Праваабарончы цэнтр «ВЯСНА»

Навіны за Травень 2010

17.05.2010 Суды над удзельнікамі гей-прайду

У Менску 17 траўня пройдуць суды над удзельнікамі несанкцыянаванага гей-шэсьця, якое адбылося ў суботу на вуліцы Сурганава. Затрыманыя ўдзельнікі шэсьця былі дастаўленыя спачатку ў Першамайскі РУУС, а далей у турму на Акрэсьціна.

14.05.2010 За нацыянальную сымболіку штрафуюць і садзяць умоўна

Актывісты «Маладога фронту» Уладзь Яроменак і Юльян Місюкевіч на судзе не хавалі, што вывесілі бел-чырвона-белыя сьцягі на праспэкце Незалежнасьці, каб «прыцягнуць увагу да ганебнага рэфэрэндуму, які замест нацыянальнай дзяржаўнай сымболікі ўвёў камуністычную».

14.05.2010 Вынесены прысуд Сяргею Каваленку

У Кастрычніцкім судзе Віцебску сёньня вынесены прысуд сябру КХП БНФ Сяргею Каваленку, які 7 студзеня вывесіў бел-чырвона-белы сьцяг на галоўнай гарадзкой навагодняй ёлцы ў Віцебску. Дзяржабвінаваўца Зміцер Рудакоў запрасіў учора для Сяргея Каваленкі тры гады “хіміі”. Суддзя абвясціў прысуд: тры гады абмежаваньня волі без накіраваньня ў папраўчую ўстанову адкрытага тыпу.

14.05.2010 У Наваградку “шукалі” зялёную фарбу

Учора наваградскія міліцыянты намагаліся здзейсьніць шэраг ператрусаў у кватэрах мясцовых актывістаў. Пратэстанцкаму пастару Уладзімеру Качагуру яны патлумачылі, што расшукваюць зялёную фарбу, якой нібыта невядомыя папсавалі аўтамабіль.

14.05.2010 Міколу Дземідзенку затрымалі за шпацыр па Кастрычніцкай

Вечарам, 13 траўня, спэцназаўцы затрымалі намесьніка старшыні «Маладога фронту» Міколу Дземідзенку на Кастрычніцкай плошчы ў Менску.

13.05.2010 Пракуратура папярэдзіла прадпрымальніка за «неаб’ектыўныя каментары ў СМІ»

Віктар Чайкоўскі, кіраўнік Брэсцкага адзялення рэспубліканскага грамадскага аб’яднання прадпрымальнікаў «Перспектыва», сёння атрымаў афіцыйнае папярэджанне ад Брэсцкай пракуратуры. Спадар Чайкоўскі агучыў яго для Еўрарадыё:

13.05.2010 Пераслед Саюза палякаў працягваецца

Перакваліфікаванне артыкула крымінальнай справы, па якім абвінавачваецца былая кіраўнічка Дома польскага ў Івянцы Тэрэса Собаль, з’яўляецца працягам пераследу непрызнаванага ўладамі Саюза палякаў у Беларусі на чале з Анжалікай Борыс – такой думкі прытрымліваецца кіраўніцтва арганізацыі.

13.05.2010 Алесь Бяляцкі: Наш альтэрнатыўны даклад паўплываў на рэкамендацыі, вынесеныя беларускім уладам

Старшыня ПЦ “Вясна” , віцэ-прэзідэнт Міжнароднай Федэрацыі правоў чалавека Алесь Бяляцкі пракаментаваў абмеркаванне справаздачы беларускага ўраду ў межах працэдуры Універсальнага перыядычнага агляду ў Савеце па правах чалавека ААН. 12 траўня ў Жэневе праваабаронца прысутнічаў на абмеркаванні ў ліку прадстаўнікоў беларускіх няўрадавых арганізацыяў, якія падрыхтавалі альтэрнатыўны даклад пра выкананне Рэспублікай Беларусь яе міжнародных абавязацельстваў у галіне правоў чалавека.

13.05.2010 З «Бобруйским курьером» у гарвыканкаме па-ранейшаму не сябруюць

Як стала вядома супрацоўнікам недзяржаўнай газеты «Бобруйский курьер» з публікацый у мясцовай прэсе, напярэдадні Дня друку і Дня работнікаў радыё, тэлебачання і сувязі ў Бабруйскі гарвыканкам запрасілі прадстаўнікоў усіх мясцовых СМІ. Акрамя аднаго з найстарэйшых выданняў вобласці — газеты «Бобруйский курьер» (заснаваная ў 1914 годзе).

13.05.2010 Улады думаюць пра скасаваньне артыкула 1931... вельмі доўга!

Міністэрства юстыцыі ў чарговы раз пацьвярджае намер уладаў аб скасаваньні артыкула Крымінальнага кодэксу 1931, які прадугледжвае адказнасьць за ўдзел у незарэгістраванай арганізацыі. Пра гэта сталася вядома непасрэдна з афіцыйнага дакумэнта Мінюста.

13.05.2010 Беларускія НДА абмеркавалі з міжнароднай грамадскасцю сітуацыю з правамі чалавека ў Беларусі

Прадстаўнікі няўрадавых аб’яднанняў Беларусі правялі 12 траўня ў Жэневе некалькі мерапрыемстваў з нагоды справаздачы беларускага ўраду у межах працэдуры Універсальнага перыядычнага агляду ў Савеце па правах чалавека ААН.

13.05.2010 У Гомелі праходзяць суды над прызыўнікамі

12 траўня ў Цэнтральным судзе Гомелю адноўлены разгляд дзьвюх крымінальных спраў супраць верніка грамады «Сьведкі Еговы» Дзьмітрыя Смыка й актывіста стваранай партыі «Беларуская хрысьціянская дэмакратыя» Яўгена Якавенкі. Абодва яны абвінавачваюцца ва ўхіленьні ад вайсковай службы.

13.05.2010 Швэдзкіх пісьменьнікаў пускаюць не ўва ўсе беларускія гарады

Вечарынай у студэнцкім тэатры Беларускай акадэміі мастацтва распачынаюцца 13 траўня швэдзка-беларускія літаратурныя чытаньні. Апрача Менску, іх праграма сягае яшчэ Салігорску і Пінску. Але ня ўсюды, дзе хацелі, арганізатары знайшлі паразуменьне з уладамі.

12.05.2010 Грамадзкія актывісты не далі ўрадавай дэлегацыі схаваць праблему рэпрэсіўнага заканадаўства ў Беларусі

Сёньня, 12 красавіка, у Радзе па правах чалавека ААН (Жэнэва), адбылося абмеркаваньне праблемы рэпрэсіўнага артыкулу 193.1, арганізаванае Асамблеяй НДА Беларусі ў супрацы з міжнародным альянсам CIVICUS ды Міжнароднай фэдэрацыяй правоў чалавека (FIDH). Падзея прымеркаваная да разгляду справаздачы ўраду Рэспублікі Беларусь пра становішча з правамі чалавека ў краіне ў рамках Ўнівэрсальнага пэрыядычнага агляду (Universal periodic review) - новага мэханізму ААН дзеля абароны правоў чалавека.

12.05.2010 Праваабарончы цэнтр “Вясна” віншуе Тамару Чыкунову з узнагародай!

Праваабаронца Тамара Чыкунова, старшыня узбекскай арганізацыі “Маці супраць смяротнага пакарання і катаванняў”, узнагароджана Ордэнам Ганаровага Легіёну (Légion d’honneur) за актыўнае змаганне супраць смяротнага пакарання.