Праваабарончы цэнтр «ВЯСНА»

Навіны за 5 красавіка 2015

05.04.2015 Правы чалавека ў Беларусі. Сакавік 2015 года

У сакавіку становішча з правамі чалавека ў Беларусі заставалася стабільна нездавальняючым. У месцах пазбаўлення і абмежавання волі працягвалі ўтрымлівацца шэсць палітвязняў. Быў вынесены смяротны прысуд 21-гадоваму жыхару Рэчыцы Сяргею Іванову.

05.04.2015 Мінскі абласны суд лічыць забарону пікету да Дня правоў чалавека законнай

Касацыйная скарга салігорскага праваабаронцы Леаніда Мархоткі на забарону пікета да Дня правоў чалавека не была задаволена Мінскім абласным судом.

05.04.2015 Крычаўская міліцыя не знайшла парушэнняў у дзейнасці начальніка ідэалагічнага аддзела

Выдавец газеты “Вольны горад” Уладзімір Кудраўцаў атрымаў адказ на сваю заяву ў пракуратуру Крычаўскага раёна аб фактах супрацьпраўных дзеянняў начальніка аддзела ідэалогіі, культуры і па справах моладзі Крычаўскага райвыканкама Марыны Максімавай з Крычаўскага РАУС.

05.04.2015 Светлагорск: грамадскаму актывісту адмаўляюць у працаўладкаванні

Ужо некалькі гадоў не можа ўладкавацца на працу ў Светлагорску грамадскі актывіст Ігар Песікаў. Мясцовыя ўлады паслядоўна робяць з яго дармаеда. Спрабуючы законным чынам атрымаць працу, каторы год ужо Ігар Песікаў атрымлівае адмовы на розных узроўнях.

05.04.2015 Брэст: незалежная журналістка збіраецца звярнуцца ў Канстытуцыйны суд

Такім чынам, Іна Хоміч, якую днямі аштрафавалі на 30 базавых велічынь (5,4 мільёна рублёў) за супрацоўніцтва з замежным СМІ без акрэдытацыі, хоча прыцягнуць увагу да таго, што ў Беларусі абмяжоўваецца права грамадзян збіраць інфармацыю, хаця гэта гарантуецца Канстытуцыяй.

05.04.2015 Баранавічы: пададзена наглядная скарга па справе аб забароне пікета

Праваабаронца з Баранавічаў Сяргей Гоўша 3 красавіка накіраваў наглядную скаргу старшыні Брэсцкага абласнога суда па справе аб забароне пікета да Дня правоў чалавека.