Праваабарончы цэнтр «ВЯСНА»

Навіны за Травень 2013

28.05.2013 Беларусь наведае намеснік Генсакратара ААН

29—30 мая з рабочым візітам Беларусь наведае намеснік генеральнага сакратара ААН — выканаўчы дырэктар Упраўлення ААН па наркотыках і злачыннасці Юрый Фядотаў.

28.05.2013 У Салігорску абскарджваюць забарону на выезд за неаплату "жыровак"

Мясцовы праваабаронца Леанід Мархотка накіраваў пракурору Салігорскага раёна скаргу на дзеянні КУП “Разлікова-касавы цэнтр г.Салігорска”, якое змясціла ў “жыроўках” абвестку аб стварэнні спісаў “невыязных”. У гэтыя спісы ўключаюць асобаў, якія болей за адзін месяц не аплочвалі камунальныя паслугі.

28.05.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня”: кіраўнік ПЦ "Вясна" Алесь Бяляцкі на трэці тэрмін пераабраны на пасадзе віцэ-прэзідэнта Міжнароднай федэрацыі за правы чалавека. Такім чынам удзельнікі 38-га Кангрэсу Федэрацыі засведчылі сваю салідарнасць з вязнем рэжыму Аляксандра Лукашэнкі. Госця рубрыкі "Асоба. Дзяржава. Грамадства" - каардынатар дзейнасці экалагічнага таварыства “Зялёная сетка” па захаванні паркаў і сквераў у гарадах Марына Дубіна.

27.05.2013 Брыфінг беларускіх праваабаронцаў у Жэнэве сабраў больш за 50 удзельнікаў

У Жэнэве адбыўся брыфінг беларускіх праваабаронцаў, прымеркаваны да пачатку працы чарговай сэсіі Рады ААН па правах чалавека. Паводле яго ўдзельніцы Тацяны Равякі, брыфінг выклікаў вялікую цікавасьць.

27.05.2013 Лукашэнка даў ордэн судзьдзі, якая ліквідавала «Вясну»

Кіраўнік Беларусі Аляксандар Лукашэнка ўзнагародзіў ордэнам Пашаны судзьдзю Вярхоўнага Суда Беларусі Валянціну Кулік, якая разглядала справу аб ліквідацыі праваабарончага цэнтра «Вясна».

27.05.2013 Алесь Бяляцкі пераабраны віцэ-прэзідэнтам FIDH

27 траўня ў межах 38-га Кангрэсу Міжнароднай федэрацыі за правы чалавека (FIDH) беларускі праваабаронца-палітвязень Алесь Бяляцкі, віцэ-прэзідэнт FIDH, пераабраны на сваёй пасадзе.

27.05.2013 Андрэя Гайдукова будуць судзіць у Віцебску

Справу аб "здрадзе дзяржаве" мае разгледзець Віцебскі абласны суд. Пра гэта распавяла маці 24-гадовага наваполацкага актывіста, арыштаванага 8 лістапада мінулага году. Падчас следства Вольга Гайдукова двойчы прасіла дазволу на сустрэчу з сынам. І абодва разы ёй адмовілі. Яна зноў збіраецца пісаць такую заяву.

27.05.2013 Камітэт ААН прызнаў парушэнне правоў наваполацкіх актывістаў

У 2007 г. наваполацкі суд пакараў Валера Шаўчэнку штрафам памерам у 35 базавых велічынь і Антона Ясіновіча - штрафам памерам у 25 базавых велічынь за нібыта парушэнне заканадаўства аб выбарах, рэфэрэндуме, аб адклiканнi дэпутата і аб рэалізацыі права заканадаўчай ініцыятывы грамадзян.

27.05.2013 Прэзентацыя кнігі “Хто ўзарваў менскае мэтро?” і круглы стол па праблемах асвятлення гучных працэсаў

3 чэрвеня журналіст Радыё “Свабода” Алег Груздзіловіч мае намер прэзентаваць у Мінску ўласную кнігу-расследаванне “Хто ўзарваў менскае мэтро?”, напісаную па слядах судовага працэсу над расстралянымі Дзмітрыем Канавалавым і Ўладзіславам Кавалёвым.

27.05.2013 Моладзевага актывіста забралі ў беларускае войска з расійскага аўтазака

Сябра апазіцыйнай расійскай партыі "Другая Расія" Ігара Шчуку забралі ў войска Беларусі, хоць ён не прыдатны да службы ва Узброеных Сілах.

27.05.2013 Расійскіх праваабаронцаў у Варонежы пазбаўляюць памяшкання

Калегі просяць праявіць салідарнасць - дасылаць лісты чыноўнікам, падпісваць петыцыі ў абарону арганізацый і офіса.

27.05.2013 Беларускае пытанне абмяркуюць у рамках сесіі Еўранеста 28 мая ў Бруселі

У рамках трэцяй пленарнай сесіі Парламенцкай асамблеі Усходняга партнёрства (Еўранест) 28 мая ў Бруселі адбудзецца пасяджэнне рабочай групы па Беларусі. Аб гэтым БелаПАН паведаміў старшыня Партыі БНФ Аляксей Янукевіч.

27.05.2013 Беларускія праваабаронцы выступяць у ААН

Брыфінг беларускіх праваабаронцаў прымеркаваны да пачатку працы чарговай сэсіі Рады ААН па правах чалавека.

27.05.2013 Якой свабоды не хапае беларусам?

Сацыялягічны цэнтар «Люстэрка-Інфа» задаў беларусам тры пытаньні: «Ці патрэбная вам асабіста свабода мітынгаў і дэманстрацый?», «Ці патрэбная вам асабіста свабода слова?» і «Ці патрэбная вам асабіста свабода выезду за мяжу?»

27.05.2013 На сесіі Савета ААН па правах чалавека будзе заслуханы даклад па Беларусі

27 мая ў Жэневе пачынае працаваць 23-я сесія Савета ААН па правах чалавека. На парадку дня 4 чэрвеня — абмеркаванне справаздачы спецыяльнага дакладчыка па Беларусі Міклаша Харашці.