Праваабарончы цэнтр «ВЯСНА»

Навіны за 20 ліпеня 2012

20.07.2012 Разгляд скаргі невыязнога Алега Гулака ізноў пераносіцца

Разгляд скаргі невыязнога старшыні Беларускага Хельсінкскага камітэта Алега Гулака ў судзе Цэнтральнага раёна Менска перанесены на 31 ліпеня. Пачатак - 16:30.

20.07.2012 Брэсцкія ўлады прыслухаліся да заўвагаў партыйцаў

Гарадскім уладам спатрэбілася амаль два тыдні, каб прызнаць слушнасць некаторых заўвагаў. Новым рашэннем №1467 ад 17 ліпеня з раней прынятага спісу выкрэслены чатыры забароненыя для збору подпісаў месцы - на бульвары Касманаўтаў, бульвары Шаўчэнкі, вуліцы Міцкевіча і ў скверы імя Іконнікава.

20.07.2012 Вылучэнне Статкевіча: у Бабруйску ініцыятыўная група са зняволеных, у Мінску ад адмовы ўстрымаўся Вазняк

Бабруйск: "На пасяджэнні нам сказалі, што ў Міколы Статкевіча група складалася з 114 чалавек, - здзіўляецца назіральнік Віктар Качан. – І ўсе яны зараз знаходзяцца ў калоніі, гэта і стала падставай адмовіць у рэгістрацыі, бо гэтыя людзі не змогуць весці актыўную выбарчую кампанію".

20.07.2012 Салігорск: Забарона велапрабегу абскарджваецца ў Мінскім абласным судзе

Салігорскі маладафронтавец Андрэй Тычына накіраваў скаргу на забарону масавага мерапрыемства ў выглядзе велапрабегу ў Мінскі абласны суд. У сваёй скарзе ён звяртае ўвагу не толькі на відавочную неадпаведнасць вынесеных рашэнняў нацыянальнаму заканадаўству, але і спасылаецца на міжнародныя номы і дамовы ў галіне правоў чалавека.

20.07.2012 Касацыйная скарга сябра слонімскай суполкі БХД не задаволеная

Пасля таго, як суд Слонімскага раёна 12 чэрвеня аштрафаваў сябра слонімскай суполкі БХД Вольгу Пансевіч на 2 мільёны 500 тысяч рублёў за тое, што яна нібыта не падпарадкавалася міліцыі і нецэнзурна лаялася, актывістка падала касацыйную скаргу ў Гродзенскі абласны суд.

20.07.2012 Жыхары Баранавіч прапануюць стварыць тэлепраграму “За сумленныя і справядлівыя выбары”

Пад заявай на імя дырэктара УП “Тэлекампанія “Інтэкс” Анатоля Караля аб стварэнні тэлевізійнай праграмы “За сумленныя і справядлівыя выбары” падпісаліся 50 жыхароў горада Баранавічы. З такой ініцыятывай выступіў грамадскі актывіст Віктар Сырыца.

20.07.2012 Слуцк: Грамадскага актывіста будуць судзіць “за налепкі”

Грамадскага актывіста Віталя Амяльковіча выклікалі ў суд на паседжанне, якое адбудзецца 27 ліпеня. Пратакол адносна грамадскага актывіста складзены па артыкуле 21.14 ч.1 КаАП -- «парушэнне правілаў упарадкавання населеных пунктаў».

20.07.2012 Віцебскім апазіцыянерам давядзецца спаборнічаць са знакамітым спартоўцам, выбітным педагогам і чыноўнікамі

Камісія Наваполацкай выбарчай акругі №25 зарэгістравала ініцыятыўную групу актывіста з Глыбокага Яраслава Берніковіча. У Наваполацку збіраецца балатавацца і тутэйшы ўраджэнец, удзельнік Алімпійскіх гульняў кідальнік молату Вадзім Дзевятоўскі.

20.07.2012 Дэпутат Гумінскі збіраецца балатавацца ў чацвёрты раз

19 ліпеня ў Барысаве на прыборабудаўнічым заводзе адбыўся сход калектыву, на якім аднагалосна было прынята рашэнне аб вылучэнні кандыдатам у дэпутаты Палаты прадстаўнікоў Нацыянальнага сходу пятага склікання дзеючага дэпутата Віктара Гумінскага.

20.07.2012 Пратэст на «Пінскдрэве»: рабочыя выходзяць з прафсаюзу

На адным з заводаў холдынгу «Пінскдрэў» рабочыя масава выходзяць з афіцыйнага прафсаюзу. Такім чынам яны пратэстуюць супраць нізкіх заробкаў. Адміністрацыя пакуль рэагуе стрымана.

20.07.2012 КДБ паставіў на прафіляктычны ўлік Андрэя Бандарэнку

Праваабаронца Андрэй Бандарэнка, дырэктар інфармацыйна-асьветніцкай установы «Плятформа», быў дастаўлены 19 ліпеня ў КДБ. Там яму паведамілі, што ён пастаўлены на прафіляктычны ўлік.

20.07.2012 20 ліпеня – працяг разгляду скаргаў невыязных праваабаронцаў

Суд Цэнтральнага раёна 20 ліпеня працягвае разгляд скаргаў старшыні Беларускага Хельсінскага камітэта Алега Гулака (пачатак у 10 гадзін) і намесьніка старшыні Праваабарончага цэнтру “Вясна” Валянціна Стэфановіча (пачатак у 12-00) на дзеянні Мінюста і МУС на ўнясеньне іх прозвішчаў па надуманых падставах у банк дадзеных аб грамадзянах РБ, права якіх на выезд з Рэспублікі Беларусь часова абмежавана.

20.07.2012 Ігар Казмерчак : "Тлумачэнне ў мяне толькі адно - выбары прыйшлі" (відэа)

17 ліпеня каля 12-ці гадзін на кватэру да бацькоў рэдактара сайту рэгіянальнага аршанскага сайту orsha.eu прыйшлі супрацоўнікі аддзелу па барацьбе з распаўсюдам наркотыкаў, парнаграфіі і гандлем людзьмі. Па пастанове пракурора яны праводзілі агляд кватэры, дзе знаходзіўся ў гэты час Ігар Казмерчак