01.07.2008 Парламенцкія выбары. Падзеі і абагульненьні

24 чэрвеня Аляксандр Лукашэнка падпісаў Указ № 344 "Аб прызначэньні выбараў у Палату прадстаўнікоў Нацыянальнага сходу Рэспублікі Беларусь чацьвёртага скліканьня". Паводле гэтага дакумента парламенцкія выбары ў краіне пройдуць 28 верасьня. Беларускія праваабаронцы абвясьцілі пра намер праводзіць маніторынг маючых адбыцца выбараў, і будуць кожны тыдзень абагульняць падзеі, звязаныя з выбарчай кампаніяй.

01.07.2008 Справаздача перад выбаршчыкамі ці заўчасная агітацыя?

Рэгіянальныя дзяржаўныя выданні пачалі друкаваць матэрыялы пра заслугі народных абраннікаў

01.07.2008 Парсюкевіча перавядуць у Мінск

30-га чэрвеня палітвязня Сяргея Парсюкевіча адведалі ў Шклоўскай калоніі яго жонка Наталля і актывіст Руху “За Свабоду” Хрыстафор Жэляпаў.

01.07.2008 Праваабаронцы патрабуюць адмены палітычнага артыкула

Намеснік старшыні Беларускага Хельсінскага камітэта Таццяна Гацура перадала ў Падкамітэт па Беларусі Парламенцкай асамблеі Савета Еўропы (ПАСЕ) і ў Венецыянскую камісію Савета Еўропы заключэнне БХК аб неканстытуцыйнасці артыкула 193-1 Крымінальнага кодэкса РБ.

01.07.2008 Гродзенскія ўніяты выступілі супраць Першага нацыянальнага канала

Вернікі Гродзенскай грэка-каталіцкай парафіі Маці Божае Фацімскай звярнуліся з адкрытым лістом да кіраўніцтва Першага нацыянальнага канала тэлерадыёкампаніі Рэспублікі Беларусь.

01.07.2008 Выбары ў Беларусі пад пільным вокам

Ацэначная місія экспэртаў БДІПЧ (Бюро дэмакратычных інстытутаў і правоў чалавека) АБСЭ рэкамэндуе дзяржавам-удзельніцам АБСЭ накіраваць на парлямэнцкія выбары ў Беларусь паўнавартасную назіральную місію. Такая рэкамэндацыя стала вынікам працы ў Беларусі 9-12 чэрвеня ацэначнай місіі Бюро. Чакаецца, што яе справаздача неўзабаве зьявіцца на афіцыйным сайце.

01.07.2008 У Магілёўскай вобласці тэрыторыі некаторых выбарчых акруг зьменены больш чым на 50 працэнтаў

Самыя вялікія змены закранулі Крычаўскую і Быхаўскую выбарчыя акругі. Былая Касцюковіцкая выбарчая акруга была цалкам падзелена паміж суседнімі выбарчымі акругамі. Новай асобнай выбарчай акругай была вылучана Асіповіцкая выбарчая акруга. Адрозненні паміж самай вялікай Магілёўскай-Ленінскай выбарчай акругай №84 і самай маленькай Бабруйскай-Ленінскай выбарчай акругай №78 складаюць 14,5%.

01.07.2008 Выбарчыя акругі па выбарах дэпутатаў Палаты прадстаўнікоў Нацыянальнага Сходу

Пастановай №16 Цэнтральнай выбарчай камісіі ад 25 чэрвеня 2008 года па прадстаўленьню абласных і Мінскага гарадскога выканаўчых камітэтаў утвораны выбарчыя акругі па выбарах дэпутатаў Палаты прадстаўнікоў Нацыянальнага Сходу Рэспублікі Беларусь чацьвёртага скліканьня.

З колькасьцю выбаршчыкаў і межамі выбарчых участкаў можна азнаёміцца на сайце ЦВК.

01.07.2008 Адбыўся форум грамадскіх арганізацый Магілёшчыны

29 чэрвеня ў Магілёве прайшоў Форум грамадзкіх арганізацыяў Магілёўскай вобласьці. На мерапрыемства зьехаліся 106 грамадзкіх актывістаў з усёй вобласці. Чэрыкаў, Крычаў, Горкі, Мсьціслаў, Шклоў, Крычаў, Клімавічы, Касьцюковічы, Хоцімск, Слаўгарад, Бабруйск, Асіповічы,Бялынічы, Быхаў, Глуск, Круглае, сам Магілёў – вось, бадай, і ня поўны сьпіс прадстаўленых на Форуме гарадоў ды мястэчак. Ініцыятарам мерапрыемства выступіла Праўленьне Асамблеі Няўрадавых Дэмакратычных Арганізацыяў, зладжанае ж яно было цалкам мясцовымі дзеячамі, паведамляецца ў прэс-рэлізе, распаўсюджаным Асамблеяй НДА.

01.07.2008 Журналістку Радыё “Свабода” аштрафавалі «за непавагу да суда»

Журналістку Радыё «Свабода» Любоў Лунёву 30 чэрвеня аштрафавалі на 8 базавых велічынь у зале суда Кастрычніцкага раёна Мінска. Яе звінавацілі ў «непавазе да суда» за тое, што яна адказала на званок па мабільным тэлефоне.

01.07.2008 Звольнілі за намер балатавацца ў кандыдаты

Кіраўнік Кобрынскага аддзяленьня Партыі БНФ. Актывіст Руху “За свабоду” Аляксандр Мех звольнены з пасады інжынера Упраўленьня магістральных газаправодаў ААТ “Белтрансгаз”.

01.07.2008 Нясвіжскі райвыканкам пазбаўляе памяшкання недзяржаўнае выданьне

Нясвіжскі райвыканкам адмовіў ва ўзгадненні дамовы на арэнду памяшкання пад карэспандэнцкі пункт газеце "Нясвіжскі час", якая ўжо была падпісаная выдаўцом і дырэктарам жыллёва-камунальнай гаспадаркі. Пра гэта сведчыць ліст, які рэдакцыя атрымала 30 чэрвеня з ЖКГ.