Праваабарончы цэнтр «ВЯСНА»

Навіны за Сакавік 2012

25.03.2012 Як адзначалі 25 Сакавіка ў рэгіёнах (фота)

Актывісты Слоніма Дзень Волі правялі пад “аховай”, а ў Гародні не абыйшлося без затрыманняў. Пад пільным наглядам міліцыі і невядомых у цывільным прайшоў і Народны сход у Гомелі. А пад Магілёвам залунаў велізарны бел-чырвона-белы сцяг.

25.03.2012 Сяргея Каваленку могуць прызнаць вязнем сумлення

Пра гэта "Белсату" паведаміў праваабаронца Валянцін Стэфановіч. Адпаведную інфармацыю пра акалічнасці зняволення Сяргея Каваленкі праваабаронцы перадалі ў міжнародныя арганізацыі. „Задача праваабарончых арганізацыяў у тым, каб гэтая справа была вядомая ў міжнародных структурах, у тым ліку трэба прыцягваць увагу міжнародных праваабарончых арганізацыяў”, – распавёў праваабаронца.

25.03.2012 Затрымалі наваполацкіх актывістаў

Наваполацкіх актывістаў Віктара Калесніка і Вячаслава Бойка, якія раніцай 25 сакавіка накіроўваліся ў Мінск на машыне на дазволенае ўладамі святкаванне Дня Волі, міліцыя затрымала пад Полацкам.

25.03.2012 Дзень Волі-2012

25 сакавіка ў Мінску і рэгіёнах прайшлі акцыі з нагоды ўгодкаў абвяшчэння Беларускай Народнай Рэспублікі.

25.03.2012 Эўразьвяз апублікаваў новы «чорны сьпіс»

Афіцыйнае выданьне Эўразьвязу апублікавала дадатак да сьпісу беларускіх чыноўнікаў і кампаніяў, супраць якіх дзейнічаюць санкцыі ЭЗ.

25.03.2012 У Гародні затрымалі траіх маладафронтаўцаў

У Гародні 24 красавіка затрымалі траіх маладафронтаўцаў. Пра гэта паведаміла Натальля Турэйка. «Забралі пры расклейцы ўлётак, склалі пратакол на траіх чалавек — "хуліганка",» — распавяла дзяўчына

25.03.2012 Актывіста выклікаюць у пракуратуру 25 сакавіка

У Дзень Волі капыльскі актывіст аргкамітэту па стварэньні партыі «Беларуская Хрысьціянская Дэмакратыя» Віктар Дашкевіч павінен зьявіцца ў пракуратуру.

25.03.2012 "Мы пакінем след" (відэа)

Валярына Кустава чытае свой верш САЦ'ЯГРАХА*(канцэпцыя негвалтоўнага супраціву). Сац'яграха - санскрыт.: упартасць у ісціне; у Індыі -- канцэпцыя негвалтоўнай барацьбы.

25.03.2012 25 сакавіка - святая дата для беларусаў (відэа)

У гэты дзень у 1918 годзе была абвешчана Беларуская Народная Рэспубліка - вольная і незалежная дзяржава. Афіцыйна беларускія ўлады не прызнаюць гэтую дату, але прадстаўнікі дэмакратычнай грамадскасці штогод святкуюць яе як Дзень Волі.

24.03.2012 Двое актывістаў-анархістаў асуджаныя на суткі

Як стала вядома, яшчэ 23 сакавіка суд пакараў двух прадстаўнікоў моладзевага анархічнага руху Бугаёва Аляксандра і Осімава Віталя адміністрацыйным арыштам на 5 сутак і 3 сутак адпаведна.

24.03.2012 Кастусь Жукоўскі вывесіў у цэнтры Гомеля нацыянальны сцяг

Актывіст кааліцыі «Наша альтэрнатыва» Кастусь Жукоўскі пачаў святкаванне Дня Волі вывешваннем бела-чырвона-белага сцяга над сваім домам у цэнтры Гомеля. Такім чынам ён адзначае гадавіну абвяшчэння БНР. Мінакі здзіўлена ўглядаюцца на дах дома, убачыўшы такі «разгул дэмакратыі», і здымаюць нацыянальны сцяг на мабільныя тэлефоны.

24.03.2012 Невядомыя збілі грамадскага актывіста Ігара Случака

У Гомелі ноччу 24 сакавіка невядомыя збілі грамадскага актывіста, каардынатара кампаніі «Справаводства па-беларуску!», студэнта Тартускага універсітэта Ігара Случака. Малады чалавек вяртаўся дахаты ад сяброў, і непадалёк ад дому на яго раптоўна ззаду напалі невядомыя.

24.03.2012 Горкі: гараджан павіншавалі з надыходзячым Днём Волі

“Некаторыя казалі - Жыве Беларусь! Раз-пораз некаторыя адказвалі па-беларуску, а некаторыя перапытвалі, што гэта за свята. Мы адказвалі, што гэта свята было і яшчэ будзе дзём незалежнасці еўрапейскай Беларусі”, - распавядае грамадскі актывіст Андрэй Юркоў.

24.03.2012 Бабруйчаніна Станіслава Кавалеўскага папярэдзілі пра адказнасць за ўдзел у мітынгах

Напярэдадні, 22 сакавіка, на бабруйскай сядзібе АГП адбылася вечарына, прысвечаная чарговай гадавіне ўтварэння Беларускай Народнай Рэспублікі, дзе Станіслаў Кавалеўскі выступаў з дакладам пра ролю Бабруйска і бабруйцаў у гэтым гістарычным працэсе.

24.03.2012 За бел-чырвона-белы сцяг звольнены супрацоўнік аховы

У Оршы за бел-чырвона-белы сцяг, вывешаны актывістамі БХД, звольнены супрацоўнік пазаведамственнай аховы. Дырэктар “Аршанскіх электрасетак” Міхаіл Лук’янёнак абвінаваціў яго ў тым, што той дапусціў такое падчас сваёй змены.