавік 2015

15.04.2015 Вэбінар па грамадскім кантролі (онлайн-відэа)

Што такое грамадскі кантроль? За чым і як можна назіраць? Глядзіце ў прамым эфіры ў 18.30!

15.04.2015 Гродна: адміністрацыйны працэс па справе журналістаў Алеся Дзянісава і Алеся Кіркевіча працянецца 22 красавіка

На пачатку працэсу суддзя Пятрова чарговы раз выявіла сваё грэблівае стаўленне да беларускай мовы, калі Алесь Кіркевіч назваў адрас свайго пражывання па вуліцы 17 верасня: “Верасня – это что?” – перапытала суддзя.

15.04.2015 Бабруйск: апытанку на тэму карупцыі прыбралі з сайту гарвыканкама

Нагадаем, найбольш галасоў у апытанцы атрымаў варыянт "недастакова строгі кантроль за дзеяннямі чыноўнікаў, іх прыбыткамі і выдаткамі". На другім месцы апынулася версія "магчымасць прыняцця аднаасобнага рашэння службовымі асобамі, свабода прыняцця рашэнняў".

15.04.2015 Міёры: актывіст БХД страціў працу

Гісторыя Сяргея Васільева тыповая для сучаснай Беларусі, дзе чалавек, заўважаны ў апазіцыйным руху, заўжды рызыкуе застацца беспрацоўным. У 2010 годзе міёрскі актывіст адседзеў у Мінску 15 сутак "за Плошчу", а калі вярнуўся дахаты, працы па спецыяльнасці для яго не знайшлося.

15.04.2015 У Магілёве сацыял-дэмакраты падалі заяўку на першамайскую дэманстрацыю

Месцам для збору ўдзельнікаў дэманстрацыі выбраны скверык 40 год Перамогі, а дэманстрацыя ў выпадку дазволу пройдзе па вуліцы Ленінскай да плошчы Славы. Заяўленая колькасць удзельнікаў – да 500 чалавек.

15.04.2015 Мікалаю Статкевічу могуць быць пагоршаныя ўмовы адбыцця пакараньня (відэа)

Марына Адамовіч агучыла інфармацыю аб тым, што палітвязьню Мікалаю Статкевічу могуць быць пагоршаныя ўмовы адбыцця пакараньня.

15.04.2015 Адвакаты заклікалі суд апраўдаць Расула Джафарава

На судзе па справе праваабаронцы Расула Джафарава 14 красавіка з заключным словам выступілі адвакаты.

15.04.2015 Гродзенскі абласны суд не задаволіў скаргу Тамары Сялюн

15 красавіка калегія Гродзенскага абласнога суда ў складзе суддзяў Зоі Нікольскай, Ларысы Паляковай і старшынствуючага Ігара Ермака не задаволіла скаргу Тамары Сялюн – маці расстралянага паводле прысуду Паўла Селюна.

15.04.2015 Салігорск: грамадска-палітычныя дзеячы салідарныя з Міколам Статкевічам

У сувязі з узмацненнем ціску з боку ўладаў на беларускага палітычнага вязня, былога кандыдата ў прэзідэнты Мікалая Статкевіча салігорскія грамадска-палітычныя дзеячы выказалі яму сваю падтрымку.

15.04.2015 Алесь Бяляцкі сустрэўся з Ёханасам Ханам напярэдадні візіту еўракамісара ў Мінск

15 красавіка ў Бруселі адбылася ранішняя сустрэча кіраўніка ПЦ “Вясна” і віцэ-прэзідэнта FIDH Алеся Бяляцкага з еўракамісарам па пытаннях пашырэння і палітыкі добрасуседства Ёханасам Ханам.

15.04.2015 Міхась Янчук: З дапамогай ААН схіліць беларускі ўрад да саступак у галіне свабоды выказвання

У Жэневе 8-10 красавіка прайшлі слуханні ў ААН напярэдадні 2-га раўнду Універсальнага перыядычнага агляду (УПА), які маюць прайсці Беларусь і шэраг іншых краін. У складзе беларускай дэлегацыі быў сябра Праўлення ГА “Беларуская асацыяцыя журналістаў” Міхась Янчук, які выступаў з дакладам на тэму свабоды СМІ ў Беларусі.

15.04.2015 10% жыхароў Кіраўскага раёна пры звароце ў міліцыю сутыкнуліся з грубасцю і бестактоўнасцю

Супрацоўнікі МУС РБ правялі на тэрыторыі Кіраўскага раёна Магілёўскай вобласці вывучэнне грамадскага меркавання аб працы аддзела ўнутраных спраў Кіраўскага райвыканкама.

15.04.2015 Брэст: актывістку руху “Маладая Беларусь” Наталлю Папкову выклікаюць у КДБ

З позвы вынікае, што 15 красавіка ў 14.00 Папкова абавязана з’явіцца ва ўпраўленне Камітэта дзяржаўнай бяспекі па Брэсцкай вобласці для размовы ў рамках закона “Аб аператыўна-вышуковай дзейнасці”.

14.04.2015 Бабруйскія чыноўнікі занепакоіліся праблемай карупцыі

На сайце бабруйскага гарвыканкаму з'явілася электронная апытанка. У гараджан запытваюцца, у чым, па іх меркаванні, прычыны карупцыі ў грамадстве? На дадзены момант большасць чытачоў сайту лічаць, што галоўная прычына ў "недастакова строгім кантролі за дзеяннямі чыноўнікаў, іх прыбыткамі і выдаткамі".

14.04.2015 У Баранавічах пададзена заяўка на першамайскі пікет

Лідар баранавіцкай прафсаюзнай суполкі РЭП Рыгор Грык 14 красавіка падаў заяўку ў гарадскі выканаўчы камітэт аб правядзенні першамайскага пікету. Паводле слоў прафсаюзнага актывіста, акцыя будзе наўпрост звязана з пытаннямі абароны працоўных, сацыяльных і палітычных правоў грамадзян Беларусі.