Праваабарончы цэнтр «ВЯСНА»

Навіны за 24 красавіка 2015

24.04.2015 Гомельскіх журналістаў-фрылансераў пакаралі штрафамі за «незаконны ўдзел у вырабе прадукцыі СМІ»

У судзе Цэнтральнага раёна Гомеля 24 красавіка былі разгледжаны дзве адміністрацыйныя справы ў дачыненні журналістаў-фрылансераў Наталлі Крывашэй і Кастуся Жукоўскага. Яны пакараныя штрафам у памеры 5,4 мільёна кожны (30 базавых велічынь).

24.04.2015 Чаму ў Беларусі не медыкі, а міліцыя лечыць хворых на алкагалізм? (відэа)

Колькасць бібліятэк і дзіцячых летнікаў у Беларусі памяншаецца, а колькасць лячэбна-працоўных прафілакторыяў для хворых на алкагалізм павялічваецца. І гэта пры тым, што адмыслоўцы не бачаць амаль ніякай карысці ад такога лячэння.

24.04.2015 Як змянілася стаўленне да смяротнага пакарання ў Беларусі? (відэа-інфаграфіка)

Беларусь - адзіная ў Еўропе і на постсавецкай прасторы краіна, дзе выкарыстоўваецца смяротнае пакаранне. На дадзены момант, траціна грамадзян Беларусі выказваюцца за прымяненне гэтага віду пакарання. Аналагічная колькасць - супраць.

24.04.2015 Камісар Рады Еўропы: 2014-ы быў няўдалым для правоў чалавека ў Еўропе

Нільс Муйжніекс заявіў пра неабходнасць рашучых захадаў у абарону журналістаў і НДА, якія выкрываюць злоўжыванне ўладай і парушэнні правоў чалавека. Сярод сур'ёзных праблемаў ён адзначыў падзеі ва Украіне і Азербайджане.

24.04.2015 За шматлікія скаргі - на прымусовы псіхіятрычны агляд і лячэнне

У Праваабарончы цэнтр "Вясна" па дапамогу звярнуўся настаўнік беларускай мовы Валянцін Кавальчук, які ўжо больш за год безвынікова скардзіцца на бяздзейнасць мясцовых органаў улады.

24.04.2015 МУС робіць спатканні з сваякамі сродкам уціхамірвання зняволеных

З прыняццем новых нормаў і скарачэннем часу на кантакты зняволеных з сваякамі, насуперак меркаванню міністра ўнутраных спраў Беларусі, немінуча нівелюецца выхаваўчая функцыя пенітэнцыярных установаў, лічыць эксперт.

24.04.2015 Заяўнікі Чарнобыльскага шляху вінныя міліцыі 13,5 мільёнаў

23 красавіка адбылася сустрэча заяўнікаў Чарнобыльскага шляху з прадстаўнікамі менскай міліцыі. На ёй міліцыянты заявілі, што арганізатары акцыі павінны заплаціць за ахову парадку 13,5 мільёнаў рублёў.

24.04.2015 Баранавічы: гарвыканкам забараніў прафсаюзным актывістам першамайскі пікет

Баранавіцкі гарвыканкам не даў дазвол прафсаюзнаму актывісту Рыгору Грыку на правядзенне першамайскага пікета, на якім планавалася ўзняць пытанні абароны працоўных, сацыяльных і палітычных правоў грамадзян Беларусі. Планавалася, што ў пікеце прыме ўдзел каля 15 чалавек.

24.04.2015 Светлагорск: на судзе медыкі спрабуюць пераканаць грамадскага актывіста, што ён «раптам захварэў» на пікеце

23 красавіка ў судзе Светлагорскага раёна адбыўся разгляд грамадзянскай справы па зыску грамадскага актывіста Юрыя Ляшэнкі да мясцовых медыкаў.

24.04.2015 Старшыня абласнога суда адмовіў Аляксандры Васілевіч у задавальненні скаргі

Васілевіч працягвае аспрэчваць штраф, вынесены Свіслацкім раённым судом 16 снежня 2014 года. Тады суддзя Аляксандр Шылін па абвінавачанні ва ўдзеле ў несанкцыянаваным масавым мерапрыемстве – Дні памяці паўстанцаў 1863 года – асудзіў яе да 25 базавых велічынь штрафу.

24.04.2015 У Быхаве да адзначэння дня нараджэння Леніна прыцягнулі дзяцей

Магчыма, у Быхаўскім раёне па-ранейшаму лічаць, што камуністычная партыя з’яўляецца “кіруючай і напраўляючай” у Рэспубліцы Беларусь, і таму яе прадстаўнікам дазволена выкарыстоўваць дзяцей у правядзенні палітычных партыйных мерапрыемстваў.