Праваабарончы цэнтр «ВЯСНА»

Навіны за Травень 2013

29.05.2013 Бабруйчане папросяць Васьковіча напісаць прашэнне аб памілаванні

Бабруйскія грамадскія актывісты непакояцца за палітвязня Яўгена Васьковіча, які надта часта трапляе ў карцар, месяцамі не дасылае ці не атрымлівае лісты. Таму яны вырашылі распачаць своеасаблівую акцыю: даслаць Яўгену як мага болей лістоў з просьбай напісаць прашэнне аб памілаванні.

29.05.2013 Забарону велапрабега пад бел-чырвона-белымі сцягамі абскардзяць у ААН

Салігорскі маладафронтавец Андрэй Тычына накіраваў у Камітэт па правах чалавека ААН скаргу на забарону велапрабегу ў падтрымку беларускай нацыянальнай сімволікі.

29.05.2013 Незалежных журналістаў выклікаюць у пракуратуру

Сябры ГА “БАЖ” Вольга Чайчыц і Алесь Сіліч абавязаныя з’явіцца ў смалявіцкую раённую пракуратуру ў чацвер, 30 мая.

29.05.2013 Гомель: работнікі гандлю ўсё часцей звяртаюцца па дапамогу да праваабаронцаў

Зараз у судзе Чыгуначнага раёна слухаецца грамадзянскі зыск прадпрыемства «Дабрабыт», 14 работніц якога пажадалі, каб прафсаюз РЭП прадстаўляў іх інтарэсы ў судзе, і ўступілі ў яго шэрагі. У судзе Савецкага раёна праваабаронца Судаленка бароніць інтарэсы дзевяці прадаўцоў хлебнай крамы, дзе была выяўлена нястача. Таксама звярнуліся па дапамогу прадаўцы Цэнтральнага рынку.

29.05.2013 У Слоніме зніклі грошы на помнік Льву Сапегу

Прадпрыемствы Слоніма, прыватныя асобы, прадпрымальнікі пералічалі сродкі на рахунак у філіяле “Беларусбанку” яшчэ ў 2008 годзе. Мінула пяць гадоў. Скульптарам Іванам Міско даўно распрацаваны праект помніка. Аднак ні банк ні райвыканкам не могуць адказаць, якая сума сабраная: рахунак ёсць, а грошай няма.

29.05.2013 Сёння - Міжнародны дзень міратворцаў ААН

Гэты дзень служыць двум мэтам - ушанаваць памяць міратворцаў ААН, якія загінулі ў імя справы свету, і аддаць даніну павагі ўсім мужчынам і жанчынам, якія служылі або служаць у міратворчых кантынгентах ААН.

29.05.2013 Праграма "Міжнароднае права для абароны грамадскіх інтарэсаў'' працягвае набор удзельнікаў

Мэта навучання - азнаямленне з тэарэтычнымі і практычнымі аспектамі прафесійнага выкарыстання прынцыпу вяршэнства права праз прымяненне міжнародна-прававых стандартаў, перш за ўсё, на нацыянальным узроўні.

29.05.2013 У Віцебскі суд перадалі справу «шпіёна» Андрэя Гайдукова

Абласны суд будзе разглядаць справу віцебскага актывіста. Яго вінавацяць у здрадзе дзяржаве. Дата суда пакуль невядомая.

29.05.2013 Васьковіча заклікаюць напісаць прашэнне аб памілаванні, але ён будзе “несці свой крыж за Беларусь”

Мясцовая дэмакратычная рада збіраецца зладзіць акцыю сярод бабруйчанаў – каб як мага больш людзей далучылася да падтрымання Яўгена Васьковіча, і каб пераканаць яго падаць прашэнне аб памілаванні.

29.05.2013 Мікалай Статкевіч заяўляе, што не пацерпіць правакацый

Палітзняволены, былы кандыдат у прэзідэнты Мікалай Статкевіч папярэджвае, што не пацерпіць правакацый з мэтай прымусіць напісаць яго прашэнне пра памілаванне, кажа жонка палітыка Марына Адамовіч.

28.05.2013 Асуджаных інфармуюць пра вынясенне смяротных прысудаў

Пра гэта праваабаронца і палітвязень Алесь Бяляцкі напісаў каардынатару кампаніі “Правабааронцы супраць смяротнага пакарання ў Беларусі” Андрэю Палуду.

28.05.2013 Памерла актывістка руху дапамогі палітвязням Эльміра (Дамініка) Левандоўская

Многія з тых, хто браў удзел у маўклівых акцыях пратэсту 2011 года, ведалі яе як Дамініку. Яна была адной з тых, хто штодня быў каля турмы на Акрэсціна або жодзінскай турме, пакуль там адбывалі арышт палітычныя.

28.05.2013 За пяць год Канстытуцыйны суд не знайшоў неадпаведнасці Канстытуцыі ў законах

А з 1996 года не праверыў на адпаведнасць галоўнаму закону краіны ніводнага ўказа і дэкрэта.

28.05.2013 Асамблея НДА ініцыюе новую хвалю грамадскай кампаніі “Зробім лепш!”

Маючы пераважна сацыяльны ўхіл, гэтая кампанія ў свой час спарадзіла вялікую колькасць лакальных ініцыятываў, аб’яднала НДА з розных гарадоў і розных сфераў дзейнасці дзеля вырашэння праблемаў грамадства.

28.05.2013 У Гомелі актывісты «Zмены» правялі акцыю з нагоды руйнавання драўлянай забудовы

На ўлётках супраць дзеянняў гарадскіх уладаў і ТАА «Электрапрам» напісана: «ООО «Электропром»: Вы знаете, где есть памятники истории? Тогда мы идём к вам!» і «Горисполком: «Продаём историю!».