Праваабарончы цэнтр «ВЯСНА»

Навіны за Кастрычнік 2012

19.10.2012 У Берліне адбылася акцыя "Не смяротнаму пакаранню ў Беларусі"

Яе правялі актывісты берлінскага офіса Міжнароднай амністыі. На пікеце побач з беларускай амбасадай ў Нямеччыне яны заклікалі адмовіцца Беларусь ад смяротнага пакарання, як гэта даўно зрабілі іншыя еўрапейскія краіны.

19.10.2012 Орша: следчы камітэт ухіліўся ад разгляду звароту пра фальсіфікацыі

Партыйныя назіральнікі Оршы Мікалай Дзямідаў і Яўген Анішчанка атрымалі адказ на сваю заяву аб парушэннях на выбарчых участках падчас парламенцкіх выбараў 23 верасня. І вось днямі атрыманы адказ за подпісам начальніка Аршанскага гарадскога аддзела следчага камітэта РБ Д. Бохана.

19.10.2012 Няўгодных пачалі звальняць “па стану здароўя”

На Берасцейшчыне выкарыстаны новы спосаб пазбавіцца няўгоднага работніка, які працуе па дамове бестэрміновага найму, -- звальненне “па стану здароўя”. Так здарылася з Сяргеем Івановым, былым слесарам Берасцейскага галоўнага спецыялізаванага канструктарскага бюро па комплексу абсталявання для мікраклімата.

19.10.2012 Дыялогу па мадэрнізацыі патрабуецца дынаміка

Праграму развіцця Еўрапейскага дыялогу па мадэрнізацыі Беларусі абмеркавалі падчас круглага стала, які прайшоў 17 кастрычніка ў офісе Прадстаўніцтва ЕС у Мінску.

19.10.2012 БХД накіравала каля дзвюх тысячаў подпісаў за змену закона "Аб ахове здароўя"

У план падрыхтоўкі законапраектаў на 2012 год уваходзіць разгляд закона «Аб ахове здароўя». БХД падрыхтавала свае прапановы па ўнясенні змяненняў у Закон і накіравала іх разам з подпісамі ў Савет Міністраў, Міністэрства аховы здароўя і Палату Прадстаўнікоў Нацыянальнаг Сходу.

19.10.2012 Маларыта: пракуратура ігнаруе заклік сябра выбаркаму прызнаць несапраўднымі вынікі выбараў

Яшчэ 1 кастрычніка былы сябра акруговай выбарчай камісіі па Белавежскай акрузе №8 Пётр Андрыевіч накіраваў свой зварот пракурору Маларыцкага раёну. Паводле словаў Андрыевіча, у звароце ўтрымлівалася просьба да пракурора правесці праверку і прызнаць несапраўднымі вынікі выбараў на дзесяці выбарчых участках гэтай акругі.

19.10.2012 Каваленка і Пазняк далі прэс-канферэнцыю ў Варшаве

«Я дзякую ўсім за моцную падтрымку, пра якую я ведаў нават у турме», — заявіў былы палітвязень Сяргей Каваленка падчас адмысловай прэс-канферэнцыі ў Варшаве.

19.10.2012 “Не – смяротнаму пакаранню!” ў Магілёве

Інфармацыйная акцыя супраць смяротнага пакарання адбылася ў Магілёве. Яе планавалася правесьці напярэдадні Міжнароднага дня супраць смяротнага пакарання 10 кастрычніка. Аднак валанцёры, якія распаўсюджвалі налепкі і постэры кампаніі “Праваабаронцы супраць смяротнага пакарання ў Беларусі” былі затрыманыя.

19.10.2012 У Магілёўскай вобласці распавялі аб дасягненнях дзяржаўных СМІ

У Магілёўскай вобласці 17 кастрычніка прайшоў “адзіны дзень інфармавання насельніцтва”, асноўнай тэмай якога была “Дзейнасць сродкаў масавай інфармацыі Магілёўскай вобласці”. Сотні дзяржаўных чыноўнікаў у працоўны час наведвалі прадпрыемствы і арганізацыі вобласці.

19.10.2012 Алеся Бяляцкага абмежавалі ў атрыманні медыцынскіх бандэроляў

Палітычны зняволены, кіраўнік праваабарончага цэнтру "Вясна" Алесь Бяляцкі абмежаваны адміністрацыяй Бабруйскай калоніі №2 у магчымасці атрымання медыцынскіх бандэроляў. Па словах яго жонкі Наталлі Пінчук, раней такіх праблемаў у яе мужа не было.

19.10.2012 Мастака Гуліна звольнілі з БНТУ за неканвенцыйнае мастацтва

Фармальна, як паведаміў у сябе ў Фэйсбуку Гулін, яму давялося напісаць заяву "па ўласным жаданні».

19.10.2012 У рэдактара «Arche» Валера Булгакава сканфіскавалі больш за 5000 кніг

Валер Булгакаў не выключае магчымасці крымінальнай справы супраць сябе.

19.10.2012 Уладзімір Някляеў: "Ды нішто і ніхто ў гэтым свеце не пахне турмою — Толькі мы" (відэа)

Паэт Уладзімір Някляеў у межах кампаніі Марафон Салідарнасці з палітвязнямі Беларусі, які стартаваў напачатку верасня, чытае верш, прысвечаны зняволенаму праваабаронцу Алесю Бяляцкаму.

19.10.2012 Міністэрства замежных справаў Польшчы не зрабіла ніякіх высноваў са справы Алеся Бяляцкага

МЗС выслаў прыкладна 30 беларускім апазыцыянерам падатковыя дэклярацыі за грошы, якія яны атрымалі ў Польшчы за ўдзел у Канфэрэнцыі грамадзянскай супольнасьці падчас саміту Ўсходняга партнэрства. Гэтыя сродкі, праўда, не былі замежнай дапамогай, якая забаронена беларускім законам, а толькі камандзіровачнымі за ўдзел у канфэрэнцыі.

18.10.2012 Конкурс на стварэньне hand-made прадукцыі працягнуты да 30 лістапада. Праяві крэатыў і далучайся!

ПЦ “Вясна” працягвае конкурс сярод моладзі (і не толькі) да 30 лістапада на hand-made вырабы - паштоўкі для палітвязняў, ілюстрацыі, калажы, фотаздымкі, відэаролікі ды слоганы на праваабарончую тэматыку!