Праваабарончы цэнтр «ВЯСНА»

Навіны за Красавік 2014

21.04.2014 Вярхоўны суд за 3,5 месяцы не здолеў напоўніць сайт інфармацыяй пра суддзяў

А Следчы камітэт другі год працуе наогул без сайта, хоць старшыня СК абяцаў, што рэсурс з’явіцца ў 2013.

21.04.2014 Журналістку не ўпусцілі ў Беларусь з бюлетэнямі па назіранні за выбарамі

На пункце пропуску «Каменны Лог» Ганну Аземшупрымусілі выехаць з тэрыторыі Беларусі і пакінуць за мяжой 130 асобнікаў інфармацыйнага бюлетэня “Восем цікавых фактаў пра выбары” і 65 асобнікаў бюлетэня “Назіральнік паведамляе”.

21.04.2014 Брэст: працягваецца ціск на актывістаў АГП, што бралі ўдзел у выбарчай кампаніі

Сябра Аб’яднанай грамадзянскай партыі Ірына Сіняпкіна атрымала ад супрацоўнікаў міліцыі позву, у якой не пазначана дата і час выкліку, а таксама ў якасці каго і з якой нагоды яе запрашаюць у міліцыю.

21.04.2014 Салігорскія ТБМаўцы дамагаюцца выканання закона "Аб геаграфічных назвах"

Прадстаўнікі Салігорскай арганізацыі “Таварыства беларускай мовы” патрабуюць прывесці назвы шыльдаў на гарадскіх будынках у адпаведнасць Закону “Аб назвах геаграфічных аб’ектаў”. Свой зварот яны накіравалі у Дзяржаўны камітэт па маёмасці.

21.04.2014 Мікалая Статкевіча падтрымала «Міжнародная амністыя»

Мікалаю Статкевічу пішуць актывісты «Міжнароднай амністыі» з Эўропы. Пра гэта палітвязень паведаміў 18 красавіка падчас сустрэчы з адвакатам. Жонка палітыка Марына Адамовіч апавяла падрабязнасьці карэспандэнту Свабоды:

20.04.2014 Бярозаўскія праваабаронцы аспрэчваюць у судзе забарону пікета

Бярозаўскі райвыканкам распісаўся ў сваёй несамастойнасці, супярэчлівасці і непрафесіяналізме, калі 20 сакавіка даў дазвол на пікет у Дзень Волі, а за 3 дні да акцыі адмяніў сваё рашэнне, нібыта ўбачыўшы ў мэце пікету распальванне нацыянальнай варожасці.

20.04.2014 Разгляд касацыйнай скаргі гродзенскіх праваабаронцаў прызначаны на 6 траўня

3 красавіка ў РАУСе Ленінскага раёна суддзя Наталля Козел пры разглядзе адміністрацыйных пратаколаў узяла бок міліцыі, кваліфікаваўшы размешчаныя ў інтэрнэце фотаздымкі праваабаронцаў з беларускай і ўкраінскай сімволікай у Дзень Волі на 25 сакавіка як правядзенне несанкцыянаванага пікету.

20.04.2014 Бяроза: палітвязняў павіншавалі з Вялікаднем

Праваабаронцы і грамадскія актывісты павіншавалі палітвязняў з Вялікаднем. Ніхто з 9 палітвязняў не застанецца без віншавальнай паштоўкі з Бярозы ў светлы Дзень Хрыстова Уваскрасення.

20.04.2014 Мясцовыя выбары і падзеі ва Украіне – лейтматыў салігорскіх медыяў у апошнія месяцы

Дзяржаўны тэлеканал СТК і выканкамаўская газета “Шахцёр” вострыя мясцовыя праблемы імкнуліся наогул абмінаць. Выбары ў мясцовыя Саветы дэптутатаў асвятлялася імі досыць актыўна, але асноўная моц іх інфармацыйнай артылерыі была задзейнічана на забеспячэнне яўкі падчас датэрміновага галасавання.

19.04.2014 З Вялікаднем!

Праваабарончы цэнтр “Вясна” шчыра віншуе сяброў, калегаў, аднадумцаў з вялікім святам у гонар сонца, вясны, абуджэння прыроды! Няхай вашыя сэрцы, нягледзячы на ўсе жыццёвыя нягоды, поўняцца радасцю, спагадай і любоўю, а вясновы настрой надасць сілаў і энергіі для новых здзяйсненняў! Добрага здароўя і веры ў цуд - кожнаму з вас!

18.04.2014 Выснова расійскіх псіхіятраў: правы віцебскага лекара Пастнова былі парушаныя

Урач-псіхіятр Ігар Пастноў, якога за крытыку беларускай улады падвергнулі прымусоваму лячэнню, прайшоў экспертызу ў Незалежнай псіхіятрычнай асацыяцыі Расіі. Выканаўчы дырэктар НПАР Любоў Вінаградава пракаментавала атрыманыя вынікі абследавання.

18.04.2014 У адносінах віцебскай журналісткі вядзецца адміністрацыйная справа

Пра тое, што яе вінавацяць у супрацоўніцтве без акрэдытацыі з замежным СМІ, незалежный журналістцы Алене Сцяпанавай паведамілі падчас гутаркі ў Кастрычніцкім РАУС Віцебску. Позву выпісаў старшы інспектар Аддзелу аховы правапарадку і прафілактыкі Сяргей Вяракса.

18.04.2014 Іменем Рэспублікі Беларусь: расстраляны Павел Сялюн

Сёння стала вядома, што ў адносінах да 23-гадовага студэнта гістфаку БДУ выкананы смяротны прысуд. Ягоны зварот яшчэ знаходзіцца на разглядзе КПЧ ААН. Гэта значыць, Рэспубліка Беларусь у чарговы раз парушыла ўзятыя на сябе міжнародныя абавязальніцтвы.

18.04.2014 На Аршанскіх цепласетках засцерагаюць ад візітаў ва Украіну

Кіраўніцтва арганізацыі адзначыла, што ўдзельнікі Майдану атрымалі невядомае захворванне і цяпер ад яго пачынаюць паміраць. Па іх словах, верагодна, што нехта нешта мог падмяшаць у ежу актывістаў Майдана і цяпер усе яны з'яўляюцца носьбітамі невядомага захворвання.

17.04.2014 Горкі: суд прыпыніў разгляд справы супраць БелаПАН і “УзГорка”

17 красавіка ў судзе Горацкага раёна быў працягнуты разгляд грамадзянскай справы па пазову старшыні Горацкай раённай арганізацыі Беларускага таварыства інвалідаў Тамары Калтуновай да ЗАТ “БелаПАН” і прыватнага гандлёва-вытворчага ўнітарнага прадпрыемства "УзГорак", якое выдае газету пад такой жа назвай.