Праваабарончы цэнтр «ВЯСНА»

Навіны за 1 ліпеня 2009

01.07.2009 Маніторынг выкананьня беларускімі ўладамі прапановаў эўрапейскіх структураў у сфэры нармалізацыі стану няўрадавых арганізацыяў і свабоды асацыяцыяў

Падрыхтавана Асамблеяй няўрадавых дэмакратычных арганізацыяў Беларусі. Пэрыяд маніторынгу: 25.03.2009 - 24.06.2009

01.07.2009 Смяротнае пакаранне на “круглым стале”

У рэдакцыі газеты “Советская Белоруссия” 30 чэрвеня адбыўся “круглы стол” па праблемах гуманізацыі пакаранняў і смяротнага пакарання ў тым ліку. У ім бралі ўдзел намеснік начальніка Дэпартамента выканання пакаранняў МУС Беларусі Віталь Стуканаў, праваслаўны святар Аляксандр, старшыня Беларускага Хельсінскага камітэта Алег Гулак. Старшыня Камісіі па заканадаўству і дзяржаўнаму будаўніцтву Палаты Прадстаўнікоў Нацыянальнага сходу Яўген Смірноў, які не змог асабіста удзельнічаць, перапрасіў, каб з ім звязаліся па тэлефоне і ён выкажа сваю пазіцыю.

01.07.2009 Суд не задаволіў скаргу Хведарука

29 чэрвеня у Менскім гарадзкім судзе была разгледжана касацыйная скарга актывіста Маладога Фронту Зьмітра Хведарука, гвалтоўна забранага ў войска гэтаю зімою, на незаконныя мерапрыемствы падчас прызыўной камісіі.

01.07.2009 Суд па пазове да недзяржаўнай газеты “Борисовские новости” перанесены

У Барысаве разгляд судовай справы па пазове рэдактаркі дзяржаўнай раёнкі «Адзінства» да недзяржаўнай газеты «Борисовские новости» перанесены. 25 чэрвеня ў ходзе чарговага слухання суддзя вырашыла прызначыць лінгвістычную экспертызу.

01.07.2009 Беспрацоўныя актывісты з Гарадоччыны абвясцілі галадоўку

Аляксандр Жыткевіч і Леанід Аўтухоў пайшлі на гэты крок, калі страцілі надзею на працаўладкаванне з дапамогай Цэнтра занятасці.

01.07.2009 Эмануіл Зельцэр вызвалены з магілёўскай калоніі

Амерыканскі грамадзянін Эмануіл Зельцэр увечары 30 чэрвеня вызвалены з магілёўскай калоніі № 15, паведамілі БелаПАН у прэс-службе пасольства ЗША. Амерыканскія дыпламаты ў цесным супрацоўніцтве са сваякамі працуюць над тым, каб ён як мага хутчэй вылецеў на радзіму.Указ аб памілаванні Зельцэра быў падпісаны Аляксандрам Лукашэнкам 30 чэрвеня пасля яго сустрэчы з дэлегацыяй кангрэса ЗША.

01.07.2009 “Freedom House”: у Беларусі па-ранейшаму аўтарытарны рэжым

30 чэрвеня “Freedom House”, — амэрыканская недзяржаўная арганізацыя, якая падтрымлівае разьвіцьцё дэмакратыі і чалавечых правоў у сьвеце, — апублікавала штогадовы даклад пра стан дэмакратычных свабодаў у “пераходных дзяржавах” сьвету (“Nations in Transit 2008”).