Праваабарончы цэнтр «ВЯСНА»

Навіны за Кастрычнік 2008

07.10.2008 Ці аб'ектыўна ЦВК разгледзіць скаргі?

Разгляд Цэнтрвыбаркамам скаргаў з патрабаваннем прызнаць вынікі выбараў несапраўднымі "не будзе аб'ектыўным". Такую думку 6 кастрычніка на прэс-канферэнцыі ў Мінску выказала член Партыі БНФ Галіна Сямдзянава, якая падчас выбарчай кампаніі з'яўлялася членам ЦВК з правам дарадчага голасу. Скаргі Цэнтральная камісія плануе разгледзець 14 кастрычніка.

07.10.2008 У Беларусь прыбывае кіраўнік АБСЭ

Сёньня ў Менск зь візытам прыбывае дзейны старшыня АБСЭ, міністар замежных спраў Фінляндыі Аляксандр Стуб. Ён сустрэнецца з Аляксандрам Лукашэнкам, міністрам замежных спраў Беларусі Сяргеем Мартынавым і прадстаўнікамі беларускай апазыцыі.

06.10.2008 Замежныя студэнты Гомельскага медуніверсітэта не вышлі на заняткі

Такім чынам яны пратэстуюць супраць прыгнёту па расавых прыкметах. Замест заняткаў студэнты сабраліся ў актавай зале ВНУ і запатрабавалі правесці сустрэчу з працаўнікамі міліцыі. У Савецкім РАУСе Гомеля паведамілі, што замежныя студэнты звярнулі ўвагу ўлад, у прыватнасці, на напады на іх хуліганаў каля інтэрнату, дзе жывуць грамадзяне Індыі.

06.10.2008 Алесь Бяляцкі: «Улады ўвогуле перасталі саромецца назіральнікаў»

Беларускія праваабаронцы сцвярджаюць, што зафіксаваныя імі факты парушэння заканадаўства і грубай фальсіфікацыі “выбараў” у Беларусі амаль немагчыма данесці да грамадзкасці, і ўлады гэтым бессаромна карыстаюцца. Беларускія праваабаронцы падзяліліся з літоўскімі журналістамі ў Вільні інфармацыяй аб назіранні за “выбарамі”– пра гэтую палітычную кампанію дзяржаўныя мас-медыя ў Беларусі не давалі і не даюць ня толькі што альтэрнатыўнай, але амаль ніякай інфармацыі, паведамляе радыё «Deutsche Welle».

06.10.2008 Затрыманы падазраваны ў дачыненьні да выбуху 4 ліпеня

Супрацоўнікі міліцыі затрымалі грамадзяніна Беларусі, якога падазраюць у дачыненьні да выбуху 4 ліпеня ў Менску. Гэта 21-гадовы Аляксандр Корык, які да нядаўняга часу працаваў у кампаніі "Уладпрадімпарт".

03.10.2008 Афіцыйная прэса апублікавала сьпісы «экстрэмісцкіх матэрыялаў»

Тры дыскі з запісам варшаўскага канцэрта 2006 г. «Салідарныя з Беларуссю», 6 дыскаў з запісам польскага дакументальнага фільма «Lekcja Bialoruskiego» («Урок беларускай мовы») і 7 дыскаў з загадкавай назвай «MEGAUS MEG 16753» прызнаныя экстрэмісцкімі матэрыяламі. Паведамленне пра гэта надрукавала 2 кастрычніка газета «¬Звязда». Паводле выдання, рашэнне аб прызнанні згаданых дыскаў экстрэмісцкімі прымаў суд Кастрычніцкага раёна Гродна, і яно ўжо ўступіла ў законную сілу з 16 верасня 2008 года.

03.10.2008 Аблвыканкам хоча падняць раёнкі на «адпаведны часу ўзровень»

Гомельскі аблвыканкам абавязаў абласное ўпраўленне ідэалагічнай работы штоквартальна праводзіць нарады па пытаннях удасканалення ідэйна-зместавага ўзроўню дзяржаўных газет рэгіёна, стварыць інтэрнет-партал «СМІ Гомельскай вобласці», а таксама прыняць іншыя меры па павышэнні эфектыўнасці працы раёнак.

03.10.2008 На чым зараз павiнны сканцэнтравацца дэмакратычныя сiлы?

Вынiкi выбараў у Палату прадстаўнiкоў вядомыя. Самыя актуальныя пытаннi як заўжды: "Хто вiнаваты?" i "Што рабiць?" Iх задаюць адзiн аднаму як простыя людзi, якiя адчуваюць сябе падманутымi, так i палiтыкi. Мы вырашылi пацiкавiцца менавiта ў былых кандыдатаў: «На чым зараз павiнны сканцэнтравацца дэмакратычныя сiлы: на патрабаванні правядзення паўторных выбараў, на прэзiдэнцкай кампанii 2011 года альбо на байкоце ўсiх будучых выбарчых кампанiй у Беларусi?»

03.10.2008 Па вызваленьні Алеся Чыгіра зноў чакае суд

Супрацоўнікі Бабруйскага ізалятара часовага ўтрыманьня не прымаюць харчовых перадачаў для зьняволенага палітыка, былога кандыдата ў дэпутаты Алеся Чыгіра.

03.10.2008 ЦВК Беларусі прызнае наяўнасць праблем са спісамі выбарцаў

Цэнтравыбаркам Беларусі прызнае, што існуюць факты недакладнасці спісаў выбарцаў. Але, на думку сакратара ЦВК Мікала Лазавіка, яны не могуць уплываць на вынікі выбараў.

03.10.2008 ЦВК ігнаруе скаргі на фальсіфікацыі вынікаў «выбараў»

Сакратар ЦВК Беларусі Мікалай Лазавік заявіў, што на вынікі «парламенцкіх выбараў» ніяк не паўплываюць скаргі назіральнікаў і экс-кандыдатаў у «дэпутаты».

03.10.2008 Чачэнскую праваабаронцу назвалі прэтэндэнтам на атрыманьне Нобелеўскай прэміі

Адным з магчымых кандыдатаў на атрыманьне Нобелеўскай прэміі міру названая чачэнская праваабаронца Лідзія Юсупава, паведамляе AFP. Другім найболей верагодным прэтэндэнтам лічаць кітайскага дысідэнта Ху Цзя.

03.10.2008 Дэпутаты стануць пракурорамі?

Палата Прадстаўнікоў унесла зьмены ў Закон “Аб пракуратуры Рэспублікі Беларусь” – “стаць супрацоўнікамі пракуратуры можна будзе без кваліфікацыйнага іспыту і не праходзячы стажыроўку”.

03.10.2008 Пагалоўная дактыласкапія ўсіх беларусаў?

З усіх рэгіёнаў Беларусі да праваабаронцаў даходзіць інфармацыя, што праваахоўныя органы пад шыльдаю пошуку злачынцы, які зьдзейсьніў выбух у Менску ў ноч з 3 на 4 ліпеня, займаюцца пагалоўнай дактыласкапіяй мужчын. Пры чым, супрацоўнікі міліцыі ўступілі ў хаўрус з мясцовымі ваенкаматамі і паставілі гэтую справу на канвеер.

03.10.2008 «Урок беларускае мовы» прызнаны экстрэмізмам

У газэце «Звязда» ад 2 кастрычніка зьмешчаны рэспубліканскі сьпіс экстрэмісцкіх матэрыялаў. Паводле рашэньня суду Кастрычніцкага раёну Горадні ў гэты сьпіс трапілі фільм «Урок беларускай мовы» Міраслава Дэмбіньскага, а таксама запіс канцэрту «Салідарныя зь Беларусьсю», які праходзіў у Варшаве 12 сакавіка 2006 году.