Праваабарончы цэнтр «ВЯСНА»

Навіны за 5 лютага 2009

05.02.2009 Жана Літвіна - у падтрымку "Нашай Вясны"

Старшыня грамадскага аб'яднання “Беларуская асацыяцыя журналістаў” Жана Літвіна падтрымала праваабаронцаў, заснавальнікаў і сябраў “Нашай Вясны”.

05.02.2009 Затрыманыя 5 актывістаў “Эўрапейскай Беларусі”

Актывісты кампаніі “Эўрапейская Беларусь” сёньня былі затрыманыя міліцыяй у менскай кватэры, якую наймае Павал Юхневіч. Зараз яны знаходзяцца ў Першамайскім РУУС Менска, паведаміў Свабодзе прадстаўнік “Эўрапейскай Беларусі” Аляксандар Атрошчанкаў.

05.02.2009 У Мастах дэпутату адмовілі ў правядзенні пікету

Дэмакратычны дэпутат збіраўся інфармаваць грамадзян пра сітуацыю ў краіне ў сувязі з паглыбленнем крызісу. Ён лічыць патрэбным прыцягнуць увагу грамадскасці і ўлады да таго, што з-за росту цэн на камунальныя паслугі і дэвальвацыю рубля пагоршыўся матэрыяльны стан жыхароў горада.

05.02.2009 Недзяржаўная газета «Витебский курьер М» прыпыніла выхад

З пачатку 2009 года была вымушана прыпыніць выхад недзяржаўная газета «Витебский курьер М». Рэдакцыя пісьмова паведаміла пра гэта Міністэрству інфармацыі.

05.02.2009 Абласны суд адмяніў рашэнне раённага

5 лютага ў Берасці калегія па грамадзянскіх справах абласнога суда пад старшынствам Алены Хацько разгледзела скаргу актывісткі руху "За Свабоду" Жаны Абрамавай адносна высялення з кватэры яе сям’і. Суд адмяніў рашэнне Берасцейскага суда Маскоўскага раёна за 25 лістапада і накіраваў справу на новае даследванне.

05.02.2009 БХД не пускаюць у палацы

Уласьнікі 10 менскіх заляў адмовіліся даць памяшканьне на правядзеньне устаноўчага зьезду Партыі "Беларуская хрысьціянская дэмакратыя".

05.02.2009 Дзіцячы хоспіс ператварылі ў гуманітарную "клетку"

У Слоніме безнадзейна хворым дзеткам дабрачынныя людзі дапамагаюць псіхалагічна, сацыяльна і матэрыяльна. Затое райвыканкам вылучыў памяшканне без вады, туалета, цяпла…

05.02.2009 Жанна Літвіна: Высновы пра лібералізацыю СМІ рабіць яшчэ рана

Кіраўніца Беларускай асацыяцыі журналістаў Жанна Літвіна стрымана ацаніла вынікі "круглага стала" па свабодзе СМІ. На яе думку, меркаваць пра сур’ёзнасць намераў уладаў лібералізаваць заканадаўства аб СМІ можна будзе пасля таго, як яны здзейсняцца. Да таго ж, улады павінны рэальна палепшыць умовы, у якіх працуюць СМІ.