Праваабарончы цэнтр «ВЯСНА»

Навіны за 4 лютага 2009

04.02.2009 Агляд-хроніка парушэньня правоў чалавека ў Беларусі: студзень 2009 году

Сусветны фінансавы крызіс не абмінуў і Беларусь. Нацбанк устанавіў новы валютны курс, беларускі рубель у адзін момант дэвальваваўся на 20%. У выніку страты панеслі і простыя грамадзяне, і імпарцёры, што закупаюць тавары за валюту. Актывісты прадпрымальніцкага руху, незадаволеныя новымі ўмовамі працы, зьбіраюцца ладзіць новыя акцыі пратэсту. 9 студзеня лідэр грамадзкай кампаніі “За свабоднае разьвіцьцё прадпрымальніцтва” Віктар Гарбачоў заявіў, што прадпрымальнікі Беларусі зьвяртаюцца з заклікам правесьці 25 сакавіка “Марш пакрыўджаных і непачутых”.

04.02.2009 Беларусь ратыфікавала Канвенцыю ААН супраць катаванняў, але не выконвае міжнародныя абавязальніцтвы

У міжнародным праве фармулёўку тэрміну “катаваньне” ўтрымлівае “Канвенцыя супраць катаванняў ды іншых жорсткіх, бесчалавечных альбо прыніжаючых годнасць відаў абыходжання і пакарання”, прынятая Генеральнай Асамблеяй ААН 10 снежня 1984 і ратыфікаваная Рэспублікай Беларусь 13 сакавіка 1987 году.

04.02.2009 Праваабаронцаў выслухалі ў Мінюсце, але ці дапаможа гэта рэгістрацыі “Нашай вясны”?

Прыём грамадзянаў міністр юстыцыі праводзіць толькі раз на месяц – у першую сераду, і, скарыстоўваючы магчымасць наўпрост зьвярнуцца да яго, сёньня, 4 лютага, заснавальнікі “Нашай вясны” Алесь Бяляцкі і Тацяна Рэвяка накіраваліся ў Мінюст. Міністра на месцы не аказалася, а прыём праводзіў ягоны намесьнік Аляксандр Сіман.

04.02.2009 Яўген Вапа – пра сітуацыю з рэгістрацыяй “Нашай Вясны”

Старшыня Беларускага Саюзу ў Польшчы, галоўны рэдактар беластоцкага штотыднёвіка “Ніва” Яўген Вапа выказаў сваё стаўленне да сітуацыі з рэгістрацыяй грамадскага праваабарончага аб’яднання “Наша Вясна”.

04.02.2009 Катаванні супраць апазіцыі – рэальнасць лукашэнкаўскай Беларусі

Беларускія праваабаронцы заяўляюць аб фактах здзекаў над апазіцыяй з боку сілавых структур.

04.02.2009 Барыса Хамайду затрымалі за “Пагоню”

Падставай для затрыманьня сталі ўлёткі з выявай “Пагоні”. Гэты сымбаль абласныя ўлады прапануюць зрабіць афіцыйным гербам Віцебскай вобласьці, узяўшы за ўзор герб Віцебскай губэрні 1856 году.

04.02.2009 У Лельчыцах суд над ксяндзом перанесены

Сёння ў лельчыцкім раённым судзе мелі разглядаць пазоў раённага архітэктара да пробашча каталіцкай парафіі Віталя Мішоны.

04.02.2009 Наталля Пяткевіч: Новы закон аб СМІ не нацэлены на "зачыстку" медыйнай прасторы Беларусі

"Новы закон аб СМІ не нацэлены на "зачыстку" медыйнай прасторы Беларусі. Такая мэта не стаяла і не будзе стаяць", — заявіла першы намеснік кіраўніка Адміністрацыі прэзідэнта Беларусі Наталля Пяткевіч на пасяджэнні круглага стала, што праходзіць 4 лютага ў Мінску з удзелам прадстаўнікоў беларускіх уладаў і міжнародных арганізацый.

04.02.2009 Вярхоўны суд і генпракурор разгледзелі зварот грамадзянаў, не згодных з рашэннямі судоў

Агенцтва БелаПАН паведамляе, што па даручэнні прэзідэнта Вярхоўны суд і генеральны пракурор разгледзелі зварот грамадзянаў, не згодных з рашэннямі судоў па крымінальных, грамадзянскіх і адміністрацыйных справах. Аб гэтым гаворыцца ў лісце начальніка галоўнага ўпраўлення па працы са зваротамі грамадзянаў і юрыдычных асобаў Адміністрацыі прэзідэнта Станіслава Бука мінчучцы Людміле Кучуре.

04.02.2009 Белпошта не падпісвае на незалежныя газеты, спасылаючыся на Канстытуцыю

Сябра Рады Руху «За Свабоду» Алесь Зарэмбюк атрымаў адказ на свой зварот да генеральнага дырэктара «Белпошты» А.І. Чарняк.

04.02.2009 «Лібералізацыя» па-гомельску

Суд Цэнтральнага раёну Гомеля аштрафаваў 3 лютага Андруся Цянюту за ўдзел у несанкцыянаваным мерапрыемстве на 50 базавых велічыняў. Міліцыянты таксама абвінавацілі яго ў супраціве падчас затрыманьня. За гэта яго пакаралі штрафам на 30 базавых велічыняў. Агулам штраф атрымаўся 2 мільёны 800 тысяч рублёў, альбо тысячу амэрыканскіх даляраў.