Праваабарончы цэнтр «ВЯСНА»

Навіны за Сакавік 2013

24.03.2013 Справаздача па назіранні за масавым мерапрыемствам Дзень Волі ў Мінску 24 сакавіка 2013г.

24 сакавіка 2013г. дэмакратычныя сілы Беларусі правялі традыцыйную акцыю, прысвечаную адзначэнню гадавіны абвяшчэння Беларускай Народнай Рэспублікі ў 1918 г.

24.03.2013 Слонім: шары з бел-чырвона-белымі сцяжкамі над горадам (фота)

Сябры Слонімскага згуртавання дэмакратычных сіл запусцілі сёння шары над Слонімам. Да іх прымацавалі бел-чырвона-белыя сцяжкі і каляровыя лістоўкі з тэкстам пра гісторыю стварэння БНР.

24.03.2013 25 сакавіка ў Віцебску будуць судзіць за запрашэнні на Дзень Волі

Затрыманыя 22 сакавіка Леанід Аўтухоў і Кастусь Смолікаў вымушаныя чакаць суду ў ізалятары часовага ўтрымання. Была верагоднасць, што ў нядзелю, 24 сакавіка, актывістаў усё ж выпусцяць з-пад варты, але гэтыя спадзяванні не спраўдзіліся. На актывістаў склалі пратаколы за парушэнне парадку арганізацыі і правядзення масавага мерапрыемства.

24.03.2013 Сацыял-дэмакраты з Белаазёрску павіншавалі палітвязняў з Днём Волі (фота)

Паштоўкі да 95-годдзя незалежнасці БНР паляцелі ў розныя вязніцы Беларусі з гораду Белаазёрску. Палітвязні атрымаюць прыгожыя паштоўкі з выявай нацыянальных сімвалаў і адмысловым надпісам.

24.03.2013 Слонім: Дзень Волі – пад узмоцненым кантролем міліцыі (фота)

Пасля таго, як слонімцы пачалі збірацца каля набярэжнай канала, іх акружылі 6 легкавушак з міліцыянерамі. Праўда ніхто з іх з машын не выходзіў, усе чакалі пачатку мерапрыемства. Пасля слонімцы разбіліся на некалькі груп і пайшлі праз невялікі драўляны мост на другі бераг канала.

24.03.2013 У Брэсце ўдзельнікаў святкавання Дня Волі спрабавалі абвінаваціць у несанкцыянаванай акцыі

Асноўныя мерапрыемствы адбываліся на Трышынскіх могілках, дзе брэсцкія актывісты дэмакратычных арганізацый ушанавалі памяць аднаго з дзеячаў БНР Адама Трыпуса і ўсклалі кветкі таксама да помніка ахвярам палітычных рэпрэсій.

24.03.2013 Дзень Волі пад знакам 95-годдзя абвяшчэння незалежнасці БНР (ан-лайн)

Менгарвыканкам дазволіў удзельнікам святкавання 95-годдзя абвяшчэння незалежнасці Беларускай Народнай Рэспублікі адзначыць 24 сакавіка Дзень Волі ў змененым фармаце

23.03.2013 Бярозаўка: 24 сакавіка актывіста выклікаюць на “прафілактычную гутарку”

Грамадскага актывіста з гораду Бярозаўка, рэгіянальнага каардынатара “Руху за свабоду” Сяргея Трафімчыка напярэдадні 25 сакавіка беспадстаўна турбуюць міліцыянты. Актывісту выпісалі позву з’явіцца ў РАУС 24 сакавіка. У позве нічога не пазначана – ні паводле якой справы ён выклікаецца, ні ў якасці каго.

23.03.2013 Слонім: другі візіт міліцыянераў на кватэру Івана Бедкі

Сёння ў 11 гадзін 30 хвілін зноў завіталі на кватэру да кіраўніка Слонімскай суполкі БХД Івана Бедкі два супрацоўнікі Слонімскага РАУС, сярод якіх быў і намеснік начальніка Слонімскага РАУС маёр міліцыі Вадзім Шчурскі. Маёр міліцыі папярэдзіў Івана Бедку, каб ён не прымаў ніякага ўдзелу ў мітынгах у Слоніме.

23.03.2013 Юрыст Тамара Сяргей: нельга назваць судом тое, што адбывалася

Тамара Сяргей выказала намер працягваць адстойваць інтарэсы грамадзян. “Я неаднаразова выказвала сваю думку пра тое, што айчынная судовая сістэма знаходзіцца ў крызісе. Але я нават не думала, што ў такім глыбокім крызісе. Бо тое, што адбывалася сёння, нават нельга назваць судом”, — адзначыла яна.

23.03.2013 У «Архэ» зьявіўся шанец на аднаўленьне выхаду

Ва ўзбуджэньні крымінальнай справы па выніках праверкі рэдакцыі часопіса «Архэ-Пачатак» адмоўлена.

23.03.2013 Бялынічы: міліцыя зацікавілася “Магілёўскім Выбарам”

Вечарам 22 сакавіка ў прыватны дом незалежнага журналіста Барыса Вырвіча завітаў участковы інспектар Бялыніцкага РАУС, капітан міліцыі Сяргей Карыткін. Падставай для візіта супрацоўніка міліцыі паслужыла тое, што ён хацеў даведацца, як выдаецца і распаўсюджваецца незалежная дэмакратычная газета “Магілёўскі Выбар”.

23.03.2013 У Талачыне затрыманы Раман Забела

Аперацыя «міліцэйскі хапун» пачалася ў горадзе Талачын раніцай. Проста на прыпынку аўтобуса па дарозе на працу затрыманы і дастаўлены ў РАУС грамадскі актывіст Раман Забела. Затрыманне праводзіў адзін з лепшых сышчыкаў крымінальнага вышуку маёр міліцыі Карота.

23.03.2013 Міліцыя папярэджвае слонімскіх актывістаў напярэдадні Дня Волі

Учора вечарам на кватэру да кіраўніка Слонімскай суполкі БХД Івана Бедкі завіталі два супрацоўнікі Слонімскага РАУС, сярод якіх быў і намеснік начальніка Слонімскага РАУС маёр міліцыі Вадзім Шчурскі. Слонімскія міліцыянеры напярэдадні Дня Волі папярэджваюць усіх слонімскіх актывістаў.

23.03.2013 Бялынічы: суд пачаў разгляд адміністрацыйнай справы Валерыя Вусіка

22 сакавіка ў судзе Бялыніцкага раёна разглядалі пратакол аб адміністрацыйным правапарушэнні, якое быццам бы здзейсніў жыхар вёскі Лебедзянка Валерый Вусік падчас наведвання са здымачнай групай незалежных тэлежурналістаў фермы мясцовай гаспадаркі СВК “Лебедзянка”.