Праваабарончы цэнтр «ВЯСНА»

Навіны за Чэрвень 2013

26.06.2013 Пракурор Стук адмовіўся гаварыць, ці перавыстаўлена абвінавачанне Андрэю Гайдукову

Намеснік генеральнага пракурора Беларусі Аляксей Стук на прэс-канферэнцыі 25 чэрвеня адмовіўся адказваць на пытанне, ці перавыстаўлена ўжо абвінавачанне Андрэю Гайдукову. Нагадаем, малады чалавек абвінавачваецца ў здрадзе дзяржаве, суд над ім праходзіць у Віцебску ў закрытым рэжыме.

26.06.2013 Суддзя Федарцоў: Беларускія суды даўно страцілі карную функцыю

Беларускія суды даўно страцілі карную функцыю, заявіў 25 чэрвеня журналістам першы намеснік старшыні Вярхоўнага суда Аляксандр Федарцоў.

26.06.2013 Рагачоў: міліцыя апытала актывіста з-за публікацыі на незалежным сайце

У рагачоўскага актывіста Дзяніса Дашкевіча ўзялі тлумачэнні наконт публікацыі на незалежным сайце vrogacheve.ru. Міліцыянта цікавілі падрабязнасці, якія маюць дачыненне да публікацыі на незалежным сайце пра праслед рагачоўскага паэта Юрыя Арэстава.

26.06.2013 Праваабаронца пра канстытуцыйнае права на прававую дапамогу

Па сутнасці, такім прадстаўніком можа быць любы чалавек. Паводле Канстытуцыі, для ажыццяўлення і абароны правоў і свабод правам на свайго прадстаўніка вы можаце скарыстацца ў любых дзяржаўных органах, органах мясцовага кіравання, на прадпрыемствах, ва ўстановах, арганізацыях, а таксама ў судзе.

26.06.2013 Суды Віцебску разгледзяць чарговыя скаргі на чыноўнікаў, якія забаранілі пікеты

Тры заяўкі на адзіночныя пікеты – тры забароны на іх правядзеньне. Гэтак сьцісла можна апісаць гісторыю нядаўніх зносін віцебчука Віктара Жаркова з раённымі адміністрацыямі гораду над Дзьвіной. Цяпер Віктар Жаркоў падаў скаргі на чыноўнікаў, якія пазбавілі яго магчымасьці праінфармаваць жыхароў пра парушэньне ягоных правоў.

26.06.2013 Яцэк Пратасевіч: Еўразвяз спадзяецца на вызваленне палітвязняў

Віцэ-прэзідэнт Еўрапейскага парламента Яцэк Пратасевіч перакананы, што цяпер для наладжвання стасункаў з афіцыйным Менскам крок павінны зрабіць чыноўнікі Беларусі. І гэты крок – вызваленне палітвязняў. Часу ў афіцыйнага Менску не так і шмат. Палітык больш падрабязна пракаментаў чаканні сайту Palitviazni.info.

26.06.2013 “Яшчэ прыйдзе вясна!”

Праваабарончы цэнтр "Вясна" выпусціў вялікі наклад паштовак у падтрымку палітвязняў. Па словах сябры рады гэтай арганізацыі Таццяны Равякі, надрукавана тры варыянты паштовак, якія кожны жадаючы можа даслаць палітычнаму зняволенаму.

26.06.2013 Сёння – Міжнародны дзень у падтрымку ахвяраў катаванняў

26 чэрвеня 1987 года ўступіла ў сілу Канвенцыя супраць катаванняў і іншых жорсткіх, бесчалавечых, ці прыніжаючых годнасць відаў абыходжання і пакарання. Праз 10 год Генеральная Асамблея ААН абвясціла гэты дзень Міжнародным днём у падтрымку ахвяраў катаванняў.

26.06.2013 Міліцыя ўзгадніла месца пражывання Змітра Дашкевіча пасля вызвалення

«Званілі з Першамайскага РУУС і пыталіся ў таты, а пасля і ў мяне, ці не супраць мы, каб Зміцер Дашкевіч жыў у нас, — напісала ў сябе ў Фэйсбуку Наста Дашкевіч (Палажанка). — Фантастыка:). І так, канечне ж, папрасілі яго па вяртанні завітаць у РУУС. Фантастыка № 2».

25.06.2013 Бабруйск: Дэпутаты ігнаруюць свае абавязкі перад выбаршчыкамі

Вольга Піманава, старшыня “Рады індывідуальных прадпрымальнікаў рынку “Яловікі” ў Бабруйску, распавяла праваабаронцам, што дасюль не атрымала адказаў ад дэпутатаў на свае звароты. "Узнікае пытанне, навошта нам патрэбныя такія “прадстаўнікі”? Каму “паплакацца” я знайду, а ад іх чакаю канкрэтнай дапамогі".

25.06.2013 Беларускія дэпутаты абмяркуюць у Страсбургу смяротную кару

Дэпутаты Палаты прадстаўнікоў Мікалай Самасейка і Аляксандр Зазуля прымуць удзел у паседжанні камітэта ПАСЕ па палітычных пытаннях і дэмакратыі.

25.06.2013 Беларускія дэпутаты абмяркуюць у Страсбургу смяротную кару

25.06.2013 Сябру РЭП не працягнулі кантракт без тлумачэння прычын

Медбрат-анэстэзіолаг рэанімацыйнага аддзялення №1 Брэсцкай абласной бальніцы, сябра прафсаюза радыёэлектроннай прамысловасці Дзмітрый Лучыц перад адпачынкам атрымаў на рукі паведамленне, што кантракт з ім працягнуты не будзе.

25.06.2013 На помнік Галіне Сямдзянавай не хапае сродкаў

Сябры рупяцца пра надмагільны помнік Галіне Сямдзянавай, у інтэрнэце аб'яўлены збор сродкаў.

25.06.2013 Брэст: большасць дэпутатаў фактычна праігнаравалі зварот сваіх выбаршчыкаў

Такую выснову зрабілі мясцовыя грамадскія актывісты, што спрабавалі дамагчыся ад дэпутатаў Брэсцкага гарсавета, каб тыя паспрыялі хуткай рэалізацыі дамовы “Аб малым памежным руху паміж Польшчай і Беларуссю”.