Праваабарончы цэнтр «ВЯСНА»

Навіны за Жнівень 2008

27.08.2008 Апазыцыя мае першага кандыдата ў дэпутаты

Сёньня на ранішнім паседжаньні камісіі Жодзінскай выбарчай акругі №66 кандыдатам у дэпутаты Нацыянальнага сходу зарэгістраваны вылучэнец Аб’яднаных дэмакратычных сіл Аляксандар Валчанін.

27.08.2008 Затрыманы Сяргей Салаш

У Барысаве затрыманы Сяргей Салаш. У дадзены момант актывіст дэмакратычнага руху дае тлумачэньні ў міліцыі.

27.08.2008 Любань: Цікавая “ непамятлівасць ”

Сябра акруговай камісіі Любанскай выбарчай акругі № 68 Надзея Агафонова Надзея, жонка прэтэндэнта ў кандыдаты, сябра АГП Арцёма Агафонова наогул не ведала аб правядзенні вучобы з кіраўніцтвам участковых камісій. Ніхто не палічыў патрэбным паставіць яе аб гэтым у вядомасць. Застаецца толькі здагадвацца - зроблена гэта было наўмысна або мела месца звычайная непамятлівасць?

27.08.2008 Рэчыца: У камісіі вылучаліся па-рознаму, але падпарадкаваны аднаму начальніку

Камісіі ўтвораны з работнікаў адной арганізацыі і знаходзяцца ў залежнасці ад начальства. Напрыклад: на Пралетарскім выбарчым участку камісія складаецца з 11 чалавек, з іх 10 вылучаны ад падраздзяленняў упраўлення "Рэчыцанафта". І адзін чалавек, Л. А. Кавалеўская, вылучана шляхам збору подпісаў, аднак і яна - работнік гэтага ж прадпрыемства.

27.08.2008 Юрыя Істоміна абвінавачваюць у парушэнні выбарчага заканадаўства. Заўтра суд

Палітыка вінавацяць у тым, што ён нібыта парушыў артыкул 45 Выбарчага кодэксу – 18 жніўня разам з сябрамі сваёй ініцыятыўнай групы вёў у Наваградку незаконную агітацыю, распаўсюджваючы матэрыялы, якія надрукаваныя за межамі Рэспублікі Беларусь.

27.08.2008 Сябра Партыі БНФ Аляксандр Мех датэрмінова даведаўся аб сваёй рэгістрацыі кандыдатам

З пастановы старэйшага памочніка Брэсцкага міжгарнізоннага вайсковага пракурора маёра юстыцыі Дымшы О.Е. аб адмове ва ўзбуджэньні крымінальнай справы, датаванай 21 жніўня 2008г., сябра партыі БНФ Алесь Мех датэрмінова даведаўся аб сваёй рэгістрацыі кандыдатам у дэпутаты.

26.08.2008 Алесь Анціпенка: «Калі нічога не адбываецца, можна ствараць толькі жоўтую прэсу»

Сёння ў офісе ГА «БАЖ» адбылася чарговая прэс-канферэнцыя, што тычылася выхаду ў свет чацвертага нумару бюлетэню «Асвятленне парламенцкіх выбараў 2008 года ў беларускіх СМІ». Як адзначыў падчас сустрэчы з журналістамі медыя-эксперт, сябра Рады БАЖ Алесь Анціпенка, у сродках масавай інфармацыі знізіўся інтарэс да выбарчай кампаніі. У гутарцы з прэс-службай БАЖ эксперт распавёў, з якіх прычын, на ягоную думку, журналісты перасталі пісаць пра выбары.

26.08.2008 КДБ вяртае журналістам кампутары

Журналісты недзяржаўных СМІ ў рэгіёнах атрымліваюць з КДБ адабраныя сёлета ў красавіку дакумэнты і кампутары.

26.08.2008 Рэчыца: назіральнікам своечасова паведамляюць аб паседжаннях камісіі

У акруговай камісіі Рэчыцкай выбарчай акругі ў ліку назіральнікаў дзейнічаюць сябры Аб’яднанай грамадзянскай партыі і Партыі БНФ. Назіральнікам тут своечасова паведамляюць аб датах правядзення паседжанняў камісіі.

26.08.2008 Скаргу ў ЦВК напісаў Іван Шэга

Слонімскі прэтэндэнт на дэпутацтва ў Палаце прадстаўнікоў здзіўлены трактоўкай сваіх паводзін з выбаршчыкамі.

26.08.2008 Барысаў: Спроба правакацыі або абраза?

Сябра партыі БНФ Сяргей Салаш, які падаў дакументы на рэгістрацыю ў якасці кандыдата ў дэпутаты Палаты прадстаўнікоў па Барысаўскай сельскай выбарчай акрузе № 63 шляхам збору подпісаў грамадзянаў, учора ўвечары, 25 жніўня, знайшоў у сваёй паштовай скрыні позву з міліцыі. Намеснік начальніка аддзела прафілактыкі правапарушэнняў Барысаўскага РАУС Алег Воўкаў запрашаў Сяргея Салаша з'явіцца для дачы тлумачэнняў з нагоды адміністрацыйнага правапарушэння 18 жніўня да 10 раніцы.

26.08.2008 Маладэчна: Вылучэнцы ў дэпутаты ад улады ўжо выступаюць па радыё

Да 28 жніўня 2008 г. уключна адбываецца рэгістрацыя кандыдатаў у дэпутаты Палаты прадстаўнікоў, але вылучэнцы ў дэпутаты ад улады ўжо даўно пачалі агітацыю.

26.08.2008 Смаргонь: Датэрміновая агітацыя ў Смаргоні

Дзеючы дэпутат Палаты прадстаўнікоў Нацыянальнага сходу РБ Таццяна Голубева, якая з’яўляецца і прэтэндэнтам у кандыдаты на сёлетніх выбарах, ужо два тыдні вядзе актыўную перадвыбарчую агітацыю.

26.08.2008 У Брэсце былі затрыманы два актывісты апазіцыі

У Брэсце ўвечары 25 жніўня былі затрыманы два актывісты апазіцыі, якія распаўсюджвалі ўлёткі аб байкоце парламенцкіх выбараў. Як паведаміў БелаПАН праваабаронца Раман Кісляк, інцыдэнт адбыўся на вуліцы Савецкай, непадалёк ад кінатэатра "Беларусь", дзе сямёра маладых актывістаў апазіцыі раздавалі прахожым улёткі. На некаторых з удзельнікаў акцыі былі майкі з падпісам "Байкот".

26.08.2008 Менск: Адміністрацыі раённых выканкамаў утойваюць інфармацыю пра склад участковых выбарчых камісіяў

Этап фармавання участковых камісіяў скончыўся амаль два тыдні таму, 13 жніўня, але зацікаўленыя суб'екты выбарчай кампаніі да цяперашняга моманту не маюць поўнай інфармацыі пра склад сталічных УВК.