Праваабарончы цэнтр «ВЯСНА»

Навіны за Сакавік 2014

27.03.2014 Бабруйск: на заводзе ТДіА ўжо 12 галадоўшчыкаў

На заводзе ТДіА (трактарных дэталяў і агрэгатаў) працягваецца трохдзённая папераджальная галадоўка. Міхаіл Кавалькоў, старшыня пярвічкі СПБ, галадае каля прахадной прадпрыемства. Ночыць ён таксама тут - у салоне аўтамабіля.

27.03.2014 Салігорскі тэлеканал спрабуе дыскрэдытаваць незалежных назіральнікаў (відэа)

З дапамогай нязграбнага мантажа і завочнага закадравага дыялога з прадстаўніком БХК на ўчастку №24 Мікалаем Шараварам рэдактарка СТК паказала заўвагі назіральніка да выбарчага працэсу дробнымі ды непраўдзівымі. Сам спадар Шаравар называе такі падыход да інтэрпрэтацыі яго словаў агідным.

27.03.2014 Спыніце дыскрымінацыю!

Беларускі незалежны прафсаюз прыняў заяву у падтрымку работнікаў Бабруйскага завода трактарных дэталяў і агрэгатаў, якія 25 сакавіка абвясцілі трохдзённую папераджальную галадоўку.

27.03.2014 Таемныя суды над віцебскімі актывістамі Хамайдай і Салаўянам

Як паведамляе “Свабодны рэгіён”, актывісты былі асуджаныя судом Чыгуначнага раёна Віцебска на 3 сутак. Аднак дагэтуль невядома прычына затрымання і па якім артыкуле былі ўзбуджаныя адміністрацыйныя справы.

26.03.2014 Справаздача па маніторынгу масавага мерапрыемства (дэманстрацыі і мітынга), прысвечанага 96-й гадавіне абвяшчэння БНР

Маніторынг масавага мерапрыемства 25 сакавіка ажыцяўляўся назіральнікамі-валанцёрамі РПГА “Беларускі Хельсінскі Камітэт” і Праваабарончага цэнтру “Вясна”.

26.03.2014 Раней судзімага старшыню Шклоўскага райсавета не абралі дэпутатам новага склікання

"Шклоўскія раённыя ўлады нарэшце самі зразумелі ўсю недарэчнасць сітуацыі, калі раней судзімы чалавек з’яўляецца старшынёй райсавета. Яшчэ да дня “выбараў” было прынятае рашэнне, што Міхаіл Паўловіч нават не стане дэпутатам райсавета новага склікання. Так яно і атрымалася па выніках галасавання".

26.03.2014 Баранавічы: назіральнік просіць ЦВК разабрацца з парушэннямі на выбарчым участку

Аб парушэннях заканадаўства падчас падліку галасоў назіральнік напісаў старшыні камісіі заяву, якую Мікалай Жукоўскі спачатку адмаўляўся браць, а потым неахвотна ўзяў, але не разгледзеў на паседжанні камісіі, таму зараз Сяргей Гоўша не мае ўпэўненасці, што яго заява была перададзена ў вышэйстаячую тэрытарыяльную камісію.

26.03.2014 У Барысаве – 5 сутак арышту фанату футбольнага клуба БАТЭ

У судзе горада Барысава сёння ў 10 гадзін раніцы будзе разглядацца адміністратыўная справа фаната футбольнага клуба БАТЭ Аляксандра Марозава.

26.03.2014 Яну Дзяржаўцаву – 7 сутак арышту за пікет

У судзе Першамайскага раёну Віцебска 26 сакавіка разглядалася адміністрацыйная справа сябра КХП-БНФ Яна Дзяржаўцава за ўдзел ў несанкцыянаваным масавым мерапрыемстве 22 сакавіка.

26.03.2014 Сёння суды над затрыманымі на Дзень Волі (абнаўляецца)

У судзе Завадскога раёна будуць судзіць Максіма Вінярскага і Аляксандра Блізнюка. Ноч яны правялі ў ЦІП на Акрэсціна.

26.03.2014 Студэнт-актывіст Руху «За Свабоду» адлічаны з універсітэту

З другога курсу факультэта журналістыкі БДУ адлічаны актывіст Руху «За Свабоду» Мікіта Семяненка.

26.03.2014 Літоўскія парламентары ўзялі пад апеку беларускіх палітвязняў

Справай кожнага вязня будзе апекавацца асобны дэпутат літоўскага Сейма. Акрамя таго, плануецца звярнуцца да краінаў Еўразвяза з заклікам далучыцца да гэтай ініцыятывы.

26.03.2014 Адміністрацыя прэзідэнта: Да Лукашэнкі даведзена, што Бяляцкі кампенсаваў шкоду

Загадчык галоўнага ўпраўлення па рабоце са зваротамі грамадзян і юрыдычных асоб Станіслаў Буко запэўніў, што «А.В.Бяляцкім кампенсавана вызначаная рашэннем суда шкода, нанесеная дзяржаве», а «інфармацыя па гэтым пытанні даведзена да прэзідэнта».

26.03.2014 Ян Дзяржаўцаў правёў ноч у ізалятары часовага ўтрымання ў Віцебску

У судзе Першамайскага раёну Віцебска будуць судзіць актывіста кансерватыўна хрысціянскай партыі Яна Дзяржаўцава за ўдзел ў несанкцыянаваным масавым мерапрыемстве 23 сакавіка. 25 сакавіка яго затрымалі міліцыянты, калі ён вяртаўся са святкавання Дня волі.

26.03.2014 Экс-мэр Гомеля Піліпец адкінуў у судзе абвінавачванні

У Магілёве 25 сакавіка атрымаў працяг судовы працэс па справе былога старшыні Гомельскага гарвыканкама Віктара Піліпца і шэрагу іншых чыноўнікаў, якія абвінавачваюцца ў карупцыі.