Праваабарончы цэнтр «ВЯСНА»

Навіны за 2 чэрвеня 2014

02.06.2014 У Беларусі стартаваў тыдзень асветніцкіх мерапрыемстваў “Правасуддзе і людзі”

Урачысты старт тыдня быў дадзены на прэсавай канферэнцыі ініцыятараў кампаніі “Несмяротнае пакаранне”.

02.06.2014 У Брэсце адбыўся пікет, прымеркаваны да Міжнароднага дня абароны дзяцей

Акцыя была дазволена ўладамі і адбылася на пляцоўцы каля сцэны ў парку воінаў-інтэрнацыяналістаў, які рашэннем мясцовага гарвыканкама вызначаны як месца правядзення масавых мерапрыемстваў.

02.06.2014 750 тысяч рублёў за плякат «Сьмерць расейскім акупантам!»

Жыхарка Менску Вольга Жураўлёва пакараная штрафам пяць базавых велічынь (750 000 беларускіх рублёў). У пятніцу 31 траўня яна правяла акцыю на Кастрычніцкай плошчы: выйшла з плякатам «Сьмерць расейскім акупантам!».

02.06.2014 Манапалісты сістэмы распаўсюду зноў адмовілі баранавіцкаму незалежнаму выданню «Intex - press» у супрацоўніцтве

Рэдакцыя звярнулася да арганізацый сістэм распаўсюду з просьбай пра супрацоўніцтва ў другім паўгоддзі 2014 года.Ад усіх прыйшлі нічым не матываваныя адмовы.

02.06.2014 Бабруйскае УУС не змагло завесці справу на мясцовага актывіста, які распаўсюджваў "Новы Час"

28-го мая старшыня Бабруйскай гарадской арганізацыі Аб'яднанай грамадзянскай партыі Віктар Бузінаеў атрымаў па пошце ліст з мясцовага УУС.

02.06.2014 Аляксандр Курэц вызвалены з Акрэсьціна

1 чэрвеня сустракаць з сутак Аляксандра Курца пад акрэсьцінскімі мурамі сабралася два дзясяткі чалавек. Але супрацоўнікі ЦІПа загадзя вывезьлі яго ў Партызанскі РУУС, а пасьля адпусьцілі.

02.06.2014 Мікалай Статкевіч "схільны да нападу і ўцёкаў"

"Увесь час забываю табе паведаміць - я ўсё яшчэ "схільны да нападу і ўцёкаў". Таму штомесячна са мной павінны праводзіць выхаваўчыя размовы" - пра гэта напісаўкандыдат у прэзідэнты на выбарах 2010 года, палітвязень Мікалай Статкевіч у лісце да жонкі.

02.06.2014 Суд Клімавіцкага раёна разгледзіць скаргу на прадузятае рашэнне адміністрацыйнай камісіі

Спадарыня Марчанка лічыць, што адміністрацыйная камісія проста адпомсціла ёй за прынцыповую пазіцыю і за сам факт падачы скарг на папярэднюю пастанову і незаконныя дзеянні адміністрацыйнай камісіі, за якія кіраўніцтва Клімавіцкага райвыканкама і адміністрацыйнай камісіі былі прыцягнуты да адказнасці.

02.06.2014 Бяроза: хто выклікаў праваабаронцаў у міліцыю?

Пры знаёмстве з матэрыяламі судовай справы па адозве дазволу райвыканкамам на пікет на 25 сакавіка праваабаронца Сяржук Русецкі не знайшоў там запыту суддзі Алены Нямковай ў міліцыю на прадмет апытання яго і Тамары Шчапёткінай па гэтай справе. Не знайшоў і тлумачэнняў, якія яны давалі ў міліцыі ў суботу 26 красавіка.