Праваабарончы цэнтр «ВЯСНА»

Навіны за 3 ліпеня 2012

03.07.2012 Інваліды не маюць доступу да выбарчых участкаў

Сяргей Драздоўскі: "Арганізатары нават не задумваюцца пра тое, як інвалід будзе трапляць на выбарчы ўчастак. У такім выпадку, можна ставіць пытанне: ці лігітымныя такія выбары? Выходзіць, што частка грамадзянаў пазбаўленая права прагаласаваць на сваім выбарчым участку".

03.07.2012 Слуцкая раёнка перадрукоўвае навіны пра выбарчую кампанію з БЕЛТА

Новая рэдактарка слуцкай раёнкі Валянціна Ражанец прытрымліваецца палітыкі свайго папярэдніка. Пасля абвяшчэння даты парламенцкіх выбараў у газеце не асвятляецца выбарчая кампанія.

03.07.2012 Случчына вызначаецца з прэтэндэнтамі ў кандыдаты

Прадстаўнік грамадзянскай кампаніі “Гавары праўду” 39-гадовы Аляксандр Солап выказаў намер ўдзельнічаць ў парламенцкіх выбарах. Ён некалькі гадоў займаўся бізнесам - гандляваў на слуцкім рынку, пакуль не ўзніклі праблемы з кантралюючымі органамі.

03.07.2012 У Пінску на 3-га ліпеня дэпутатцы Палаты прадстаўнікоў даверылі прадстаўляць уладу

Дэпутатка Палаты Прадстаўнікоў Нацыянальнага сходу Зінаіда Мандроўская выступіла з прамовай на мітынгу перад ускладаннем вянкоў да вечнага агню. Яна была адзіным выступоўцам ад уладаў на мітынгу. Звычайна на такіх урачыстасцях слова бяруць і прадстаўнікі Пінскага гарвыканкаму.

03.07.2012 Раёнкі Міншчыны – пра пачатак выбарчай кампаніі

Пакуль толькі лічаныя раённыя СМІ Міншчыны звярнулі ўвагу на пачатак выбарчай кампаніі. Сярод іх - “Маладзечанская газета” і “Пухавіцкія навіны”, дзе з’явілася даволі падрабязная інфармацыя.

03.07.2012 Выбаршчыкі ўстрывожаныя знікненнем Бярозаўскай выбарчай акругі

На сёлетніх парламенцкіх выбарах не будзе Бярозаўскай выбарчай акругі - упершыню за ўсю гісторыю выбарчых кампаній. Адна яе частка адышла да Пружанскай акругі, другая - да Івацэвіцкай. І гэта нягледзячы на тое, што ў Бярозаўскім раёне пражывае амаль 67 тысяч насельніцтва, а ў Пружанскім і Івацэвіцкім – 52 і 57 тысяч адпаведна.

03.07.2012 Дзяржвыданне выключыла выбаршчыкаў з выбарчага працэсу

“Дык колькі ж прадстаўнікоў апазіцыйных палітычных партый увойдзе ў будучы склад ніжняй палаты беларускага парламента? Адказ могуць даць толькі самі дэмакраты. Дзяржава прадаставіла ім максімальна шырокі калідор для далейшых дзеянняў”

03.07.2012 У Баранавічах забаронены мітынг аб несапраўдных выбарах

Прадпрымальнік і грамадскі актывіст Мікалай Чарнавус атрымаў ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што гарвыканкам не дае згоды на правядзенне рэспубліканскага мітынга 9 ліпеня.

03.07.2012 За кантакты зь Бяляцкім іншых вязьняў саджаюць у ШЫЗА

Пра гэта інфармацыйна-асьветніцкай установе «Плятформа» паведаміў адзін з былых вязьняў калёніі у Бабруйску.

03.07.2012 Акцыя ў падтрымку беларускіх праваабаронцаў у Берліне

Берлінскае аддзяленьне праваабарончай арганізацыі Amnesty International 19 чэрвеня правяло пікет у падтрымку беларускіх праваабаронцаў і прадстаўнікоў апазіцыі.