Праваабарончы цэнтр «ВЯСНА»

Навіны за Жнівень 2009

20.08.2009 Пракуратура спыніла крымінальную справу па артыкуле 193-1 супраць Яўгена Волкава

20 жніўня Яўген Волкаў паведаміў, што Пракуратура горада Менска спыніла крымінальную справу супраць яго, узбуджаную па артыкуле193-1. У чэрвені гэтага года маладога чалавека абвінавацілі ў дзейнасці ад імя незарэгістраванага “Руху яднання” (Царква Муна). Справа Яўгена Волкава стала першай крымінальнай справай, узбуджанай супраць прадстаўнікоў незарэгістраваных рэлігійных арганізацыяў ад моманту ўступлення у дзеянне артыкула 193-1 у 2006 годзе.

20.08.2009 Пастары Беларусі звярнуліся да прэзідэнта з нагоды парушэння правоў вернікаў

20 жніўня 50 пастараў евангельскіх цэркваў Беларусі падпісалі зварот да прэзідэнта краіны Аляксандра Лукашэнка. У лісце паднімаюцца актуальныя пытанні парушэння правоў чалавека службоўцамі, якія абавязаны ўдзельнічаць у забеспячэнні выканання заканадаўства ў галіне свабоды сумлення, але "на практыцы ажыццяўляюць рэпрэсіўную палітыку датычна евангельскіх цэркваў".

20.08.2009 Бацькi павiнны пакрываць выдаткi дзяржаве, якая ўтрымлiвае iх дзяцей

Намеснiк загадчыка першай Мiнскай гарадской дзяржаўнай натарыяльнай канторы Веранiка Лiтвiнка патлумачыла чытачам "Звязды" некаторыя нормы пры выкананні Дэкрэту прэзідэнта № 18

20.08.2009 Беларусаў заклікаюць адзначыць Еўрапейскі дзень ахвяраў таталітарных рэжымаў

Грамадскія дзеячы заклікалі беларусаў адзначыць Еўрапейскі дзень ахвяраў таталітарных рэжымаў, які на рашэнне Парламенцкай асамблеі АБСЕ спраўляецца 23 жніўня. Шэраг грамадскіх арганізацый, сярод якіх Рух “За Свабоду”, Беларускае добраахвотнае таварыства аховы помнікаў гісторыі і культуры, Саюз палякаў Беларусі, Беларускае Шуманаўскае Таварыства, аргкамітэтэт па стварэнні Руху “Разам” адзначаць гэты дзень жалобнай выправай у мемарыяльны комплекс “Катынь”- месца, дзе палеглі 15 тысяч ахвяраў савецкага рэжыму розных нацыянальнасцяў – палякаў, беларусаў, рускіх, украінцаў.

20.08.2009 Менгарвыканам супраць пікету ў абарону жывёлаў

Улады Менску трэцім разам забаранілі правесьці пікет у абарону валачашчых жывёлаў.

20.08.2009 Суд не задаволіў скаргу Арцёма Дубскага

Судовага калегія Магілёўскага абласнога суду сёньня адмовілася задаволіць касацыйную скаргу Арцёма Дубскага на прысуд і зьмяніць яму меру пакараньня.

20.08.2009 Судовая і следчая сістэмы Беларусі не адпавядаюць нормам грамадзянскага права і прынцыпам дэмакратыі

Сёння судовая і следчая сістэмы Беларусі не адпавядаюць нормам грамадзянскага права і прынцыпам дэмакратыі. Пра гэта 19 жніўня падчас прэс-канферэнцыі заявіў адзін з фігурантаў справы ваўкавыскіх прадпрымальнікаў Юрый Лявонаў.

19.08.2009 Нацыянальны сьцяг як чырвоны колер для быкоў

Улады Смалявічаў вядуць барацьбу з нацыянальным бел-чырвона-белым сьцягам, які вывесіў на прыватным доме Андрэй Кашэўскі.

19.08.2009 Р. Васілевіч пра смяротнае пакаранне: Сурова, але справядліва

Суровымі, але справядлівымі лічыць генеральны пракурор Рыгор Васілевіч вынесеныя сёлета беларускімі судамі два смяротныя прыгаворы. Пра гэта ён заявіў у гутарцы з журналістамі 19 жніўня.

19.08.2009 Наста Палажанка не зрабіла нічога супрацьпраўнага

Адміністрацыйная справа, заведзеная на Насту Палажанку па факце распаўсюджаньня буклетаў на нацыянальную тэматыку, спыненая.

18.08.2009 Be Free яднае ідэяй свабоды творчасці і самавыражэння

Міжнародны фестываль Be Free пройдзе ў Чарнігаве (Украіна) 22-23 жніўня. Мэта фестываля - аб'яднаць лепшыя рок-праекты і публіку суседніх краінаў ідэяй свабоды творчасці і самавыражэння, а таксама прыцягнуць увагу да сучаснай рок-сцэны Беларусі.

18.08.2009 Леанід Свецік абскардзіць прысуд Віцебскага абласнога суду

Судовая калегія па крымінальных справах Вярхоўнага суда Рэспублікі Беларусь прызначыла дату разгляду касацыйных скаргаў віцебскага праваабаронцы Леаніда Свеціка і ягонага адваката Паўла Сапелкі на прысуд Віцебскага абласнога суду.

18.08.2009 Чаму беларускі незалежны журналіст ня можа сказаць усю праўду?

Ёсьць некалькі повадаў, але самацэнзура й ахова крыніцы інфармацыі наймацнейшыя сярод усіх. Гэтыя чыньнікі яшчэ больш узмацняюцца ў сыстэмах, дзе ўлада кантралюе СМІ.

18.08.2009 Гары Паганяйла: «Справы аб знікненні беларускіх палітыкаў раскрыты на юрыдычным узроўні...»

17 жніўня сваякі зніклых беларускіх палітыкаў і незалежныя юрысты, якія працуюць па гэтых справах, склікалі спецыяльную прэс-канферэнцыю. Справа ў тым, што сёлета — своеасаблівы “юбілей ганьбы” беларускай праваахоўнай сістэмы: дзесяць год, як у краіне зніклі вядомыя людзі, але злачынствы так і не раскрыты.

18.08.2009 Забаронены пікет у абарону сацыяльных правоў грамадзянаў

Менскія ўлады забаранілі пікет у абарону сацыяльных правоў грамадзянаў ва ўмовах эканамічнага крызісу. Яго планавалася правесці ў аўторак на плошчы Якуба Коласа.