Праваабарончы цэнтр «ВЯСНА»

Навіны за 20 ліпеня 2012

20.07.2012 З базы дадзеных невыязных праваабаронцаў прыбралі, скаргі – не задаволілі

Суд Цэнтральнага раёна Менска 20 ліпеня разгледзеў скаргі дырэктара інфармацыйна-асветніцкай установы «Платформа» Андрэя Бандарэнкі і намесьніка старшыні Праваабарончага цэнтру “Вясна” Валянціна Стэфановіча на дзеянні Міністэрства абароны і Міністрэства унутраных спраў на ўнясеньне іх прозвішчаў па надуманых падставах у банк дадзеных аб грамадзянах РБ, права якіх на выезд з Рэспублікі Беларусь часова абмежавана.

20.07.2012 Следчы камітэт пакрывае міліцыянтаў-катаў?

Бацькі затрыманага па падазрэнні ў крадзяжы Паўла Плаксы, які зараз знаходзіцца ў Жодзінскім СІЗА, атрымалі адказ на свае шматлікія скаргі па фактах катаванняў іх сына супрацоўнікамі Ленінскага РУУС Менска. Следчы камітэт адмовіў ва ўзбуджэнні крымінальнай справы.

20.07.2012 У Вялікай Бераставіцы АВК не дае назіральнікам інфармацыі

Акруговая выбарчая камісія Мастоўскай выбарчай акругі № 56, якая тэрытарыяльна месціцца ў Вялікай Бераставіцы, не прадстаўляе ніякай інфармацыі незалежным назіральнікам Алегу Рамашкевічу, які зарэгістраваны накіраваннем БХК, і Віктару Дзесяціку, які рэгістраваўся шляхам збору подпісаў.

20.07.2012 За фота мядзьведзікаў затрымалі 16-гадовую з Івянца?

У сеціве зьявілася інфармацыя пра затрыманьне 16-гадовай Каці Скурат з Івянца, якая нібыта зрабіла і даслала Антону Сурапіну фатаздымкі швэдзкага «мядзьведжага дэсанту».

20.07.2012 Для Антона Сурапіна прынялі перадачу

Тыдзень таму на сваёй кватэры быў затрыманы фатограф-пачатковец Антон Сурапін, які зьмясьціў у сябе на сайце фота швэдзкіх плюшавых мядзьведзікаў з заклікамі да свабоды слова. Антона Сурапіна дагэтуль трымаюць у СІЗА КДБ і не тлумачаць, калі ён можа выйсьці на волю.

20.07.2012 “Собеседник”: Спявачку Ларын забароняць у Беларусі?

“Акрамя свайго выступу на цырымоніі адкрыцця фестывалю, зорка запомнілася сваім смелым і нечаканым выпадам супраць існуючага ў краіне палітычнага ладу, які называюць "апошняй дыктатурай Еўропы”, - піша расійскае выданне Собеседник.ru. “Я прыехала, каб выказаць сваё меркаванне, таму што я свабодны чалавек”, - каментуе свой учынак Ларын.

20.07.2012 Стратэгіі партый розныя, але з выбаршчыкамі настроены працаваць усе

Вадзім Саранчукоў (Партыя БНФ) падаў дакументы на рэгістрацыю ініцыятыўных груп адразу ў чатырох выбарчых акругах, каб мець магчымасць ставіць пікеты па ўсім горадзе. Партыя «Справядлівы свет» для правядзення пікетаў у гарадах Беларусі падала дакументы на рэгістрацыю 28 ініцыятыўных груп сваіх актывістаў.

20.07.2012 "Голас Сенненшчыны" піярыць патэнцыйнага праўладнага кандыдата

Тэмай публікацыі стала вылучэнне на кандыдата ў дэпутаты парламенту Аляксандра Папкова, які ўжо з'яўляецца дэпутатам прадстаўнікоў Нацыянальнага сходу. Паводле артыкула "Вылучаны кандыдат у дэпутаты па Сенненскай выбарчай акрузе", дзейнага дэпутата вылучыў калектыў ДЛГУ «Багушэўскі лясгас».

20.07.2012 Беларускія праваабаронцы звярнуліся да спецдакладчыка ААН наконт затрыманняў калег

Цэнтр прававой трансфармацыі (Lawtrend) накіраваў 20 ліпеня 2012 года зварот спецдакладчыку ААН па праваабаронцах Маргарэт Секаджыя (Margaret Sekaggya).

20.07.2012 «Гомельскія ведамасці» прапануюць будучым кандыдатам палову старонкі за 3 мільёны

Платныя матэрыялы (перадвыбарчая праграма (паўторная публікацыя) будуць размешчаны на шостай старонцы газеты ў чорна-белым выкананні. Кандыдатам могуць прадставіць для агітацыі палову старонкі. Кошт друкаванай плошчы – 3 мільёны (6 тысяч за 1 квадратны сантыметр з ПДК).

20.07.2012 Маладэчна: у камісіі назіральнікаў называюць “надзірацелямі”

Маладэчанскі праваабаронца Эдуард Баланчук, які зарэгістраваны назіральнікам ад БХК па Маладэчанскай гарадской выбарчай акрузе, распавёў, што адразу пасля публікацыяў у незалежных СМІ аб праблемах, якія ўзніклі ў яго ў акруговай камісіі, сітуацыя кардынальна змянілася.

20.07.2012 Аляксей Гаўруцікаў: "Групы Статкевіча не рэгіструюць, блытаючыся ў законах" (дапоўнена)

"Зняволены не можа балатавацца, гэта так. Але ініцыятыўная група па зборы подпісаў – гэта іншае, гэта ж яшчэ не вылучэнне Статкевіча ў кандыдаты", - віцебскі прыхільнік палітвязня мусіў тлумачыць акруговай камісіі, што яна дэманструе няведанне Выбарчага кодэксу, калі адмаўляецца рэгістраваць ініцыятыўную групу Мікалая Статкевіча.

20.07.2012 Мікола Уласевіч праз суд патрабуе вяртання забраных на мяжы рэчаў

Яшчэ 10 красавіка бягучага году на мяжы ў пункце пропуску “Катлоўка” ягоны аўтамабіль быў пастаўлены ў адмысловы бокс на агляд. У выніку больш чым трохгадзіннага ператрусу былі забраныя асабістыя рэчы і матэрыялы, якія не вяртаюць дагэтуль.

20.07.2012 Магілёў: сябра камісіі выкінула дакументы на рэгістрацыю ініцыятыўнай групы палітвязня Статкевіча

У Магілёве дзяжурныя сябры акруговай выбарчай камісіі №87 адмовіліся прымаць дакументы на рэгістрацыю ініцыятыўнай групы палітзняволенага Мікалая Статкевіча - проста выкінулі іх у сметніцу, хоць паводле закону мусілі прыняць і зарэгістраваць для далейшага разгляду на паседжанні камісіі.

20.07.2012 Бялыніцкія актывісты дасылаюць палітвязням віншаванні да Дня незалежнасці

“Зараз у сувязі з гэтай перадвыбарчай мітуснёй праблема палітвязняў неяк адышла на другі план нават у дэмакратычным асяродку, - кажа бялыніцкі журналіст Барыс Вырвіч.- Між тым гэта праблема па-ранейшаму застаецца нявырашанай і аб ёй нельга забывацца ні ў якім выпадку".