Праваабарончы цэнтр «ВЯСНА»

Навіны за Кастрычнік 2008

09.10.2008 Прадпрымальнікі прыйдуць на “Дзяды”

Сёньня лідэры руху “За свабоднае разьвіцьцё прадпрымальніцтва” пачынаюць сустрэчы з актывістамі рэгіянальных структур у Беларусі. У парадку дня – вынікі выбараў, прыняцьцё закону аб прадпрымальніцтве, а таксама ўдзел у грамадзка-палітычных акцыях. Падрабязнасьці падае Галіна Абакунчык.

09.10.2008 Улады памнажаюць сьпісы “экстрэмісцкага” мастацтва

Дзякуючы пільнасьці беларускіх уладаў імкліва пашыраецца сьпіс “экстрэмісцкай”, а значыць — забароненай кіна- і відэапрадукцыі. Мы ўжо паведамлялі, што ў газэце “Звязда” надрукаваны пералік твораў, якія апошнім часам выклікалі падазрэньне дзяржаўных экспэртаў: дакумэнтальны фільм “Урок беларускай мовы” польскага рэжысэра Міраслава Дэмбінскага, відэазапіс канцэрту ў Варшаве “Салідарныя зь Беларусьсю” і нават дыскі з фотаздымкамі падзеяў у Менску ў дзень прэзыдэнцкіх выбараў 2006 году. Матэрыялы былі сканфіскаваныя ў магілёўскага журналіста Аляксандра Буракова, і рашэньнем суду Кастрычніцкага раёну Горадні іхні зьмест прызнаны “экстрэмісцкім”.

08.10.2008 На кожнае прадпрыемства будзе прыстаўлены супрацоўнік КДБ

Дзяржава мае намер сур'езна ўзяцца за ўзмацненне мерапрыемстваў па абароне сваіх сакрэтаў. Ужо да снежня цяперашняга года ўсе дзяржаўныя органы і іншыя арганізацыі па ўзгадненні з КДБ павінныя вызначыць спіс кіраўнікоў і спецыялістаў, якія ў абавязковым парадку будуць падвышаць кваліфікацыю або праходзіць перападрыхтоўку па пытаннях забеспячэння абароны дзяржаўных сакрэтаў.

08.10.2008 Пракуратура пасылае журналістаў у КДБ

Адказ на чарговае патрабаванне вярнуць адабраную падчас сакавіцкага ператрусу маёмасць атрымаў днямі з пракуратуры Мінска сябра БАЖ з Баранавічаў Аляксей Белы.

08.10.2008 За паўгода ў Гомелі збілі трох замежных студэнтаў

Каб абараніць індусаў ад кулакоў і гузакоў, БРСМ гатовы правесці іх з вучобы дадому.

08.10.2008 Старшыня АБСЕ сустрэўся з лідэрамі апазіцыі

7 кастрычніка увечары адбылася сустрэча дзейнага старшыні АБСЕ, міністра замежных справаў Фінляндыі Аляксандра Стуба з кіраўнікамі Аб’яднаных дэмакратычных сілаў.

08.10.2008 Антон Астаповіч вінаваціць пракуратуру ў бяздзейнасці

Прыхільнік Руху “За Свабоду”, старшыня Беларускага добраахвотнага таварыства аховы помнікаў гісторыі і культуры Антон Астаповіч у лісце да генпракурора выказвае абурэнне пасіўнасцю пракуратуры ў справе абароны гісторыка-культурнай спадчыны.

08.10.2008 Міліцыянтам вярнулі бясплатны праезд і падвысяць зарплату

Міністр унутраных справаў Уладзімір Навумаў падпісаў пастанову, якая фактычна вяртае супрацоўнікам органаў унутраных справаў і ўнутраных войскаў МУС страчаныя летась ільготы. Гаворка вядзецца аб бясплатным праездзе ва ўсіх відах гарадскога і прыгараднага транспарта грамадскага карыстання.

08.10.2008 «Белсаюздрук» адмовіўся распаўсюджваць «Нашу Ніву»

Рэспубліканскае прадпрыемства «Белсаюздрук» у чарговы раз адмовілася распаўсюджваць праз сваю гандлёвую сетку недзяржаўную газету «Наша Ніва».

08.10.2008 У Беларусь не пусцілі віцэ-старшыню Парламенцкай асамблеі савета Еўропы

Віцэ-старшыні Парламенцкай асамблеі савета Еўропы і віцэ-спікеру эстонскага парламента Крыйсціне Оюланд адмовілі ў выдачы беларускай візы.

08.10.2008 Франка Вячорку прымусова паклалі ў вайсковы шпіталь

Як толькі ён увайшоў у кабінэт, у яго забралі ўсе рэчы, пераапранулі яго ў вайсковую форму і паклалі ў шпіталь у аддзяленьне траўматалёгіі на абсьледаваньне.

08.10.2008 Галіна Сямдзянава: «Нам удалося даказаць, што мы мелі факты грубага парушэння выбарчага заканадаўства на ўсіх этапах»

Насамрэч, нашыя кандыдаты, якія засталіся ўдзельнічаць у выбарах, у першы ж дзень падалі заявы на непрызнанне сапраўднасці выбараў. Па звестках ЦВК іх было 24. Але падчас абмеркавання мы высветлілі, што сапраўды такія скаргі накіравалі як мінімум 35 чалавек.

07.10.2008 Агляд-хроніка парушэньня правоў чалавека ў Беларусі, верасень 2008 году

У першы месяц восені, 28 верасьня, адбыліся выбары дэпутатаў у Палату Прадстаўнікоў Нацыянальнага сходу Рэспублікі Беларусь чацьвёртага скліканьня. Парламенцкія выбары адбываліся на фоне складанай сітуацыі з правамі чалавека. Асноўныя грамадзка-палітычныя правы, такія як свабода слова, свабода мірных сходаў і асацыяцыяў, заставаліся істотна абмежаванымі, мелі месца факты палітычна-матыванага перасьледу апанентаў рэжыму з боку афіцыйных уладаў Беларусі, што не спрыяла правядзеньню выбараў у атмасферы даверу.

07.10.2008 А.Лукашэнка: “Даць лічыць галасы — гэта прынізіць беларускі народ”

Кіраўнік Беларусі Аляксандар Лукашэнка заявіў падчас наведваньня КДБ, што патрабаваньне назіральнікаў лічыць галасы — гэта недапушчальна: “Даць лічыць галасы — гэта прынізіць беларускі народ”.

07.10.2008 Эўрапарлямэнт заклікае беларускія ўлады прызнаць СПБ на чале з А. Борыс

Эўрапейскія дэпутаты заклікаюць беларускія ўлады прызнаць Саюз палякаў Беларусі на чале з Анжалікай Борыс. Такі запіс трапіў у рэзалюцыю Эўрапейскага парлямэнту – паведаміў Польскаму радыё старшыня камісіі Эўрапарлямэнту на справах Беларусі Яцак Пратасевіч.