Праваабарончы цэнтр «ВЯСНА»

Навіны за 27 сакавіка 2013

27.03.2013 Клімавіцага актывіста вывезлі ў іншы горад і дапыталі супрацоўнікі КДБ

Актывіста "Гавары праўду" з Клімавіч Аляксандра Балобіна 27 сакавіка каля будынку Клімавіцкага райвыканкамата спынілі і затрымалі два невядомых чалавекі, якія назваліся супрацоўнікамі КДБ, пасадзілі ў машыну і адвезлі ў іншы горад -- у Крычаўскі міжрайаддзел КДБ. Абвінавачвалі ў парушэнні артыкула 193.1 КК -- дзейнасці ад імя незарэгістраванай арганізацыі.

27.03.2013 Старонкі гісторыі паўстання 1863–1864 гг.

У Мінску праходзіць адразу некалькі тэматычных выстаў, прысвечаных знакавай падзеі ў гісторыі нашай краіны - 150-годдзю Паўстання 1863-1864 гг. і 175-годдзю К. Каліноўскага.

27.03.2013 “Чарга”: не будзь абыякавым (відэа)

Актывісты кампаніі "Праваабаронцы супраць смяротнага пакарання" стварылі анімацыйны фільм “Чарга”, які закранае глыбока філасофскія тэмы: чалавечае жыццё і раўнадушша грамадства ў дачыненні да тэмы смяротнага пакарання.

27.03.2013 Былы мэр Гомеля скардзіцца ў Камітэт па правах чалавека ААН

Былы старшыня Гомельскага гарвыканкама Святлана Гальдадзе скардзіцца ў Камітэт па правах чалавека ААН на забарону ёй сумесна з мясцовымі праваабаронцамі Анатолем Паплаўным ды Леанідам Судаленка правесці ў абласным цэнтры 4 жніўня мінулага года пікет у падтрымку зняволенага праваабаронцы Алеся Бяляцкага.

27.03.2013 Узнавіўся працэс па справе сябра “Справядлівага свету”

Сёння ў Жлобінскім раённым судзе ўзнавіўся працэс па справе сябра “Справядлівага света” Яўгена Басарэўскага. Працэс, які павінен быў пачацца ўчора, 26 сакавіка, не адбыўся, паколькі ў суд не з’явіліся неабходныя сведкі. Справу разглядае суддзя Алена Ярмольчык.

27.03.2013 Старшыня Гарадзенскага абласнога суда перакананы ў правамернасці штрафаў праваабаронцам

Судовы чыноўнік таксама сцвярджае, што фатаграфаванне праваабаронцаў у Міжнародны дзень правоў чалавека і размяшчэнне фотаздымка ў інтэрнэце было несанкцыянаванай публічнай акцыяй, якая падлягала адміністрацыйнаму пакаранню.

27.03.2013 Літва шукае ў Беларусі дэмакратыю

Парлямэнцкая група «За дэмакратычную Беларусь» у найбліжэйшым часе пачне дзейнасьць у Сойме Літвы.

27.03.2013 У АГП скралі бел-чырвона-белы сцяг

Палотнішча лунала з 23 сакавіка на 17-м паверсе будынка па вуліцы В.Харужай, 22.

27.03.2013 Суд па справе МХД супраць Мінюста пройдзе 9 красавіка

26 сакавіка ў Вярхоўным судзе адбыліся папярэднія слуханні па справе нерэгістрацыі Міністэрствам юстыцыі ГА "Маладых Хрысціянскіх Дэмакратаў".

27.03.2013 Экс-палітвязня Марцалева не выпусцілі з Беларусі для лячэння

Сяргей Марцалеў прасіў магчымасці выехаць на некалькі месяцаў у Польшчу, Украіну, Расію.

27.03.2013 МЗС Літвы: Улады Беларусі не ўлічваюць інтарэсы простых людзей

Так у знешнепалітычным ведамстве Літвы пракаментавалі чарговую затрымку з падпісаннем Беларуссю дамовы аб Малым памежным руху. Адтэрміноўка ўвядзення ў дзеянне дамовы аб Малым памежным руху ў літоўскім МЗС лічаць “чарговымі страчанымі магчымасцямі”.

27.03.2013 Судовага рашэньня ў справе Багінскай пакуль няма

Суд над Нінай Багінскай, якая падняла бел-чырвона-белы сьцяг у цэнтры Менску, не завершаны і рашэньне ў ім не прынятае. Пра гэта паведамілі ў судзе Маскоўскага раёну Менску. Калі працэс можа быць адноўленым, не паведамляецца.

27.03.2013 Часопіс «Архэ» спрабуе аднавіць выхад

Як паведаміў карэспандэнту Свабоды рэдактар часопіса «Архэ-Пачатак» Алесь Пашкевіч, Дэпартамэнт фінансавых расьсьледаваньняў 25 сакавіка разблякаваў банкаўскі рахунак рэдакцыі.

27.03.2013 Алесь Бяляцкі. З чаго пачалася мая беларускасьць. Частка 2

"Упершыню ад мяне патрабавалася самастойна вызначыцца з нацыянальнасьцю ў 14 гадоў, атрымліваецца, у 1976 годзе, калі мы хадзілі ў ваенкамат і афармлялі прыпісное пасьведчаньне. Афіцэр, які запаўняў бланк, спытаўся ў мяне: “Нацыянальнасьць?” “Беларус”, - адказаў я. А калі выйшаў з ваенкамату, яшчэ некалькі разоў сам сабе прагаварыў: беларус. Дагэтуль я ніколі ні сабе ні іншым не адказваў на гэтае пытаньне. А вось зараз я цьвёрда ведаў: я – беларус".