07.07.2009 Ангелу Мэркель просяць знайсьці забойцаў Захаранкі і Ганчара

Старшыня Аб'яднанай грамадзянскай партыі Анатоль Лябедзька зьвярнуўся да канцлера Нямеччыны Ангелы Мэркель. Ён просіць дапамагчы ў расьсьледаваньні зьнікненьняў сябраў партыі Юрыя Захаранкі і Віктара Ганчара.

07.07.2009 «Белсату» зноў не хапае для рэгістрацыі аднаго дакумента

Міністэрства замежных спраў Беларусі зноў не можа зарэгістраваць у краіне прадстаўніцтва спадарожнікавага тэлеканала «Белсат», спасылаючыся на адсутнасць аднаго дакумента.

07.07.2009 Спецслужбы вялі “Правы альянс” з Мінска да Крупак

Спроба зарэгістраванай у Мінску грамадскай арганізацыі “Правы альянс” па-свойму адзначыць гадавіну вызвалення сталіцы ад нямецка-фашысцкіх захопнікаў ператварылася ў дэтэктыўную гісторыю.

07.07.2009 У Кобрыне працаўніка звольнілі за тое, што не ўступіў у “Белую Русь”

Алесь Страчук, студэнт-завочнік і адначасова супрацоўнік аднаго з прадпрыемстваў Кобрына, застаўся без працы. Паводле яго слоў, прэтэнзій да яго не было да таго часу, пакуль ён не адмовіўся ўступіць у праўладную арганізацыю "Белая Русь".

07.07.2009 9 год таму ў Беларусі знік журналіст Зміцер Завадскі

7 ліпеня 2000 года аператар тэлеканала ОРТ Зміцер Завадскі знік пры нявысветленых акалічнасцях па дарозе ў аэрапорт «Мінск-2». З тых часоў аб лёсе журналіста нічога невядома.

07.07.2009 У Віцебску зьбіраюць подпісы ў абарону Леаніда Сьвеціка

Мясцовыя актывісты напісалі заяву ў абарону Леаніда Сьвеціка, якую мяркуюць перадаць у абласны суд, дзе праходзіць працэс над віцебскім праваабаронцам.

06.07.2009 Да кампаніі "Стоп 193.1" далучылася сетка Дамоў правоў чалавека

Міжнародная сетка Дамоў правоў чалавека распаўсюдзіла адмысловы зварот да беларускіх парламентарыяў, у якім выказана заклапочанасьць тым, што частка 1 артыкула 193 Крымінальнага Кодэкса Рэспублікі Беларусь прадугледжвае крымінальную адказнасць за ўдзел у незарэгістраванай грамадскай арганізацыі. Тэкст звароту:

06.07.2009 Amnesty International: "Абаронім права на жыццё! Не смяротнаму пакаранню ў Беларусі!"

3 ліпеня 2009 году актывісты Amnesty International правялі пікет перад пасольствам Рэспублікі Беларусь у Маскве. Удзельнікі акцыі заклікалі беларускія ўлады ў неадкладным парадку абвясціць мараторый на вынясенне і выкананне смяротных прысудаў у якасці першага кроку на шляху да поўнай адмены смяротнага пакарання.

06.07.2009 Мінскія ўлады забаранілі пікет у падтрымку бяздомных жывёл

Сталічныя ўлады не далі дазволу на правядзенне пікету ў падтрымку бяздомных жывёл. Акцыя была запланаваная на 10-11 ліпеня каля Пункта адлову і часовага ўтрымання сабак і катоў “Фаўна горада”, што знаходзіцца ў Мінску на вуліцы Гурскага. Сваё рашэнне Мінгарвыканкам патлумачыў неадпаведнасці заяўкі беларускім законам.

06.07.2009 Фінкевіч скардзіцца ў Міністэрства абароны

Лідэр незарэгістраванай арганізацыі “Маладая Беларусь” Артур Фінкевіч падае скаргу на дзеянні падпалкоўніка Аляксея Аляксандрава, намесніка кіраўніка 29-ай ракетнай часткі, дзе служыць Іван Шыла. Актывіст кажа, што вайсковец абразіў яго нацыянальную годнасць і безпадстаўна адмовіў у сустрэчы з Іванам Шылам.

06.07.2009 Міліцыя разагнала летнік “Правага альянсу”

Лягер быў арганізаваны непадалёк ад мястэчка Бобр Крупскага раёну.

02.07.2009 Будслаўскія затрыманьні (адноўлена)

У Будславе, дзе ў гэтыя дні праходзіць фэст у гонар Маці Божай Будслаўскай, сёння супрацоўнікі міліцыі затрымалі Паўла Севярынца, Паўла Батуева, Генадзя Фарыно, Дзяніса Лаеўскага. Усе яны знаходзяцца ў апорным пункце міліцыі. Прычына затрыманьня невядомая. Падрабязнасьці высвятляюцца.

13-40. Як паведаміў па тэлефоне Павал Севярынец, на гэты час у пастарунку засталіся толькі Генадзь Фарына і Дзяніс Лаеўскі. хутчэй за ўсё на актывістаў будуць складзеныя пратаколы аб адміністрацыйным правапарушэньні. Іх вінавацяць у распаўсюдзе незарэгістраванага выданьня "Крыніца"

02.07.2009 Вярхоўны суд падтрымаў рашэнне Мінюста пра нерэгістрацыю “Маладых дэмакратаў”

Вярхоўны суд падтрымаў пазіцыю Мінюста, палічыўшы дастатковай прычынай для адмовы ў рэгістрацыі арганізацыі наяўнасць абдруковак у адрасах заснавальнікаў.

02.07.2009 Справу аб экстрэмізме ў «ARCHE» спынілі

Суд Маскоўскага раёна Брэста 25 чэрвеня спыніў справу, распачатую па заяве абласнога ўпраўлення КДБ, аб прызнанні № 7–8 часопіса «ARCHE-Пачатак» экстрэмісцкім.

02.07.2009 Справа Леаніда Свеціка: судзьдзя Урбановіч адхіляе хадайніцтвы

1 ліпеня ў Віцебскім абласным судзе прайшло 12-е пасяджэньне па справе віцебскага праваабаронцы Леаніда Сьвеціка, якога судзяць паводле выстаўленага КДБ абвінавачаньня ў распальваньні міжнацыянальнай і рэлігійнай варожасьці.