16.04.2009 Вярхоўны Суд у аўторак разгледзіць скаргу на адмову ў рэгістрацыі “Нашай Вясны”

21 красавіка Вярхоўны Суд разгледзіць скаргу заснавальнікаў ГПА “Наша Вясна” на адмову ў рэгістрацыі аб’яднання. Судовае паседжанне пачнецца аб 11-ай гадзіне. Пра гэта праваабаронцам паведамілі ў афіцыйным лісце.

16.04.2009 Эўрапарлямэнтары супраць цэнзуры ў Інтэрнэце

Ад сёньняшняга дня Эўрапарлямэнт распачаў кампанію супраць цэнзуры ў Інтэрнэце. Як заявіў яе галоўны ініцыятар, эўрадэпутат ад галяндзкай Народнай партыі за свабоду і дэмакратыю (VVD) Жуль Маатэн: “У такіх краінах, як Куба, Беларусь, Іран, Бірма і Кітай, улады хочуць прымусіць апазыцыю маўчаць у Інтэрнэце. Наша мэта — шырокае інфармаваньне адносна спробаў блякаваць онлайн”.

16.04.2009 БХД адмоўлена ў рэгістрацыі

Сябры аргкамітэту Беларускай хрысціянскай дэмакратыі атрымалі адмоўны адказ з Міністэрства юстыцыі аб рэгістрацыі партыі – асноўная прычынаў адмовы, нібыта, неадпаведнасць дакументаў апытанню заснавальнікаў, якое праводзіў сам Мінюст.

16.04.2009 На літоўскай мяжы затрымалі беларускіх апазіцыянераў

Беларускія памежнікі затрымалі на мяжы з Літвой чатырох апазыцыйных палітыкаў – лідэра АГП Анатоля Лябедзьку, былога палітвязьня Аляксандра Казуліна, намесьніка кіраўнік БНФ Вінцука Вячорка і лідэра “Эўрапейскай Беларусі”Артура Фінькевіча.

15.04.2009 Пры рэгістрацыі Мінюст будзе ставіць грамадскія аб'яднанні на ўлік у падатковую і Фонд сацабароны

З лютага 2009 года Міністэрства юстыцыі пры прыняцці рашэнняў аб дзяржрэгістрацыі новых грамадскіх аб'яднанняў, іх саюзаў (асацыяцыяў) і фондаў адначасова ажыццяўляе пастаноўку іх на ўлік у падатковых органах.

15.04.2009 Пад патранажам міліцыі 150 алкаголікаў добраахвотна пайшлі на кадзіраваньне? У “добраахвотнасьць” вераць далёка ня ўсе

Бясплатнай кадзіроўкай займаўся псыхатэрапэўт спадар Сайкоў. Хоць звычайна ён бярэ за тую працэдуру ад кожнага пацыента па 200 тысяч рублёў.

Па дамове зь міліцыяй адмысловыя сеансы прайшлі ў райцэнтры Паставы і ў пасёлку Ноўка пад Віцебскам, куды міліцыянты даставілі п’яніц яшчэ з чатырох бліжэйшых раёнаў.

15.04.2009 Палата прадстаўнікоў прыняла ў двух чытаннях законапраект аб амністыі

15 красавіка дэпутаты Палаты прадстаўнікоў прынялі ў двух чытаннях законапраект "Аб амністыі ў сувязі з 65-годдзем вызвалення Беларусі ад нямецка-фашысцкіх захопнікаў". Як заявіў выканаўца абавязкаў міністра ўнутраных спраў Анатоль Куляшоў, "у Беларусі заўсёды рэальна ўжываюцца прынцыпы гуманізму ў дачыненні да асуджаных і адзін з такіх прынцыпаў — прыняцце законапраекта аб амністыі".

15.04.2009 У Алеся Пушкіна на мяжы забралі літаратуру

Асобнік кнігі «Беларусь. Разрыў пакаленьняў. Адрозьненьні ў мэтах, каштоўнасьцях, стратэгіі» пад рэдакцыяй Андрэя Дынько, а таксама 1 асобнік часопіса «Беларускія ведамасьці» (№ 2 (64)/2008 (Нью-Ёрк — Варшава) забралі сёння ўначы брэсцкія мытнікі ў мастака Алеся Пушкіна, які вяртаўся з Польшчы ў Беларусь.

15.04.2009 Зьміцер Хведарук судзіцца з ваенкаматам

Сёньня ў Першамайскім судзе сталіцы адбудзецца разгляд скаргі актывіста “Маладога фронту” Зьмітра Хведарука на незаконныя дзеяньні прызыўной і мэдычнай камісіяў. Суды ўжо разглядалі скаргі іншых прызыўнікоў, якіх гвалтоўна забіралі ў войска, але дагэтуль усім адмаўлялі.

15.04.2009 Моладзь патрабуе амністыю ўдзельнікам “працэсу 14-ці”

Акцыя з патрабаваннем амністыі удзельнікам працэсу чатырнаццаці прайшла 14 сакавіка ля Дому ўраду на плошчы Незалежнасці ў Менску.

14.04.2009 Палата прадстаўнікоў у сераду разгледзіць законапраект аб амністыі

Законапраект аб амністыі разгледзяць 15 красавіка на сваёй сесіі дэпутаты Палаты прадстаўнікоў. Як нагадвае БЕЛТА, ён быў унесены Аляксандрам Лукашэнкам яшчэ ў студзені і прымеркаваны да 65-х угодкаў вызвалення Беларусі ад нямецкіх захопнікаў.

14.04.2009 Беларуская партыя жанчын "Надзея" спадзяецца на легалізацыю

Абскардзіць рашэнне Вярхоўнага суда аб ліквідацыі збіраецца бліжэйшым часам Беларуская партыя жанчын "Надзея". Паводле яе старшыні Алены Яськовай, "тэрмін абскарджвання гэтага рашэння ў наглядным парадку яшчэ не скончыўся, ліквідацыі партыі не завершаная".

14.04.2009 «Бобруйский курьер» выкінулі з продажу на пошце

Бабруйскае аддзяленне РУП «Белпошта» скасоўвае дамову на распаўсюд мясцовай недзяржаўнай грамадска-палітычнай газеты «Бобруйский курьер» праз паштовыя аддзяленні горада і раёна.

14.04.2009 14 траўня – марш "За незалежнасьць”

Да гадавіны рэфрэндуму 1995 года 14 траўня "Малады фронт" зьбіраецца правесьці ў Менску марш "За незалежнасьць" – ад Кастрычніцкай плошчы да плошчы Незалежнасьці.

14.04.2009 Улады адмаўляюцца ад дыялога з непрызнаным саюзам палякаў

Беларускія ўлады не маюць жадання весці дыялог з саюзам палякаў на чале з Анжалікай Борыс. Прэзыдэнт краіны Аляксандар Лукашэнка адмовіўся разглядаць зварот дэлегатаў 7 з’езда, у якім сябры непрызнаванай арганізацыі заклікалі яго паспрыяць нармалізацыі адносін.