Праваабарончы цэнтр «ВЯСНА»

Навіны за Жнівень 2009

11.08.2009 У Берасці прайшла акцыя супраць смяротнага пакарання ў Беларусі (фота)

10 жніўня ў Берасці сябры Маладога Фронту правялі акцыю па адмене смяротнага пакарання ў краіне. На адной з галоўных вуліц гораду, Савецкай, моладзь раздавала мінакам капэрт-улёткі ўплывовай праваабарончай арганізацыі Amnеsty International. Ва ўлётках змешчаны зварот да прэзідэнта А.Лукашэнкі і ўраду Беларусі.

11.08.2009 У Гомелі судзяць старшыню рэлігійнай суполкі

Сёньня ў судзе Чыгуначнага раёну Гомеля распачаўся разгляд адміністрацыйнай справы супраць Юрыя Рашэтнікава — старшыні рэлігійнай суполкі Сьведкі Іеговы. Яго абвінавачваюць у “арганізацыі рэлігійнага масавага мерапрыемства” з парушэньнем устаноўленага парадку.

11.08.2009 КДБ не хоча тлумачыць Яну Роману прычыну папярэджання

Кіраўнік Упраўленння КДБ па Гарадзенскай вобласці Ігар Сяргеенка адмаўляецца тлумачыць прычыны вынясення афіцыйнага папярэджання журналісту Радыё Рацыя Яну Роману, а дзеянні сваіх падначаленых лічыць законнымі.

11.08.2009 Гомельскага актывіста апазіцыі Андруся Цянюту нарад міліцыі даставіў у ваенкамат

Як паведаміў 10 жніўня Андрусь Цянюта, супрацоўнікі міліцыі затрымалі яго ў двары дома, пасадзілі ў аўтамабіль і павезлі ў ваенкамат. Паводле слоў Цянюты, праваахоўнікі растлумачылі свае дзеянні тым, што ён павінен прайсці медкамісію для тэрміновай службы.

11.08.2009 Сьледзтва ў справе Аўтуховіча плянуюць завяршыць да 8 кастрычніка

Мікалаю Аўтуховічу, Уладзімеру Асіпенку і Юрыю Лявонаву падоўжылі тэрмін сьледзтва яшчэ на два месяцы.

10.08.2009 Сёння Вярхоўны Суд разглядае скаргу заснавальнікаў “Нашай Вясны”

Вярхоўны суд Беларусі 10 жніўня разгладае скаргу заснавальнікаў Грамадскага праваабарончага аб’яднання “Наша Вясна” на адмову Міністэрства юстыцыі ў дзяржаўнай рэгістрацыі аб’ядняння. Судовае паседжанне пачалося а 10-ай раніцы.

10.08.2009 Адноўленая крымінальная справа па факце выкраданьня маладафронтаўцаў

Намесьнік Старшыні Маладога Фронту, Наста Палажанка, атрымала пастанову Упраўленьня ўнутраных справаў адміністрацыі Фрунзэнскага раёну Менска аб аднаўленьні крымінальнае справы па факце выкраданьня актывістаў Маладога Фронту ў сувязі са зьяўленьнем новых доказаў.

10.08.2009 У Беларусі спрасцілі працэдуры рэгістрацыі партый і аб'яднанняў

Цяпер пры рэгістрацыі партыям і аб’яднанням не спатрэбіцца самастойна станавіцца на ўлік у падаткавікоў, органах статыстыкі, Фондзе сацабароны і страхаўшчыкоў.

10.08.2009 Мікола Чарнавус папярэджаны за дабрачынныя абеды

Мікола Чарнавус атрымаў папярэджанне ад санітарна-гігіенічнай службы г. Баранавічы за правядзенне дабрачынных абедаў на рынку.

10.08.2009 Ваўкавыскі прадпрымальнік Юрый Лявонаў вызвалены

Дадому Юры Лявонаў вярнуўся 8 жніўня прыкладна ў 16.30, паведаміла БелаПАН яго дачка Юлія. Мікалай Аўтуховіч і Уладзімір Асіпенка застаюцца ў мінскім СІЗА № 1.

07.08.2009 Леанід Свецік – супраць дыскрымінацыі грамадзянаў у працоўнай сферы

Праваабаронца з Віцебска Леанід Свецік, нядаўна прызнаны вінаватым ў абсурднай крымінальнай справе, у чарговы раз пацвердзіў сваё прызванне адстойваць правы людзей. Ён ініцыяваў унясенне зменаў у працоўнае заканадаўства з мэтай спынення дыскрымінацыі грамадзянаў краіны. Канстытуцыйны Суд разгледзеў зварот праваабаронцы і пряняў рашэнне, у якім рэкамендуе ўнесці змены ў Працоўны кодэкс і Закон “Аб занятасці насельніцтва Рэспублікі Беларусь”. Калегі-праваабаронцы назвалі вынікі намаганняў Л. Свеціка без перабольшвання ўнікальным дасягненнем.

07.08.2009 Скаргу Дубскага разгледзяць 20 жніўня

20 жніўня ў Магілёўскім абласным судзе адбудзецца разгляд касацыйнай скаргі на прысуд Арцёму Дубскаму. Днямі Арцём пагражаў новай галадоўкай. Адміністрацыя калёніі прымушала яго расьпісацца ў тым, што ён азнаёміўся з пратаколамі судовай справы. Аднак дакумэнтаў яму не паказвалі.

07.08.2009 Штраф за графіці "Не пастанове №991!" – паўтара мільёна

За графіці "Не пастанове №991!!" і "Урад у адстаўку!" маладафронтавец Алег Валатоўскі аштрафаваны судом Маскоўскага раёну на 30 базавых велічыняў. У дадатак да гэтага маладафронтавец павінен сплаціць 500 тысячаў кампэнсацыі прадпрыемсту ЖКХ "Партызанская".