21.04.2009 Сёння Вярхоўны Суд разглядае скаргу на адмову ў рэгістрацыі “Нашай Вясны” (дапаўняецца)

Разгляд справы аб адмове ў рэгістрацыі "Нашай Вясны" ў Вярхоўным Судзе працягнецца заўтра, 22 красавіка, і пачнецца аб 11-ай гадзіне.

Сёння ў другой палове судовага паседжання выступіў прадстаўнік Мінюсту Аляксандр Харытон. Адбыліся дэбаты і спрэчкі бакоў. Пракурор Уладзімір Ляўданскі выступіць заўтра, пасля чаго будзе прынятае рашэнне суду.

21.04.2009 Зніклага Віктара Ганчара выклікаюць "сведкам па справе"

Віцэ-спікера Вярхоўнага Савету Рэспублікі Беларусь 13-га склікання Віктара Ганчара, зніклага разам з прадпрымальнікам Анатолем Красоўскім у верасні 1999 году, выклікаюць сведкам па крымінальнай справе ў Савецкі РУУС Менску.

21.04.2009 Хацелі пасадзіць на 14 гадоў, а адпусцілі з залы суда

Пракуратура пабудавала доказы на прызнанні, але суддзя даведаўся пра маральны ціск на абвінавачваных

21.04.2009 Алеся Любенчука суд пакараў штрафам

Суддзя Юрый Гарбатоўскі прызнаў незалежнага журналіста Алеся Любенчука вінаватым у парушэнні грамадскага парадку і пакараў штрафам у 20 базавых велічыняў.

21.04.2009 У замаху на спадчыну абвінавацілі некалькіх інвэстараў

Камітэт дзяржаўнага кантролю падрыхтаваў справаздачу па выніках праверкі ходу рэканструкцыі і аднаўлення гістарычнага цэнтру Мінску. На факты масавага парушэння ахоўнага заканадаўства ўжо даўно звярталі ўвагу прадстаўнікі грамадскасці, аднак дагэтуль у кантрольных органах такія звароты ігнараваліся.

21.04.2009 Вярхоўны Суд працягвае гуманізацыю практыкі пакарання

У пастанове Пленуму ВС гаворыцца пра неабходнасць больш актыўнага выкарыстання альтэрнатыўных турэмнаму зняволенню спосабаў пакарання.

21.04.2009 Актывісты Саюзу палякаў паскардзіліся ў суд

Сёньня калегія Гарадзенскага абласнога суду разгледзела скаргі прэс-сакратара незарэгістраванага Саюзу палякаў Ігара Банцара і кіраўніка гарадзкой арганізацыі Саюзу ў Горадні Мечыслава Яскевіча.

21.04.2009 Скаргу актывістаў Саюза Палякаў не задаволілі

Гарадзенскі абласны суд не задаволіў скаргу актывістаў непрызнаванага ўладамі Саюза палякаў Ігара Банцэра і Мечыслава Яскевіча і пакінуў без змяненняў пастанову суда Ленінскага раёна Гародні аб адміністрацыйным пакаранні ў выглядзе штрафу ў памеры 525 000 рублёў кожнаму за ўдзел у несанкцыянаваным мітынгу.

21.04.2009 Судзяць журналіста Алеся Любенчука

Суд над Алесем Любенчуком пачнецца сёння, 21 красавіка, у судзе Першамайскага раёну Менску ў 14.40. Будуць разглядацца два адміністратыўныя пратаколы, складзеныя на незалежнага журналіста супрацоўнікамі міліцыі 16 красавіка пасля заканчэння судовага працэсу па скарзе моладзевага актывіста Змітра Хведарука.

21.04.2009 Збіты міліцыяй Аляксандр Баразенка падаў скаргу ў пракуратуру

Удзельнік «Працэсу 14-ці» Аляксандр Баразенка напісаў скаргу ў пракуратуру на незаконныя дзеянні супрацоўніка крымінальна-выканаўчай інспекцыі Фрунзенскага раёна Менска.