Праваабарончы цэнтр «ВЯСНА»

Навіны за 5 чэрвеня 2014

05.06.2014 Хоцімск: за неналежны разгляд звароту Валерыя Каранкевіча памочніка пракурора пазбавілі прэміі

“Устаноўлена, што рашэнне па Вашаму звароту пракуратурай Хоцімскага раёна прынята па няпоўна даследаваным абставінам таго, што адбылося, а таму матэрыялы накіраваны для правядзення дадатковай праверкі ў пракуратуру Хоцімскага раёна".

05.06.2014 Гомельскі карэспандэнт палохае чытачоў жахамі пра «Новаросію» і вінаваціць беларускіх праваабаронцаў у маўчанні

Недзяржаўнае выданне даўно б ужо было прыцягнута да адказнасці за публікацыю непраўдзівых звестак. Дзяржаўныя ж маюць права пісаць, не спасылаючыся на крыніцы інфармацыі, вартыя даверу, і не прытрымлівацца такіх крытэрыяў, як аб'ектыўнасць і ўсебаковасць.

05.06.2014 Жыхары Віцебска патрабуюць вярнуць ім права на правядзенне пікетаў і мітынгаў

Некалькі дзесяткаў жыхароў абласнога цэнтру падпісаліся пад калектыўным лістом у Савет Міністраў з просьбай паспрыяць змяненню рашэння Віцебскага гарвыканкама №881 ад 10.07.2009 г., якое рэгламентуе правілы звароту да ўладаў з заяўкамі на вулічныя акцыі.

05.06.2014 Зьмітру Дашкевічу працягнулі нагляд на 3 месяцы

Першамайскі суд працягнуў прэвэнтыўны нагляд за Зьмітром Дашкевічам на 3 месяцы. Прычынай судзьдзя Леанід Ярмоленка назваў тое, што Дашкевіч некалькі разоў парушаў правілы прэвэнтыўнага нагляду.

05.06.2014 Разгляд скаргі Генадзя Лойкі перанесены Менгарсудом на нявызначаны тэрмін, шукаюць перакладчыка

Разгляд касацыйных скаргаў на рашэнні суда Цэнтральнага раёна Менска па скарзе Генадзя Лойкі на дзеянні "Белінвестбанка" і КДБ, перанесены калегіяй па грамадзянскіх справах Менскага гарадскога суда на нявызначаны тэрмін.

05.06.2014 Магілёў: Аляксей Паўлоўскі скардзіцца на немагчымасць сфатаграфаваць матэрыялы справы

Гэтым разам актывіст незалежнага прафсаюза Радыёэлектроннай прамысловасць напісаў скаргу ў Магілёўскі абласны суд. Ён лічыць адмову старшыні Ленінскага раённага суда Магілёва ў забароне зняцця копій матэрыялаў справы метадам фотаграфавання незаконнай.

05.06.2014 Брэст: студэнты заклікаюць улады рабіць крокі насустрач Балонскаму працэсу

Пад адпаведным зваротам у Міністэрства адукацыі Рэспублікі Беларусь сабрана ўжо больш за паўтысячы подпісаў. Збор подпісаў ініцыяваны агенцтвам рэгіянальнага развіцця “Дзедзіч” пры дапамозе студэнтаў, валанцёраў і неабыякавых маладых людзей.

05.06.2014 Баранавічы: індывідуальныя прадпрымальнікі адмаўляюцца выходзіць на працу 1 ліпеня

Сто індывідуальных прадпрымальнікаў мясцовага каапрынка накіравалі заяву ў Баранавіцкі райвыканкам і ў адміністрацыю раённага спажывецкага таварыства. У дакуменце гаворыцца, што яны адмаўляюцца выходзіць на працу 1 ліпеня, а таксама плаціць арэндную плату за перыяд прастоя.

05.06.2014 Ці здымуць прэвэнтыўны нагляд са Зьмітра Дашкевіча?

5 чэрвеня ў Першамайскім судзе Менску адбудзецца працэс, на якім вырашыцца лёс прэвэнтыўнага нагляду над былым палітвязьнем Зьмітром Дашкевічам. Пра суд Зьміцер Дашкевіч даведаўся 4 чэрвеня ад міліцыянта зь Першамайскага РУУС.