Праваабарончы цэнтр «ВЯСНА»

Навіны за 11 жніўня 2008

11.08.2008 Вярхоўны суд пакінуў у сіле рашэньне Мінюста аб адмове ў рэгістрацыі сацыяльнага грамадзкага аб'яднаньня "Беларуская хрысьціянская дэмакратыя" (БХД)

Па словах сябра аргкамітэта па стварэнні БХД Дзяніса Садоўскага, падчас судовага паседжання 12 жніўня прадстаўнік Мінюста зняў прэтэнзіі да прапісаных у статуце мэтаў, задач і метадаў арганізацыі, аднак працягваў настойваць на наяўнасці тэхнічных памылак пры падачы дакументаў на рэгістрацыю. "Усе тэхнічныя памылкі можна вырашыць у працоўным парадку, але Вярхоўны суд не даў часу на іх выпраўленне і адмовіў нам у задавальненні скаргі", — сказаў Д.Садоўскі ў інтэрв'ю БелаПАН.

11.08.2008 Падаткавікі прэсуюць дачку палітвязня Казуліна

Органы фінансавых расследаванняў маюць прэтэнзіі да малодшай дачкі палітвязня Аляксандра Казуліна Юліі. Падаткавікі жадаюць прымусіць Юлію даць справаздачу аб ейных прыбытках за некалькі мінулых гадоў. Дачка Казуліна мае намер абскардзіць дадзенае рашэнне ў пракуратуры гораду Менску.

11.08.2008 Магілёў: прэзентаваныя вынікі маніторынга СМІ па выбарчай тэматыцы

У Магілёве на сустрэчы з журналістамі былі прадстаўлены вынікі маніторынга СМІ падчас выбарчай кампаніі, якое здзяйсняе ГА “Беларуская асацыяцыя журналістаў”. Маніторынг праводзіцца адносна 19 дзяржаўных і недзяржаўных сродкаў масавай інфармацыі, сярод якіх прадстаўлены як газеты і інтэрнэт-сайты, так і каналы тэлебачання і радыё.

11.08.2008 Смаргонь: “Светлы шлях” дэпутаткі да выбараў

У смаргонскай раённай газэце “Светлы шлях” зьявіўся артыкул пра дзейную дэпутатку Палаты прадстаўнікоў Тацяну Голубеву (КПБ), якая зьбіраецца вылучацца паўторна

11.08.2008 Менск: Ціск на вылучэнцаў ва ўчастковыя камісіі ўзмацняецца

Прэтэндэнт у кандыдаты па 99-ай Паўднёва-Заходняй выбарчай акругі Юрый Карэтнікаў паведаміў, што значна ўзмацніўся ціск на сябраў ягонай ініцыятыўнай групы, якія вылучылі свае кандыдатуры ва ўчасковыя камісіі па гэтай акрузе.

11.08.2008 Аштрафаваны прадпрымальнік Алесь Таўстыка

Прадпрымальніку з рынка Ждановічы Алесю Талстыку далі 140 тысяч рублёў штрафа за тое, што той размаўляў з пакупніком на беларускай мове.

11.08.2008 Афіцыйны прафсаюз ня даў прэтэндэнту правесьці сустрэчу з калегамі

Патэнцыйны кандыдат у дэпутаты па Жодзінскай выбарчай акрузе фэльчар Аляксандар Валчанін зьвярнуўся да кіраўніцтва цэнтральнай гарадзкой лякарні і прафсаюзнага камітэту. Ён папрасіў дапамагчы сабраць калектыў і выкласьці сваю выбарчую праграму, каб калегі па працы вылучылі яго кандыдатам у дэпутаты. Спадар Валчанін працуе ў гэтай лякарні ўжо 25 гадоў, таму і разьлічваў на падтрымку.

11.08.2008 Уладзімір Навасяд: “Для таго, каб выбары прайшлі без фальсіфікацый неабходны давер”

Вынікі выбарчых кампаній, якія праходзяць у Беларусі ўжо даўно не прызнаюцца еўрапейскай супольнасцю. У сваю чаргу беларуская апазіцыя кожны раз наракае на тое, што падлік галасоў праводзіцца са значнымі фальсіфікацыямі і што масавыя фальсіфікацыі адбываюцца менавіта падчас датэрміновага галасавання. Таму “Пагоня” вырашыла пацікавіцца, што трэба зрабіць для таго, каб пазбегнуць магчымых фальсіфікацый на этапе датэрміновага галасавання.

11.08.2008 Віталя Каратыша адпусьцілі з войска для падачы дакумэнтаў на рэгістрацыю ў якасьці кандыдата

Адзіны кандыдатад ад сьпісу АДС па Лунінецкай выбарчай акрузе № 13 Віталь Каратыш быў адпушчаны з войска на тры дні для таго, каб падаць дакумэнты на рэгістрацыю як кандыдата. Віталя адпусьцілі ў нядзелю. Два дні ён зьбіраў подпісы, а сёньня зьбіраецца падаваць дакумэнты. "Зараз маю 1500 подпісаў, - кажа Віталь Каратыш, - сёньня буду іх падаваць. Калі буду зарэгістраваны ў якасьці кандыдата ў дэпутаты, то паводле заканадаўста мушу быць адпушчаны з войска на час правядзеньня агітацыі".

11.08.2008 Місія БДІПЧ АБСЕ атрымала пасведчанне міжнародных назіральнікаў

Місія доўгатэрміновых назіральнікаў БДІПЧ АБСЕ прыбыла 11 жніўня ў Мінск, правяла сустрэчу ў беларускім знешнепалітычным ведамстве і атрымала пасведчанні міжнародных назіральнікаў. Місію ўзначаліў пасол Герт-Хінрых Арэнс (Geert-Hinrich Ahrens). Варта зазначыць, што спадар Арэнс узначальваў місію доўгатэрміновых назіральнікаў Бюро па дэмакратычных інстытутах і правах чалавека (БДІПЧ) АБСЕ на прэзідэнцкіх выбарах у Беларусі ў 2006 годзе. Пры гэтым нягледзячы на негатыўную ацэнку тых выбараў місіяй БДІПЧ (спадар Арэнс канстатаваў, што "даць станоўчую ацэнку не ўяўлялася магчымым"), кіраўніцтва Цэнтрвыбаркама Беларусі выказала задавальненне фактам прызначэння спадара Арэнса, спаслаўшыся на тое, што ён валодае рускай мовай, з ім можна размаўляць без перакладчыка, яго стыль працы ў Беларусі ўжо ведаюць.

11.08.2008 Гомель: Дэмсілы Гомельшчыны вылучылі 214 прадстаўнікоў ва ўчастковыя камісіі вобласці

У Гомельскай вобласці створана больш за 1100 участкаў для галасавання. АДС "закрываюць" каля 20% участкаў, вядома, пры ўмове ўключэння ўсіх дэмакратычных прэтэндэнтаў.

11.08.2008 Бабруйск: Аляксандра Чыгіра і сябраў яго ініцыятыўнай групы выклікаюць у ваенкамат

Бабруйчаніну Аляксандру Чыгіру, які вылучаецца ў кандыдаты ў дэпутаты, прыйшла павестка ў ваенкамат. У паперцы напісана “для ўдакладнення дакументаў”. Аналагічныя выклікі патрапілі і ў паштовыя скрыні двух сябраў яго ініцыятыўнай групы, - усе “сустрэчы” прызначаны на аўторак.

11.08.2008 Магілёў: Ціск на сябраў ініцыятыўнай групы прэтэндэнта ад ГА БНФ “Адраджэньне”

Пачаўся ціск на сябраў ініцыятыўнай групы прэтэндэнта ў кандыдаты ў дэпутаты ад ГА БНФ “Адраджэньне” па Шклоўскай выбарчай акрузе №90 Рыгора Кастусёва. Гэдак, без зразумелых прычынаў супрацоўнікамі КДБ і міліцыі былі дапытаны старшыня выбарчага штабу прэтэндэнта ў кандыдаты ў дэпутаты Рыгора Кастусёва Барыс Вырвіч і Валянціна Шчэтнікава.

11.08.2008 Гомельскія СМІ працягваюць "прасоўваць" кандыдатаў ад улады

Дзяржаўная рэгіянальная газета "Гомельскія ведамасці" публікуе інтэрв'ю з прадстаўнікамі ўлады, прэтэндуючымі на крэсла ў Авальнай зале. У суботнім нумары за 9 жніўня ў рубрыцы "Гутарка начыстую" цэлая паласа прысвечаная Аляксандру Шацько - цяперашняму дэпутату па Гомельскай-Навабеліцкай акрузе № 36. Вядома, што Аляксандр Віктаравіч мае намер балатавацца ў Парламент па гэтай акрузе другі раз.

11.08.2008 З-за дыскрэдытацыі ў дзяржаўных СМІ Партыя БНФ і АГП могуць адмовіцца ад выбараў, а ПКБ падае ў суд на Аляксандра Лукашэнку, Белтэлерадыёкампанію і БелТА

Партыя БНФ і Аб’яднаная грамадзянская партыя могуць адмовіцца ад удзелу ў парламенцкіх выбарах з прычыны іх паслядоўнай дыскрэдытацыі ў дзяржаўных СМІ. Партыя камуністаў Беларуская з той жа нагоды збіраецца падаць у суд зыск да кіраўніка дзяржавы, Белтэлерадыёкампаніі і агенцтва БелТА.